Система Orphus

Байқоңырға американдық "АМС-14" спутнигін ұшыруға арналған "Бриз-М" үдеткіш блогы жеткізілді

22.02.2008, 15:45 2435

Байқоңыр. 22-ақпан. "Қазақстан Бүгін" - Байқоңырға америкалық "АМС-14" спутнигін ұшыруға арналған "Бриз-М" үдеткіш блогы жеткізілді, деп хабарлайды "Қазақстан Бүгін" агенттігінің тілшісі Хруничев атындағы Мемлекеттік ғарыштық, ғылыми-өндірістік орталығының баспасөз қызметінің ақпараттарына сілтеме жасай отырып.

Бүгін Астана уақыты бойынша 12.44 "Юбилейный" аэродромына ресейдің "Полет" әуе компаниясының АН-124-100 "Руслан" ұшығымен "Бриз-М" үдеткіш блогы жеткізілді.

Үдеткіш блогы қосымша құрылғыларымен бірге осы тәулік ішінде № 92 монтаждау-сынақ корпусына жеткізіледі. Одан кейін "Бриз-М" 92А-50 монтаждау-сынақ корпусының стендіне орнатылады.

Осыдан кейін Хруничев атындағы Мемлекеттік ғарыштық, ғылыми-өндірістік орталығының мамандары 92А-50 монтаждау-сынақ корпусының № 101 залында "Бриз-М" үдеткіш блогын автономды түрде дайындауға кіріседі.

"Бриз-М" үдеткіш блогы америкалық "АМС-14" телекоммуникациялық спутнигін геостационарлық орбитаға шығаруға арналған. Байқоңырдан "АМС-14" ғарыш аппаратын "Протон-М" зымыран тасығышының көмегімен ұшыру 2008 жылдың 15-наурызына межеленген. "АМС-14" телекоммуникациялық спутнигін Lockheed Martin Commercial Space Systems компаниясы әзірлеген. Спутник 32 транспондермен жабдықталған және Солтүстік Американың тұтынушыларын байланыспен қамтамасыз ететін болады. "АМС-14" телекоммуникациялық спутнигі 15 жыл пайдалануға есептелген.

Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны