Ұжымдық қауіпсіздік шарты ұйымына мүше елдердің Қауіпсіздік кеңесінің хатшылары комитетінің отырысы Бішкекте өтеді
Ұжымдық қауіпсіздік шарты ұйымына мүше елдердің Қауіпсіздік кеңесінің хатшылары комитетінің отырысы Бішкекте өтеді.
Бішкек. 19 қыркүйек. "Қазақстан Бүгін" - Ұжымдық қауіпсіздік шарты ұйымына мүше елдердің Қауіпсіздік кеңесінің хатшылары комитетінің отырысы Бішкекте өтеді, деп хабарлайды агенттік тілшісі Қырғызстан президентінің әкімшілігіне сілтеме жасап.
"Ұжымдық қауіпсіздік шарты ұйымына мүше елдердің Қауіпсіздік кеңесінің хатшылары комитетінің отырысы 2007 жылдың 20 қыркүйегінде Бішкекте мемлекеттік "Ала-Арча" резиденциясында өтеді", - деп хабарлайды әкімшіліктегілер.
Отырыс барысында құжаттар топтамасын келісу межеленген. Атап айтсақ, бітімгершілік іс-қызмет жөніндегі келісім, ұжымдық бітімгершілік күштері жөніндегі ережелер, бітімгершілік операцияларға дайындықты жауаптанған оперативтік жұмыс тобы туралы және Ұжымдық қауіпсіздік шарты ұйымының бітімгершілік миссиясы туралы ережелер қаралады.
Отырысқа қатысушылар, сондай-ақ, Ұжымдық қауіпсіздік шарты ұйымына мүше елдердің арнаулы қызметтері мен құқық қорғау органдары басшыларының антитеррорлық комитетін құру, төтенше жағдайлар жөніндегі және заңсыз көші-қонмен күрес мәселелері жөніндегі уәкілетті органдарының жетекшілерінің үйлестіру кеңесін құру мәселелерін талқылайды.
Сонымен бірге, отырыс барысында Ұжымдық қауіпсіздік шарты ұйымына мүше елдердің арнаулы қызметтері мен құқық қорғау органдарын жабдықтау үшін арнаулы техника мен арнаулы құралдарды жеңілдетілген шарттармен сату жөніндегі келісімдердің жобасын саралау межеленген.
Отырыс соңында Ұжымдық қауіпсіздік шарты ұйымының бас хатшысы Николай Бордюжа мен Ұжымдық қауіпсіздік шарты ұйымына мүше елдердің Қауіпсіздік кеңесінің хатшыларының қатысуымен баспасөз мәслихаты өтеді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.