Ұжымдық қауіпсіздік шарты ұйымына мүше елдер жаңа әскери құрылым құрмақ ниетте
Ұжымдық қауіпсіздік шарты ұйымына мүше елдер жаңа әскери құрылым құрмақ ниетте
Алматы. 25 шілде. "Қазақстан Бүгін" - Ұжымдық қауіпсіздік шарты ұйымына мүше елдер Чехия мен Польша аумағында АҚШ-тың зымыранға қарсы қорғаныс жүйелері элементтерінің орнатылуына жауап ретінде жаңа әскери құрылым құрмақ ниетте. Бұл туралы ҰҚШҰ бас хатшысы Николай Бордюжа журналистерді құлағдар етті, деп хабарлайды агенттік тілшісі РосБизнесКонсалтинг (РБК) агенттігіне сілтеме жасап.
Оның айтуынша, ҰҚШҰ Шанхай ынтымақтастық ұйымына мүше елдермен достық және стратегиялық байланыстар орнатпақшы.
Еске сала кетейік, ҰҚШҰ-ына Армения, Беларусь, Қазақстан, Қырғызстан, Ресей және Тәжікстан кіреді. Ал Шанхай ынтымақтастық ұйымына Қазақстан, Қырғызстан, Қытай, Ресей, Тәжікстан мен Өзбекстан кіреді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.