АСТАНА. 28-тамыз. Kazakhstan Today. Жапония үкімет басшысының елімізге сапары аясында екі құжатқа қол қойылды, деп хабарладйы Kazakhstan Today тілшісі.
Атап айтсақ, Қазақстан-Жапония келіссөздерінің нәтижесінде президент Нұрсұлтан Назарбаев пен Жапония үкімет басшысы Дзюнъитиро Коидзуми Қазақстан мен Жапонияның арасындағы достық, серіктестік және ынтымақтастықты одан әрі дамыту туралы бірлескен мәлімдемеге қол қойды.
Сонымен бірге, Қазақстанның энергетика және минералды ресурстар министрі Бақтықожа Ізмұханбетов пен Жапонияның Қазақстандағы елшісі Тэцуо Ито Қазақстан мен Жапония үкіметтерінің арасында атом энергиясын бейбіт мақсатқа пайдалану саласындағы ынтымақтастықты дамыту ниеті туралы меморандумға қол қойды.
Жапония үкімет басшысының сапары аясында екі құжатқа қол қойылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.