Қазақстан мен Pfizer денсаулық сақтау саласындағы инвестициялық жобаны іске асыру мәселелерін талқылады
Сурет: gov.kz
Қазақстан Республикасы Сыртқы істер министрінің Бірінші орынбасары Ержан Ашықбаевтың "Пфайзер Қазақстан" ЖШС Бас директоры, Pfizer компаниясының Қазақстан, Орталық Азия елдері, Кавказ және Моңғолия (CauCAR) бойынша субкластерінің басшысы Дмитрий Козенковпен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесуге сондай-ақ Қазақстан Республикасы Денсаулық сақтау министрлігінің өкілдері қатысты.
Тараптар Pfizer компаниясының Қазақстандағы инвестициялық жобасын іске асырудың өзекті мәселелерін талқылады.
Министрдің бірінші орынбасары Pfizer компаниясы Қазақстанның денсаулық сақтау және фармацевтика саласындағы негізгі халықаралық серіктестерінің бірі екенін атап өтті. Осыған байланысты медициналық саладағы инвестициялық жобаларды іске асыру үшін болжамды әрі қолайлы жағдайларды қамтамасыз етудің маңыздылығына ерекше тоқталды.
Тараптар ынтымақтастықты дамыту және заманауи медициналық шешімдерге қолжетімділікті қамтамасыз ету мәселелері бойынша конструктивті өзара іс-қимылды жалғастыруға мүдделі екендерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Олжас Бектенов Ашхабадтағы ТМД үкіметтері басшылары кеңесінің отырысына қатысты
Сурет: primeminister.kz
Қазақстан Республикасының Премьер-министрі Олжас Бектенов Ашхабад қаласында (Түрікменстан) Тәуелсіз Мемлекеттер Достастығы үкіметтері басшылары кеңесінің отырысына қатысты, деп хабарлайды Үкіметтің баспасөз қызметінен.
Биыл Достастыққа Түрікменстан Республикасының төрағалық етуде. ТМД ҮБК отырысы басталар алдында Түрікменстан Президенті Сердар Бердімұхамедов үкіметтік делегациялар басшыларын қабылдады.
Екіжақты кездесу барысында Олжас Бектенов Қазақстан Президенті Қасым-Жомарт Тоқаевтың атынан түрікмен халқының ұлттық көшбасшысы, Түрікменстан Халк Маслахатының төрағасы Гурбангулы Бердімұхамедов пен Түрікменстан Президенті Сердар Бердімұхамедовке жылы лебізін жеткізді.
Кездесуде сауда-экономикалық және көлік-транзиттік ынтымақтастық, сондай-ақ энергетика, ауыл шаруашылығы салаларындағы өзара іс-қимыл мәселелеріне назар аударылды. 2026 жылғы қаңтар-наурыз айларында Қазақстан мен Түрікменстан арасындағы өзара сауда көлемі $125,3 млн-ды құрады. Бұл ретте экспорт қазақстандық ауыл шаруашылығы өнімдерін жеткізуді ұлғайту есебінен 15%-ға өсті. Қазақстан Үкіметі мен Түрікменстан Министрлер кабинеті екі мемлекет басшылары жүктеген тауар айналымын арттыру жөніндегі міндеттер жоспарлы түрде жүзеге асырылып келе жатқаны атап өтілді.
ТМД ҮБК отырысына Әзербайжан, Беларусь, Қырғызстан, Ресей, Тәжікстан, Өзбекстан үкіметтерінің басшылары, Түрікменстан мен Арменияның өкілдері, сондай-ақ ТМД-ның Бас хатшысы қатысты.
Дәстүр бойынша отырыс шағын және кеңейтілген құрамда өтті.
Шағын форматтағы отырыста ТМД-ға мүше елдердің экономикалық өзара іс-қимылына қатысты өзекті мәселелер талқыланды, онда геодезия, картография, кеңістіктегі деректер саласындағы ынтымақтастық бойынша мемлекетаралық бағдарламаны жүзеге асыру барысы туралы есеп қабылданды. Кеңейтілген құрамдағы отырыс шеңберінде үкіметтік делегация басшылары ТМД-ға қатысушы мемлекеттердің тау-кен металлургия кешені салаларын цифрлық трансформациялау тұжырымдамасының жобасын және оны жүзеге асыру жөніндегі іс-шаралар жоспарын, ТМД-ның 2030 жылға дейінгі кезеңге арналған конгресстік-көрме қызметінің стратегиясын қарады.
Шағын құрамдағы отырыста сөз сөйлеген Олжас Бектенов Қазақстан жаңа Конституцияның қабылдау арқылы өз дамуындағы жаңа тарихи кезеңге кіргенін және экономиканы орнықты дамытуға бағыт түзегенін атап өтті. Осыған байланысты мәдени-гуманитарлық ынтымақтастық саласындағы өзара іс-қимылға қатысты мәселелер қозғалды. Оның ішінде экономика, цифрлық трансформация және жасанды интеллект, агроөнеркәсіп кешені, транзиттік және логистикалық инфрақұрылым, су қауіпсіздігі, сондай-ақ еріктілер қозғалысын дамыту бар. 2025 жылдың қорытындысы бойынша Қазақстанның ТМД елдерімен тауар айналымы $38,4 млрд құрады. 2026 жылғы қаңтар-наурызда өзара сауда көлемі 17,1%-ға өсті.
ҚР Премьер-министрі ТМД тау-кен металлургия кешені салаларын цифрлық трансформациялау тұжырымдамасын қабылдау және жүзеге асыру өнеркәсіпті жаңғыртуға әрі технологиялық ынтымақтастықты кеңейтуге қосымша серпін беретінін атап өтті. Қазақстан Президенті Қасым-Жомарт Тоқаевтың бастамасымен ТМД-ның негізгі көлік артерияларын ұштастыру тұжырымдамасы жүктерді жедел тасымалдау үшін инфрақұрылымды жаңғыртуды қамтамасыз етеді. Бұл көлік шығындарын қысқартады және көлік маршруттарының бәсекеге қабілеттілігін, олардың халықаралық жүк жөнелтушілер мен инвесторлар үшін тартымдылығын арттырады, сондай-ақ ТМД-ға мүше елдердің әлеуметтік-экономикалық дамуы мүддесінде көлік дәліздерін тиімді пайдалануға мүмкіндік береді.
Отырыс қорытындысы бойынша ТМД елдерінің тау-кен металлургия кешені, көлік, радионавигация салаларын цифрлық трансформациялау, уран өндіру өндірістерінің әсеріне ұшыраған аумақтарды рекультивациялау, конгресс-көрме қызметі және тағы да басқа салалардағы ынтымақтастығына қатысты бірқатар құжатқа қол қойылды.
Бұдан бөлек, 2027 жылы Минск қаласын (Беларусь Республикасы), 2028 жылы - Қарағанды қаласын (Қазақстан Республикасы) ТМД жастарының астанасы деп жариялау туралы шешім қабылданды. Халықаралық жоба азаматтардың жас буынын мемлекетаралық қатынастардың барлық салаларында орнықты даму бағдарламаларын жүзеге асыруға тартуға бағытталған.
Тәуелсіз Мемлекеттер Достастығы үкіметтері басшылары кеңесінің келесі отырысы осы жылдың желтоқсан айында Мәскеу қаласында өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Қазақстан-Норвегия Іскерлік кеңесінің екінші отырысы өтті
Сурет: gov.kz
Қазақстан Республикасының Норвегия Корольдігіндегі Елшілігінің қолдауымен Астанада Қазақстан мен Норвегия арасындағы сауда-экономикалық ынтымақтастықты одан әрі дамытуға бағытталған бірқатар іс-шаралар өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шаралар аясында Норвегияның Шығыс сауда-өнеркәсіп палатасы Директорлар кеңесінің төрағасы Ронни Солберг бастаған норвегиялық бизнес өкілдерінің делегациясы Қазақстанға келді. Сапар барысында тікелей іскерлік байланыстарды нығайтуға және экономиканың басым секторларында бірлескен жобаларды жүзеге асыру перспективаларын талқылауға баса назар аударылды.
Алматы және Астана қалаларында Қазақстанның мемлекеттік органдары, даму институттары және іскер топтарының өкілдерімен кездесулер өтті. Келіссөздер барысында инвестициялық өзара іс-қимылды кеңейту, өнеркәсіптік кооперацияны дамыту, сондай-ақ көлік, цифрландыру, ауыл шаруашылығы және орнықты даму салаларындағы тәжірибе алмасу мәселелері қаралды.
Бағдарламаның негізгі оқиғасы Қазақстанның Сыртқы сауда палатасы мен Норвегияның Шығыс сауда-өнеркәсіп палатасы бірлесіп ұйымдастырған Қазақстан-Норвегия Іскерлік кеңесінің екінші отырысы болды.
Іс-шараның ашылуында Қазақстанның Сыртқы сауда палатасы Басқарма төрағасы Мұрат Каримсаков, Норвегияның Шығыс сауда-өнеркәсіп палатасы Директорлар кеңесінің төрағасы Ронни Солберг, сондай-ақ Қазақстан Республикасының Норвегия Корольдігіндегі Елшісі Әділ Тұрсынов құттықтау сөз сөйледі.
Өз сөзінде Елші Ә. Тұрсынов Іскерлік кеңестің екіжақты экономикалық ынтымақтастықты дамытудың маңызды институционалдық тетігі ретіндегі маңызын атап өтіп, оның екінші отырысының Қазақстанда өтуі екі ел арасындағы әріптестіктің дәйекті нығаюын көрсететінін айтты. Сонымен қатар, өзара тауар айналымының өсуі мен іскерлік байланыстардың кеңеюін қоса алғанда, сауда-экономикалық байланыстардың оң динамикасы сақталып отырғаны атап өтілді.
Отырыс барысында тараптар энергетика, мұнай-газ саласы, ауыл шаруашылығы, акваөсіру, логистика және орнықты инфрақұрылымды дамыту секілді бағыттардағы өзара іс-қимыл перспективаларын талқылады. Екі ел бизнес өкілдері арасындағы тікелей B2B-келіссөздер форматындағы практикалық ынтымақтастықты кеңейтуге ерекше назар аударылды.
Іс-шара қорытындысы бойынша қазақстандық "Organic Fish" компаниясы мен норвегиялық "Optimar" компаниясы арасында Каспий теңізінде акваөсіру және балық өнімдерін өңдеу саласындағы ынтымақтастықты дамытуға бағытталған Өзара түсіністік туралы меморандумға қол қойылды.
Өткен іс-шаралар Қазақстан мен Норвегияның сауда-экономикалық өзара іс-қимылды одан әрі тереңдетуге және жаңа бірлескен бастамаларды іске асыруға өзара мүдделі екенін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекет басшысы Токио губернаторы Юрико Коикэні қабылдады
Сурет: Akorda
Президент Токио губернаторының сапары Қазақстан мен Жапония арасында орнаған кеңейтілген стратегиялық серіктестіктің 10 жылдығы қарсаңында өтіп жатқанын, мұның символдық мәні бар екенін атап өтті, деп хабарлайды Ақорданың баспасөз қызметінен.
Қасым-Жомарт Тоқаев Юрико Коикэнің жетекшілігімен Токио әлемдегі ең қауіпсіз, таза әрі тиімді басқарылатын мегаполистердің біріне айналғанын айтты.
- Сізді жаһандық деңгейдегі көрнекті саясаткер ретінде танимыз. Көреген басшылығыңыз бен еліңіз үшін ұзақ жылдар бойы атқарған қызметіңіз құрметке лайық. Қазақстан жұртшылығы Сізді мемлекет қайраткері және еліміздің досы, серіктесі деп біледі. Қазақстанның тарихы мен мәдениетін дәріптеуге бағытталған еңбегіңізді жоғары бағалаймыз. Бұл қос халықтың ынтымағын арттыра түседі, - деді Мемлекет басшысы.
Президент Жапонияға былтыр жасаған ресми сапарын ықыласпен еске алып, соның нәтижесінде екіжақты қарым-қатынас жаңа әрі сапалы деңгейге көтерілгеніне назар аударды.
- Мен Токионың "Ақылды қала" бағдарламасымен таныстым. Бұл біздің қызығушылығымызды тудырды. Себебі елімізде де Smart City тұжырымдамасын ілгерілетіп отырмыз. Сіздің Астанаға келген сапарыңыз пайдалы боларына сенімдімін. Өйткені біз ынтымақтастықты одан әрі нығайтуға және мегаполисті басқару тәжірибесін зерделеуге ынталымыз, - деді Қасым-Жомарт Тоқаев.
Токио губернаторы Мемлекет басшысына қонақжайлық танытқаны үшін ризашылығын жеткізді.
- Сіздің көшбасшылығыңызды, сондай-ақ экономикалық өсім, жасанды интеллект, цифрландыру және инвестиция тарту бағыттарын дамытуды көздейтін іргелі реформаларыңызды жоғары бағалаймын. Қазақстан өңірдегі экономикасы ірі, ресурсы мол ел ретінде Еуропа мен Азияны жалғайтын Орталық Азиядағы басты хаб рөлін нығайтып келеді, - деді Юрико Коикэ.
Президент пен губернатор цифрлық технология, инновация, халықаралық қаржы және білім беру секілді негізгі салаларда серіктестік орнату мүмкіндігін қарастырды.
Кездесу соңында Қасым-Жомарт Тоқаев Қазақстан мен Жапония арасындағы достық байланыстарды нығайтуға елеулі үлес қосқаны үшін Юрико Коикэні І дәрежелі "Достық" орденімен марапаттады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Молдованың елшісі ҚР СІМ-де сенім грамоталарының көшірмелерін табыс етті
Сурет: gov.kz
Қазақстан Республикасы Сыртқы істер министрінің орынбасары Ермұхамбет Қоныспаев Қазақстан Республикасындағы Молдова Республикасының жаңадан тағайындалған Төтенше және Өкілетті Елшісі Игорь Молдованнан сенім грамоталарының көшірмелерін қабылдады, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар саяси, сауда-экономикалық және мәдени-гуманитарлық салалардағы екіжақты ынтымақтастықты одан әрі нығайту перспективаларын, сондай-ақ алдағы екіжақты іс-шаралар кестесін талқылады.
Сондай-ақ екі елдің халықаралық ұйымдар аясындағы ынтымақтастықтың өзекті мәселелері жөнінде пікір алмасу өтті.
Кездесудің соңында, Молдова Елшісі жылы қабылдау үшін алғыс айтып, достық пен әріптестік рухында мемлекетаралық қарым-қатынастарды дәйекті дамыту үшін бар күш-жігерін салуға дайын екенін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен БАӘ авиация мен инвестиция саласындағы ынтымақтастықты нығайтуда
Сурет: gov.kz
Қазақстан Республикасының Біріккен Араб Әмірліктеріндегі Елшісі Рауан Жұмабек "Emirates Group" компаниясының төрағасы және бас атқарушы директоры, Дубай азаматтық авиация басқармасының президенті, "Dubai Holding" және "Dubai Airports" төрағасы шейх Ахмед бен Саид Әл Мактуммен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Тараптар Қазақстан мен БАӘ арасындағы ынтымақтастықтың қазіргі жағдайы және оны одан әрі дамыту әлеуетін, атап айтқанда авиация, көлік, логистика, туризм, инвестиция және инфрақұрылымды дамыту салаларындағы өзара іс-қимылды талқылады.
Екіжақты қарым-қатынастар стратегиялық әріптестіктің жоғары деңгейіне жетіп, белсенді саяси диалог пен биік деңгейдегі тұрақты байланыстардың нәтижесінде қарқынды дамуда екені айтылды. Тараптар сауда-экономикалық және инвестициялық ынтымақтастықты кеңейту мақсатында бірлескен жұмысты жалғастырудың маңыздылығын ерекше атап өтті.
Қазақ дипломаты шейх Ахмед бен Саидтың Дубайды әлемдегі ірі авиациялық, көлік және іскерлік хабтардың біріне айналдырудағы елеулі үлесіне тоқталды. Бұл тұрғыда, оның басшылығым "Emirates Group" жаһандық авиация саласындағы жетекші компаниялардың біріне, ал Дубай халықаралық әуежайы әлемдегі ең ірі авиациялық торап мәртебесіне айналғанына мән берді.
Сонымен қатар, тараптар қазақстандық және әмірлік компаниялар арасындағы іскерлік байланыстарды нығайту мен ынтымақтастықты кеңейту мәселелері бойынша пікір алмасты.
Кездесудің соңында тараптар конструктивті диалогты жалғастыруға және Қазақстан мен БАӘ арасындағы өзара тиімді әріптестікті дамытуға өзара мүдделі екендерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан өңірлері және Ресейдің Челябинск облысы ынтымақтастықты нығайтуда
Сурет: gov.kz
Қазақстанның Ресейдегі Елшісі Дәурен Абаевтың Челябинск облысына жұмыс сапары өтті. Делегация құрамына сондай-ақ Қазақстанның бірқатар өңірлерінің басшылығы мен іскер топ өкілдері кірді, деп хабарлайды Қазақстан Республикасы Сыртқы істер министрлігінің баспасөз қызметінен.
Қазақстан Республикасының өңірлері мен Ресей Федерациясы Челябинск облысының шекара маңы ынтымақтастығының жаңа мүмкіншіліктері" бизнес-форумы барысында екіжақты өзара іс-қимылдың өзекті мәселелері талқыланды. Іс-шара бағдарламасы ҚР РФ Елшілігі мен Челябинск облысы үкіметінің бірлескен күш-жігерімен ұйымдастырылды.
Құттықтау сөзінде Челябинск облысының губернаторы Алексей Текслер өз өңірі мен Қазақстанды тығыз қарым-қатынастағы көршілер деп атады. "Біздің кәсіпорындар ондаған жылдар бойы бірыңғай кооперацияда жұмыс жасап келеді. Біздің ауыл шаруашылықнарықтарымызда сұранысқа ие өнімдерді жеткізеді. Челябинск облысы мен Қазақстан Республикасы арасындағы тауар айналымы жылына тұрақты түрде миллиард доллардан асады, бірақ біздің әлеуетіміз бұдан да жоғары екеніне сенімдімін", - деп атап өтті Алексей Текслер. Өңір басшысы бұл форумның форматы Ресейдің басқа өңірлерін тарту перспективасымен ынтымақтастықтың тұрақты тетігі болатынына сенім білдірді.
Өз тарапынан Дәурен Абаев Челябинск облысы Қазақстанмен тауар айналымы бойынша Ресей Федерациясының субъектілері арасында көшбасшылар қатарында екенін айтты. "Өнеркәсіптік кооперация, металлургия, машина жасау, АӨК - бұл Челябинск облысы мен Қазақстан өңірлері иық тіресе жұмыс істеп келе жатқан бағыттар. Бүгінгі таңда біздің алдымызда бұл динамиканы сақтап қана қоймай, оны сапалы жаңа деңгейге көтеру міндеті тұр", - деп атап өтті Елші. Оның айтуынша, қазіргі форумды Мемлекет басшыларының тапсырмаларын өңірлер деңгейінде нақты жобалармен іске асыру құралы ретінде қарастыруға болады.
Форум барысында өңіраралық ынтымақтастықтың нақты нәтижелерімен Қазақстанның шекаралас облыстарының басшылары бөлісті.
Мәселен, Қостанай облысының әкімі Құмар Ақсақалов РФ-сы өңірдің барлық тауар айналымының төрттен бірін қамтамасыз ететінін, 2025 жылдың қорытындысы бойынша көрсеткіш $1,3 млрд. құрағанын айтты. "Біздің облыстар арасындағы ынтымақтастықтың болашағы елеулі болып қала береді. Бүгінде бизнестің тікелей диалогы жаңа өсу аймағын жедел табуға, сенімді нығайтуға және орнықты экономикалық байланыстарды қалыптастыруға мүмкіндік береді", - деп атап өтті ол.
Өз кезегінде Солтүстік Қазақстан облысының әкімі Ғауез Нұрмұхамбетов өнеркәсіптік кооперация саласындағы табысты мысалдарды келтірді. Атап айтқанда, ресейлік "Хлебпром" компаниясы Қазақстандағы ұзақркәсіптік кооперация саласындағы табысты мысалдарды келтірді. Атап айтқанда, ресейлік "Хлебпром" компаниясы Қазақстандағы . құрағанын айтты. "Біздің облыстар арасындағы ынтымақтастықтың болашағы елеулі болып қала береді. Бүгінде бы $90 млн құрайды.
Павлодар облысы әкімінің бірінші орынбасары Серік Батырғожинов Челябинск облысының іскер топтарының өкілдерін бірлескен инвестициялық және кооперациялық жобаларға белсенді қатысуға шақырды. "Павлодар облысының экономикасына инвестиция сала отырып, инвесторлар перспективалы нарыққа, білікті кадрларға, дамыған инфрақұрылымға және тұрақты өсудің ұзақ мерзімді мүмкіндіктеріне қол жеткізе алады. Біз іскерлік байланыстарды кеңейтуге, әріптестікті тереңдетуге және өзара тиімді жобаларды іске асыруға шын жүректен мүдделіміз", - деп атап өтті ол.
100-ден астам қазақстандық және ресейлік компаниялар қатысқан форум аясында дөңгелек үстелдер мен В2В-келіссөздер өтті. Нақты жобалар мен ұсыныстар талқыланды, ынтымақтастықты жандандыру жоспарлары қаралды.
Іскерлік байланыстарды нығайту мақсатында қазақстандық делегация "Макфа" АҚ (макарон өнімдері, ұн, сондай-ақ жарма мен дәнді дақылдар қауызын шығаратын жетекші өндіруші), "Завод роботов" ЖШҚ (өнеркәсіптік робот-манипуляторларды сериялық өндіруге және құрастыруға мамандандырылған Ресейдегі алғашқы кәсіпорын) және Челябинск ұсталық-престеу зауытында болып қайтты.
Сапар аясында қазақстандық делегация мен А.Текслер бастаған Ресей тарапының өкілдері Мәңгілік алауға гүл шоқтарын қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркі мемлекеттері ұйымына мүше елдердің басшыларына GovТeсh цифрлық шешімдері таныстырылды
Сурет: Akorda
Түркістанда өткен Түркі мемлекеттері ұйымының бейресми саммитіне қатысушы елдердің президенттеріне Қазақстанның цифрлық экономикасын дамыту және аймақтағы технологиялық серіктестікті нығайту бастамалары жайында мәлімет берілді, деп хабарлайды Ақорданың баспасөз қызметінен.
Премьер-министрдің орынбасары - Жасанды интеллект және цифрлық даму министрі Жаслан Мәдиев мәртебелі меймандарға еліміз ЖИ-ді стратегиялық басымдық ретінде қарастыратынын баяндады. Бұл орайда инфрақұрылымды, адами капиталды және инновациялық өнімдерді дамыту арқылы толық экожүйе құрылмақ.
Бүгінде Қазақстанда Starlink және OneWeb компанияларының жерсеріктік байланыс технологиялары белсенді түрде енгізілуде. Транскаспий талшықты-оптикалық байланыс желісін тарту елдің транзиттік әлеуетін жаңа деңгейге көтереді.
Есептеуіш қуатын арттыру бұл саладағы маңызды қадамға айналды. Аймақтағы ең ірі суперкомпьютерлер іске қосылды. Енді "Деректерді өңдеу орталықтарының алқабы" атты ауқымды жоба қолға алынбақ. Қуаттылығы 1 ГВт-тан асатын хаб AI-есептеулерді ұсынуға негізделген экономиканың жаңа экспорттық моделінің іргесін қалайды.
Түркі мемлекеттері ұйымына мүше елдердің ынтымақтастығы ғарыш саласында да нәтиже беруде. Еліміз Өзбекстан, Түркия және Әзербайжан мемлекеттерімен бірлесіп, CubeSat ғылыми жерсерігін әзірлеп жатыр. Оны ғарышқа келесі жылы ұшыру жоспарланған.
Жасанды интеллект мемлекеттік басқару жүйесінде кеңінен қолданылуда. eGov AI асситенті, AlemGPT платформасы секілді шешімдер мемлекеттік қызметтерді анағұрлым жетілдіре түседі.
Қазақстанда мектептер мен TUMO орталықтарынан бастап, арнаулы AI Research университеттерде жалғасатын үздіксіз білім беру жүйесі қалыптасып келеді.
Аlem.ai халықаралық жасанды интеллект орталығы мамандар мен стартаптар тоғысатын орынға айнала алады. Онда зерттеу жұмыстарынан жаңа өнімді қолданысқа енгізуге дейінгі толық цикл жүзеге асырылады.
Президенттерге көлік-логистика кешенін цифрландыру жұмыстары таныстырылды. Салаға жасанды интеллектіні енгізу үдерістерді жеңілдетуге, кедергілерді азайтуға және өңірдің транзиттік әлеуетін нығайтуға жол ашады.
Бұған дейін Қазақстан Цифрлық шешімдердің Азия-Тынық мұхиты өңірлік орталығын құру жөнінде бастама көтергені белгілі. ТМҰ-ға мүше елдер бұл ұсынысқа қолдау білдірді. Соның нәтижесінде Бангкок қаласында өткен БҰҰ-ның Азия мен Тынық мұхиты аймағына арналған Экономикалық және әлеуметтік комиссиясының 82-сессиясында орталықты Алматы қаласында ашу туралы қарар қабылданды. Қазақстан тарапы өз бастамасын қуаттағаны үшін серіктестеріне алғыс айтты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.