Ұжымдық қауіпсіздік шарты ұйымының төтенше жағдайлар жөніндегі үйлестіру кеңесінің бірінші отырысы күзде Бішкекте өтеді
Ұжымдық қауіпсіздік шарты ұйымының төтенше жағдайлар жөніндегі үйлестіру кеңесінің бірінші отырысы күзде Бішкекте өтеді
Бішкек. 27 наурыз. "Қазақстан Бүгін" - Ұжымдық қауіпсіздік шарты ұйымының төтенше жағдайлар жөніндегі үйлестіру кеңесінің бірінші отырысы күзде Бішкекте өтеді, деп хабарлайды агенттік Қырғызстан төтенше жағдайлар министрі Камчыбек Ташиевке сілтеме жасап.
"Мұндай шешім Ұжымдық қауіпсіздік шарты ұйымына мүше елдердің төтенше жағдайлар жөніндегі мекемелері басшыларының Мәскеуде өткен ұйымдастыру кеңесінің нәтижесі бойынша қабылданды, кеңесті осы ұйым құрып отыр. Бұл кеңесті басқару алдағы бір жылға маған жүктелді, өйткені, ол Ұжымдық қауіпсіздік шарты ұйымына төрағалық жасаушы мемлекеттің өкіліне жүктелуге тиіс", -деді К. Ташиев.
Оның айтуынша, бұл кеңес осы мәселемен айналысатын ТМД және басқа да халықаралық құрылымдар мен халықаралық бірлестіктермен жақын байланыс орнатпақшы. Үйлестіру кеңесінің бірінші отырысының күн тәртібіне төтенше жағдайларға жауап қатудың ұжымдық жүйесін құру мәселелері енгізіліп, Ұжымдық қауіпсіздік шарты ұйымына мүше елдерде техногендік апаттар мен зілзалалар туындаған жағдайда өзара көмек көрсету мен ықпалдастық жасаудың басты бағыттары айқындалады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.