Система Orphus

Алматы қаласы әкімінің орынбасары Ұлыбритания елшілігі өкілдігі басшысының орынбасарымен кездесті

06.02.2020, 10:59 3997

Алматы. 6 ақпан. Kazakhstan Today - Алматы қаласы әкімінің орынбасары Е.Бабақұмаров ҚР Ұлыбритания елшілігі өкілдігі басшысының орынбасары Дж. Лэйфилдпен кездесті.

Бүгін Алматы қаласы әкімінің орынбасары Е.Бабақұмаров Қазақстан Республикасындағы Ұлыбритания елшілігі өкілдігі басшысының орынбасары Дж. Лэйфилдпен кездесті.

Кездесу барысында креативті индустрияны дамыту, сонымен қатар білім, денсаулық сақтау салаларында бірлескен жобаларды жүзеге асыру бойынша ынтымақтастықты дамыту мәселелері талқыланды.

Халықтың жайлы өмір сүруі үшін қала кеңістігін одан әрі абаттандыруды басты масқат еткен "Алматы-2050" стратегиясына, мегаполисті "шеті жоқ қала" қағидаты бойынша дамытуға жете назар аударылды.

Атап айтқанда, Алматыны мәдени креативті қала, инновация мен "жасыл білімнің" жаңа индустриясының орталығы ретінде қалыптастыру тетіктері қаралды. ҚР Ұлыбритания елшілігі цифрлық мәдениет саласында бірлескен жобаларды жүзеге асыруға қызығушылықтарын білдірді.

Тараптар бірлескен ынтымақтастықтың маңызын және кең ауқымды мәселелер бойынша өзара байланысты одан әрі тереңдетуге ынталы екендіктерін атап өтті.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны