Байқоңырға ProtoStar-2 ғарыштық аппараты жеткізілді
Байқоңырға ProtoStar-2 ғарыштық аппараты жеткізілді
Алматы. 16 сәуір. "Қазақстан Бүгін" - Байқоңырға ProtoStar-2 ғарыштық аппараты жеткізілді, деп хабарлайды "Қазақстан Бүгін" агенттігінің тілшісі Роскосмостың баспасөз қызметіне сілтеме жасап.
Астана уақытымен сағат 09.20-да Байқоңырдағы "Юбилейный" әуежайына Ан-124 ұшағы келіп қонды, ол Ульяновск қаласынан шыққан рейспен ғарыш айлағына АҚШ-тың ProtoStar-2 телекоммуникациялық жер серігі мен оған арналған қосалқы жабдықтарды жеткізді.
Баспасөз қызметінің ақпаратына сәйкес, ғарыштық аппарат пен қосалқы жабдықтар тиелген контейнерлер түсіріліп, кедендік рәсімдеуден өткеннен кейін №92А-50 алаңның монтаж-сынақ корпусына жеткізілді, онда жер серігінің ұшырылымға дайындығы жүргізіледі.
Ғарыштық мақсаттағы "Протон-М"зымыраны мен "Бриз-М" үдеткіш блогы АҚШ-тың ProtoStar-2 телекоммуникациялық жер серігін алып 2009 жылдың мамыр айының ортасына таман ұшырылады деп жоспарланған. ProtoStar-2 жер серігін АҚШ-тың "Боинг" (Boeing Satellite Systems (BSS)) концерні осы елдің спутниктік операторы ProtoStar Ltd тапсырысы бойынша жасап шығарған. Ғарыштық аппарат геостационар орбитаға шығарылып, 15 жыл бойы байланыс, телевидение және коммуникациялық қызметтер көрсетеді. Жер серігі S-диапазондағы 10 транспондермен және Ku-диапазондағы 24 транспондермен жарақталған.
Сонымен бірге, "Байқоңыр" ғарыш орталығының баспасөз қызметінің ақпаратына сәйкес, "Прогресс М-02М" және "Союз ТМА-15"ғарыштық корабльдерінің ұшырылымға дайындығы кестеге сай жүргізілуде. 15 сәуірде ғарыш айлағының 31-ші алаңының жанармай құю станциясында "Прогресс М-02М" жүк тасымалдаушы ғарыштық корабліне отын құрамдары мен сұйытылған газ құюға жабдықтарды дайындау жұмыстары басталды.
"Прогресс М-02М" кораблі №254 алаңның монтаж-сынақ корпусында стендте тұр, кеше С. Королев атындағы "Энергия" зымыран-ғарыштық корпорациясы мен "Байқоңыр" федералдық ғарыш орталығының мамандары оның термостаттық жүйесіне жылутасығыштарды құйды.
"Союз ТМА-15" пилотты кемесі де осы корпуста орнатылған. Кеше корабльдің апаттан құтқару жүйелері тексерілді.
"Союз-У"зымыраны "Прогресс М-02М" жүк тасымалдаушы кемесімен 7 мамырда сағат 22.36-да ұшырылады.
"Союз-ФГ" ғарыштық зымыраны мен "Союз ТМА-15" пилотты кемесі 2009 жылдың 27 мамырында ұшырылады. "Союз" кораблімен Халықаралық ғарыш станциясына 20-шы экспедицияның экипажы: ресейлік Роман Романенко, канадалық Роберт Тирск мен бельгиялық Франк де Винн жол тартады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.