COVID-19 және пневмонияны емдеу үшін барлық препараттар толығымен жеткілікті - Алматыдағы провизорлық стационардың директоры
"Егер жеке қорғаныс құралдарын нақты нұсқаулық бойынша қолданса, ковидке қарсы енгізілген тазалық шараларын ұстанса, мұның бәрі ең соңында оң нәтижеге әкеледі. Яғни жұқтыру қаупін жоюға болады" , - деді С.Рахменшеев.
Алматы. 30 шілде. Kazakhstan Today - COVID-19 және пневмонияны емдеу үшін барлық препараттар толығымен жеткілікті. Алматы қаласының Психикалық денсаулық орталығының директоры Сапар Рахменшеев бұл туралы Алматы қаласының өңірлік коммуникациялар қызметінің алаңындағы сұхбат барысында айтты.
"Біз пневмониямен науқастанған адамдарды сәтті емдеудеміз, оған барлық қажетті препараттар мен медициналық қондырғылардың жеткілікті болуы кепілдік болып отыр", - деп атап өтті орталық директоры.
Алматы қ.Психикалық денсаулық орталығының базасында коронавирус инфекциясын жұқтырған науқастарды қабылдау үшін 350 төсек-орын дайындалған. Орталық директоры ағымдағы жылдың наурызынан стационардың бір жарым мыңнан астам (1800) адамды қабылдағанын, олардың ішінде 152 адамда диагноз расталып, басқа стационарлардың инфекциялық бөлімдерге жіберілгенін хабарлады.
Негізінен аталған орталықта COVID-19, ассоциацияланған пневмониямен, өкпенің орташа ауыр және ауыр деңгейде қабынған науқастар барлық қажетті кешендік емдеуден өтеді.
"Қажетті препараттар тізімі бойынша орталық ешқандай қиындықты сезіп отырған жоқ, олардың барлық көлемі қажеттілігіне қарай толықтырылып отырады. Сонымен бірге, орталық максималды көлемде респираторлық қолдау көрсетеді: ӨЖЖ, оттегі беру үшін Бобров аппараты", - деп хабарлады С.Рахменшеев.
Осылайша, науқастар ҚР Денсаулық сақтау министрлігімен ұсынылған, аурудың асқынуларын ескертетін шаралар кешенін қосқанда, клиникалық хаттамаға сәйкес, қабынуға қарсы, бактерияға қарсы, антикоагулянтты, сонымен бірге, оксигенотерапия қабылдайды.
Пандемия кезінде Алматы қаласы психикалық денсаулық орталығы жан-жақты көмек көрсетуді жалғастыруда.
Бұл туралы Алматы қаласының өңірлік коммуникация қызметінің алаңында Алматы психикалық денсаулық орталығының директоры Сапар Рахменшеев айтты.
Ағымдағы жылдың наурыз айынан бастап, Алматы қаласындағы психикалық денсаулық орталығында Covid-19 ауру белгілері бар науқастарды қабылдайтын провизорлық стационар ретінде 300-ден астам төсек-орын дайындалды. Осы мерзім ішінде аурухана 1800-ден астам адамды қабылдаған. Оның ішінде 152 науқастан коронавирус инфекциясы табылған.
"Бізде өкпе ауруымен түскен орташа, ауыр және өте ауыр жағдайдағы науқастар, яғни пневмониямен ауырғандар емделіп жатыр. Біздің 296 медицина қызметкерлеріміз өз міндеттерін абыроймен атқаруда", - деді С.Рахменшеев.
Сондай-ақ, пандемияға қарамастан, орталықта бұрыннан емделіп жатқан, нашақорға тәуелді және психикалық аурулары бар науқастар, стационарлық және амбулаторлық жағдайда толық емдерін жалғастыруда.
"Біздің орталық психологиялық көмек көрсету бойынша жұмысын тоқтатқан жоқ. Тіркелген барлық пациенттер емдеуді жалғастырып жатыр", - деді ол.
Орталықта тәулік бойы 376-56-60 сенім телефоны жұмыс істейді. Осы нөмірге тұрғындар кез келген уақытта хабарласып, кеңес ала алады.
Рахменшеев Алматы қаласының Психикалық денсаулық орталығының медицина қызметкерлері туралы: тамақпен толық қамтамасыз етілді, қонақ үйде тұрады және төлемдерін алды
Алматы қ. Психикалық денсаулық орталығының провизорлық стационарларының медициналық қызметкерлері тиісті көмекпен толық қамтылған
Бұл туралы Алматы қаласы өңірлік коммуникация қызметі алаңында өткен сұхбат барысында, Алматы қаласы психикалық денсаулық орталығының директоры Сапар Рахменшеев, орталық базасында коронавирус инфекциясын жұқтырғандар үшін құрылған провизорлық стационарда жұмыс істейтін медицина қызметкерлеріне қандай көмек көрсетілгендігі жайлы айтты.
Мемлекет басшысының тапсырмасын орындауда қала әкімдігі тарапынан қауіпті індетпен күресіп жүрген алдыңғы шептегі дәрігерлерге барлық жағдайдың жасалуына ерекше көңіл бөлініп отырғанын еске саламыз.
"Қазіргі уақытта біздің қызметкерлер жалақыларына қосымша үстеме алып отыр. Сонымен қатар тамақпен қамтамасыз етілген. Ал қонақ үйде тұруға өтініш білдірген 30 қызметкер, сонда тегін тұрып жатыр", - деді Сапар Рахменшеев. Сондай-ақ, ол орталықтың барлық медицина қызметкері қажетті жеке қорғаныс құралдарымен қамтамасыз етілгендігін атап өтті.
Ағымдағы жылдың наурыз айынан бастап, Алматы қаласы психикалық денсаулықты сақтау орталығы КВИ белгісі бар науқастары қабылдайтын провизорлық стационар болып бағытын өзгертті. Осы мерзім бойы стационар 1800-ден астам адамды қабылдады. Олардың ішінде 152 адамнан коронавирус инфекциясы табылған. Олар тез арада инфекциялық стационарға емдеуге жіберілді.
Алматыда екі жақты пневмониямен ауырған 87 жастағы науқас емделіп, ауруханадан шықты.
Бұл туралы Алматы қаласы психикалық орталықтың директоры Сапар Рахменшеев, Өңірлік коммуникациялар қызметіне берген сұхбатында айтты.
Бұған дейін, Психикалық орталық базасында коронавирус инфекциясын жұқтырғандарды емдейтін провизорлы стационар құрылған болатын.
"1933 жылы туған әжей бізге ауыр жағдайда келді. Оған екі жақты полисегментті пневмония диагнозы қойылды. КТ өкпенің 64% зақымданғанын көрсеткен болатын.
Сонымен қатар, пациенттің басқа да аурулары болды: созылмалы жүрек ауруы, қант диабеті, артериялық гипертензия және тағы басқа", - деді Сапар Рахменшеев. " Емдеу курсын толыққанды аяқтаған науқас үйіне шығарылды. Әжей барлық медицина қызметкеріне бата беріп, індетпен күресуде ерлік көрсетіп жүрген жандарға алғысын білдірді",- деп дәрігер сөзін толықтырды.
Дәрігердің айтуынша, осы айдың ішінде Орталыққа 55 жастан асқан 207 азамат көмекке жүгінген. Оның 152-сі емделіп шыққан, ал қалғандары емдеуді әлі жалғастыруда.
Күн сайын 8-10-нан астам науқас ауруханаға жатқызылады. Директордың айтуынша, бүгінде ауруханадағы бос төсек-орын саны 33-ке жеткен. Соңғы айда 499 адам емделіп, үйлеріне шығарылған.
Жалпы айтқанда, аурухананың жансақтау бөлімінде- 1 науқастың жағдйы ауыр, 226 науқас орташа ауырлықта, 7 адам қанағаттанарлық жағдайда.
Өзіңнен және басқалардан әлеуметтік қашықтықты сақтауды, маска тағуды талап ету керек - алматылықтарды өз денсаулықтарына бей-жай қарамауға шақыруда
Алматы психикалық денсаулық сақтау орталығының директоры Сапар Рахменшеев, өңірлік коммуникация қызметінің алаңындағы онлайн-сұхбат барасында Алматы тұрғындарына бірқатар кеңестер берді.
Ол қазіргі пандемия кезінде жеке және ұжым болып дезинфекция жасау, алдын-алу шараларын жүргізу қажеттілігіне баса назар аударды.
Елдегі індетпен күресіп жүрген алдыңғы қатардағы дәрігер ретінде, вирустан қорғанбаудың соңы неге алып келетіндігін, немқұрайлылықтың соңы немен бітетіндігін көріп жүрген медицина қызметкері ретінде, қала тұрғындарына эпидемиологиялық қауіпсіздіктің қарапайым ережелерін сақтауды қатаң ескертті.
Мүмкіндігінше қауіпті жерлерге бармау керек. Яғни халық көп жиналатын орындар- қауіпті болып саналады.
Сапар Рахменшеевтің айтуынша, адамдар бір- бірінен әлеуметтік қашықтықты сақтауды талап етулері керек. Міндетті түрде медициналық масканы қолданып, жұмыс орындарын, пәтерлерді және үйлерді жүйелі түрде зарарсыздандырып отыру қажет.
"Егер жеке қорғаныс құралдарын нақты нұсқаулық бойынша қолданса, ковидке қарсы енгізілген тазалық шараларын ұстанса, мұның бәрі ең соңында оң нәтижеге әкеледі. Яғни жұқтыру қаупін жоюға болады" , - деді С.Рахменшеев.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.