Байқоңырда қыркүйекке межеленген екі ғарыштық ұшырылымға дайындық жұмыстары аяқталып келеді
Байқоңырда қыркүйектің басына межеленген екі ғарыштық ұшырылымға дайындық жұмыстары аяқталып келеді. Бұл туралы Kazakhstan Today тілшісіне "Байқоңыр" Федералдық ғарыш орталығынан хабарлады.
"ҚАЗАҚСТАН БҮГІН". 29-тамыз. БАЙҚОҢЫР. Байқоңырда қыркүйектің басына межеленген екі ғарыштық ұшырылымға дайындық жұмыстары аяқталып келеді. Бұл туралы Kazakhstan Today тілшісіне "Байқоңыр" Федералдық ғарыш орталығынан хабарлады.
Баспасөз қызметінің ақпаратына сәйкес, М.Хруничев атындағы Мемлекеттік ғылыми-өндірістік ғарыштық орталығы, "Байқоңыр" Федералдық ғарыш орталығы мен JSAT Corporation мамандары "Протон-М" зымыран тасығышы, "Бриз-М" үдеткіш блогы мен JSAT-11 ғарыштық аппараты түйістірілген бас бөлікті құрастырып бітірді. "Бүгін дайындық жұмыстарының жоспарына сәйкес, зымыран тасығыштың электр жабдықтары тексеріліп жатыр, бұдан кейін "Протон" зымыран тасығышы ұшырылым кешеніне шығарылып, онда жапон жер серігінің ұшырылым алдындағы дайындықтары басталады",- деп хабарлайды баспасөз қызметі.
Осы орайда еске салсақ, "Протон-М" зымыран тасығышы "Бриз-М" үдеткіш блогы мен JSAT-11 ғарыштық аппараттарнын алып 6 қыркүйекте Астана уақытымен 4 сағат 43 минутта ұшырылады деп межеленген (Мәскеу уақытымен 2.43 ).
Сонымен бірге, баспасөз қызметі "Союз-У"зымыран тасығышы "Фотон-М" ғарыштық аппаратын алып ұшатынын еске салады. Бір апта бойы монтаж-сынақ корпусында "Фотонның" түсірілетін аппаратына жабдықтар мен аспаптарды орналастыру жұмыстары жүргізілген.
Үшінші реттік саны бар ғылыми "Фотон-М-3" жер серігі (бірінші "Фотон-М-1" 2003-жылы апат кезінде жойылса, екіншісі өз миссиясын 2005-жылдың мамыр-маусым айларында табысты атқарып шыққан) ресейлік және еуропалық конструкторлардың бірегей жобасы болып табылады және ол Самарадағы "ЦСКБ-Прогресс" зауытында жасалған. Ғарыштық аппараттың салмағы 6,5 тоннадан асады. Ғылыми жабдықтар түсірілетін апараттың ішінде де, оның сыртқы бетінде де орналастырылған. Түсірілетін аппарат жерге 650 кг дейін салмағы бар ғылыми жабдықтарды қайта жеткізе алады. Жалпы алғанда "Фотон-М-3" аппаратында жалпы салмағы 640 кг болатын 16 ғылыми жабдықтар кешені орнатылған. Екі аптаға созылатын ұшу барысында жер серігінің бортында 45 ғылыми сынақтар жүргізу межеленген.
Жер серігі ғарыш кеңіс тігінде 12 тәулік бойы жұмыс істейді. Ұшырылымнан кейін "Фотон-М-3" түсірілетін аппараты Жерге ғылыми жабдықтар мен сынақтардың нәтижесін жеткізеді. "Фотон-М" ғарыштық аппараты мен "Союз-У" зымыран тасығышы 14 қыркүйекте ұшырылады деп жоспарланған.
тақырып бойынша жаңалықтар
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.