Шығыс Қазақстанда ардагерлерге құрмет көрсетілді
"Қарттарым, аман-саумысыӊ?" акциясы аясында қариялардыӊ үйлерін жинау, тазалау, аулаларын қалпына келтіру сияқты әлеуметтік және атаулы медицинадық көмектер берілді.
Өскемен. 3 қазан. Kazakhstan Today - Шығыс Қазақстанда белсенді түрде "Ардагерлерді ардақтайық!" партиялық жобасы жүзеге асуда. Мақсат - ҰОС ардагерлерініӊ, жалғыз қалған тыл еӊбеккерлері мен егде жастағы азаматтардыӊ өмір сүру деӊгейін жақсарту. Партияныӊ облыстық филиалында Қарттар күніне орай, аймақтыӊ әр ауданынан келген 20-дан астам ақсақалдар мен ақжаулықты әжелердіӊ қатысуымен салтанатты іс-шара өтті.
Қазақстан Республикасыныӊ Президенті, "Нұр Отан" партиясы Төрағасы Нұрсұлтан Ибішұлы Назарбаев өз сөзінде "Қартын ардақтай білген еліӊ рухы үстем, шаӊырағы биік" деген.
Облыстық филиал ғимаратында өӊірдіӊ еӊ белсенді және құрметті қарттары бас қосты. Олардыӊ дені Отан игілігі үшін еӊ құнды байлығын - өмірініӊ саналы ғұмырын тарту етті. Сөзсіз, қариялар салған сара жол көпке өнеге. Төрағаныӊ Бірінші орынбасары Инуарбек Мұхтарханов атап өткендей, бүгінгі ұрпақ аға буыннан адалдық, мықтылық, адамгершілік, қарапайымдылық пен ұлтжандылық қасиеттерді бойға сіӊіре өсуі керек.
-Шығыс Қазақстан облыстық филиал атынан Сіздерді мейраммен құттықтаймыз! Бұл кездесу мемлекетіміздіӊ, Елбасымыздыӊ Сіздерге деген қамқорлығыныныӊ бір көрсеткіші болсын. Сіздер әрдайым елде болып жатқан елеулі оқиғалардыӊ қасында жүргендеріӊізді қалаймыз. Сондықтан әрқашан қолдап, қамқорлық танытатын боламыз, - Инуарбек Мұхтарханов.
Кездесу бейресми түрде, дастархан басында өтті. Аға буын өткен күнніӊ естеліктерін еске алып, ұсыныстарын жеткізді. Солардыӊ бірі - Сайламхан Қалиқызы Көкпекті ауданынан келген. көп жылдар бойы партияныӊ Бастауыш ұйымын басқарып келген. Ұлағатты ардагер ұстаз нұротандықтарға ағылшын тілін оқытуда қолға алынып жатқан жобаларға бағасын берді.
- "Нұр Отан" партиясына ризамын. Бүгін міне, бізді шақырып, құрмет көрсетіп жатыр. Көп рахмет! Бүгінгі кездесуде мен ағылшын тілі мәселесін көтердім. Біздіӊ балалар мемлекетіміз 30 елдіӊ қатарына енуі үшін ағылшын тілін жетік білуі тиіс. Бірақ, қазіргі таӊда мектепте ол сабақтыӊ сағаты азайды. Сондықтан, ағылшын тілі клубтары дәл уақытында қолға алынған жоба деп білемін. Бұл бағыттары жұмыстар жалғасып, дәстүрлі болса деген аудан жастарыныӊ тілегін алып келіп отырмын, - деді Сайламхан Қалиқызы.
Айта кету керек, 2017 жылдан бастап облыстық филиал 45 564 азаматты қамти отырып, 1500 аса іс-шара ұйымдастырды. Арнайы зерттеу нәтижесінде әлеуметтік карта жасалынды. Оған ҰОС ардагерлері, жалғызбасты тыл еӊбеккерлері мен жалғызбасты қарттар кірді. Олардыӊ әлеуметтік-тұрмыстық жағдайы зерттелінді. Бұған қоса, өӊірде ҰОС ардагерлерініӊ құрметіне қойылған ескерткіштер мен мемориалдарды қалпына келтіру жұмыстары жүзеге асырылды.
"Қарттарым, аман-саумысыӊ?" акциясы аясында қариялардыӊ үйлерін жинау, тазалау, аулаларын қалпына келтіру сияқты әлеуметтік және атаулы медицинадық көмектер берілді.
Бұл күні барлық қонақтарға тарту жасалынып, сыйлық-сертификаттары табыс етілді. Айта кету керек, акция өӊірде бір ай бойы өтеді. Эстафетаны аудандық аумақтық филиалдар қабыл алды.
"Нұр Отан" партиясы ШҚОФ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматылық меценаттар жаңа буын жатақханаларын салып жатыр
Алматы әкімі Ерболат Досаев жеке инвестициялар есебінен салынған болашақ ұстаздарға арналған жаңа заманауи студенттер жатақханасына барды, деп хабарлайды Алматы қаласы әкімдігінің баспасөз қызметінен.
1 млрд 350 млн теңгенің жобасын "Karazhal operating", "Rise capital", "Daco Motors KZ", "San tyres", "Pine education", "Kazintel group" және т.б. 50-ден астам компанияны, меценат пен инвесторды біріктірген "Mugalim" қоғамдық бірлестігі жүзеге асырды.
Бұған дейін Алматының Бостандық ауданындағы Жароков және Дунаевский көшелерінің бойындағы осы учаскеде 6 жылдан астам уақыт бойы иесіз қалған қараусыз қалған ғимарат болған. Ауданы 2 мың шаршы метр және жобалық қуаты 200 адамға дейінгі студенттердің жаңа үйі Йель, Оксфорд университеттері сияқты жоғары оқу орындарының жатақханаларының халықаралық стандарты бойынша салынған, мұнда тұратындар үшін коворкинг-орталық, конференц-зал, Study room, шатырдағы үлкен терраса және т.б. барлық жағдай жасалған.
Жатақхана Абай атындағы Қазақ ұлттық педагогикалық университеті, Қазақ ұлттық қыздар педагогикалық университеті, Қазақ ұлттық университеті, С. Демирель атындағы университет және т.б. жоғары оқу орындарының болашақ оқытушы-студенттеріне арналған.
Жаңа заманауи жағдайда жайлы өмір сүру мүмкіндігінің пайда болғанына қуаныштымыз. Мұнда жобалармен жұмыс істеуге, шығармашылықпен айналысуға болатын коворкинг орталығы бар, ол үшін барлық жағдай жасалған. Бұл пәтер жалдауға қалтасы көтермейтін студенттерге таптырмас дүние", - деді Абай атындағы Қазақ ұлттық педагогикалық университетінің студенті Жанерке Тоқтарова.
Сапар барысында Алматы әкімі Ерболат Досаев бұл нысандардың қаланың әлеуметтік инфрақұрылымын жақсарту үшін маңызы зор екенін атап өтті. "Мұғалімдердің мәртебесін көтеру үшін уақыт талабына сай қолайлы жағдай жасау маңызды. Заманау мұғалім тек мұғалім ғана емес, сонымен қатар әдіскер, тәлімгер, тәрбиеші. Қала атынан алғыс айтып, бизнеске, меценаттарға осындай маңызды әлеуметтік жобаларды іске асыруға белсенді қатысуға шақырамын", - деді Е.Досаев.
Mugalim" ҚБ-ның айтуынша, тағы бірнеше білім беру нысанын салу жоспарланған. Жыл соңына дейін Zhibek Dorm қоғамдық бірлестігінің меценаты тағы 100 орындық жатақхана салуды жоспарлап отыр. Сондай-ақ, "Mugalim" ҚБ 110 орындық студенттер үйін (меценат - Yamoto ЖК) және 135 орындық жатақхананы ("Кемел" жеке қоры) жүзеге асыруды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда тағы күн суытады
Болжам бойынша, сәуірдің соңғы күні мен мамырдың басында ауа температурасы төмендейді деп күтілуде, деп хабарлайды "Zakon.kz "Қазгидромет" РМК сілтеме жасай отырып.
Батыс Ресей облыстарынан соққан антициклонның екпіні солтүстік, шығыс және орталық облыстарда ауа температурасының түнде 0+5°С, аяз -1-6°С, күндіз +5°С дейін төмендеуіне әкеледі. Сондай-ақ, +13°C суық фронт республиканың оңтүстік аймақтарына біртіндеп ауысып, ауа температурасы түнде +2+7°С, аяз -2°С, күндіз. +15+25°C".
Синоптиктер республиканың басым бөлігінде атмосфералық фронтальды бөліктердің өтуімен жауын-шашын күтілетінін атап өтті: 1-2 мамырда еліміздің солтүстігінде, шығысында, оңтүстік-шығысында және орталығында қатты жауын-шашын болады, түнде жауын-шашын болады. жаңбыр қарға айналуы мүмкін.
Елдің оңтүстік-шығысында да найзағай ойнап, бұршақ жаууы мүмкін. Республика бойынша екпінді жел күшейеді, түнде солтүстік және шығыс облыстарда тұман күтіледі".
Бұдан бұрын хабарланғандай, 2024 жылдың 29 сәуірінде Астанада және еліміздің 10 облысында дауылды ескерту жарияланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда субұрқақтар 1 мамырда іске қосылады
1 мамырда Алматы қаласында 60 субұрқақ іске қосылады. Қала балансында барлығы 66 субұрқақ бар, оның 6-ын қайта жаңғыртуда ("Одуванчик", "Аққу", "Қызғалдақ" субұрқақтары, М. Әуезов Қазақ ұлттық драма театрының алдында Әл-Фараби атындағы ҚазҰУ және ҚР Мемлекеттік мұражайы), деп хабарлайды Алматы қаласы әкімдігінің баспасөз қызметінен.
Алматы - біздің ортақ үйіміз" науқаны аясында субұрқақтардың тостағандары, түптері, қабырғалары тазартылып, гранит плиталарын қалпына келтіру бойынша дайындық жұмыстары жүргізілді. Мамандар субұрқақтардың сәндік элементтерін бояды, электр жабдықтары мен сорғыларына, электр энергиясының инженерлік желілеріне, суық сумен жабдықтауға және кәрізге ревизия жүргізді. Коммуналдық қызметтерді жеткізушілермен сумен жабдықтау және электрмен жабдықтау жүйелері қайта консервацияланды. Дайындық жұмыстары барысында авариялық учаскелер анықталды, қазіргі уақытта инженерлік сумен жабдықтау және электрмен жабдықтау желілерін қалпына келтіру жұмыстары аяқталуда.
Естеріңізге сала кетейік, 8 сәуірден 8 мамырға дейін "Алматы - біздің ортақ үйіміз" науқаны өтіп жатыр, оның аясында қалада және таулар, өзендер мен көлдер аумағында қоқыстардан тазарту, ағаштарды, гүлдер мен бұталарды жаппай отырғызу, ғимараттардың қасбеттерін жуу, шағын сәулет нысандарын, қоршауларды, балалар жән спорт алаңдары жөнделіп, айнала абаттандырылуда.
Әрбір алматылық қаланың тазалығы мен игілігіне үлес қоса алады. Толық ақпарат аlmaty.kz сайтында, Алматы әкімдігінің әлеуметтік желілерінде орналастырылған. Веб-сайтқа қала бойынша орналастырылған баннерлер, постерлер мен афишалардағы арнайы QR-код арқылы кіруге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 27 сәуірде жаппай алма ағаштары отырғызылады
«Алматы – бақ қала» акциясы аясында осы жылдың 27 сәуірінде сағат 10.00-ден 13.00-ге дейін «Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс (3855 алма ағашы) және 1090 жапырақты ағаш, 2600 бұта (сәнтал, ырғай, қабыржық, қаржеміс және т.б.) отырғызылады, деп хабарлайды Алматы қаласы әкімдігінің баспасөз қызметінен.
«Алматы - бақ қала» жалпықалалық акциясына қатысуға Алматының барлық тұрғыны мен қонағы шақырылады. Акция барысында шығармашылық байқаулар (таңертеңгілік жаттығу, би флешмобы, йога, викторина, шеберлік дәрісі және т.б.) өткізу көзделген.
Көшет егу жоспарланған негізгі орындар:
- ҮАК бойындағы көшенің солтүстігінде, Жаңа Сайын көшесінің шығысында орналасқан саябақ аумағында 500 жеміс ағашы (алма ағашы – 250 дана, өрік – 250 дана);
- «ALA» саябағының аумағында 2 270 алма көшеті;
- Боралдай өзенінің бойындағы бақылау алаңында 1000 жапырақты ағаш.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа жағалау салынуда
Сурет: gov.kz
Қарғалы" жобасы: Алматыда өзен жағасында ыңғайлы демалыс аймағы пайда болады, деп хабарлайды Алматы қаласы әкімдігінің баспасөз қызметінен.
Алматы қаласының Наурызбай ауданында "Алматы - біздің ортақ үйіміз" науқаны аясында 7,7 шақырымға созылып жатқан "Қарғалы" өзенінің жағалауы қайта жаңғыртылуда.
Естеріңізге сала кетейік, науқанның үшінші аптасы "Біздің қала - біздің таулар, өзендер мен көлдер" ұраны аясында өтуде. Апта ішінде жағалаулар мен су айдындары, саябақтар, скверлер мен тау бөктері тазартылады.
Қарғалы жобасының мақсаты - бұл аймақтың экожүйесін сақтай отырып, қала тұрғындарының демалуы үшін неғұрлым ыңғайлы әрі тартымды орта жасау.
Мұнда өзен арнасын тазартып, серуендеу аймағын құру жоспарланған. 3 мыңға жуық ағаш отырғызылады. Сондай-ақ көпжылдық гүлдер мен шөптердің гүлзары, қылқан жапырақты және жапырақты ағаштар мен бұталар егіледі. Жалпы ұзындығы 2,7 шақырымға жететін суармалы су құбыры тартылады.
Ұзындығы 4,3 шақырым болатын 196 жарық бағанасы орнатылады. Келушілердің жайлылығы үшін 135 орындық пен қоқыс жәшігіне қою жоспарда бар.
Жобаның маңызды бөлігі сол, балалар мен спорт алаңдары, жаяу жүру жолдары мен өзен жағасында демалу мүмкіндігі бар жаңа қоғамдық кеңістік құру. Әткеншек, сырғанақ және өрмелеу сияқты ашық ойын элементтері балалардың моторикасы мен физикалық белсенділігін арттырады. Балаларға арналған құмсалғыштар мен су аймақтарын, сондай-ақ ата-аналарға арналған орындықтары мен үстелдері бар демалыс аймағын құру жоспарлануда.
Түрлі ерекшелігі бар балалар үшін де ойын алаңдарында инклюзивті элементтер қойылатындығын атап өткен жөн.
Көпір жолын қайта құрып, жаяу жүргіншілер мен велосипедшілерге қауіпсіздік пен қолжетімділік қамтамасыз етілмек. Тротуарлар мен велосипед жолдарын орнату қарастырылған.
Бұл жоба "Қарғалы" өзенінің жағалауын қала шетіндегі бірегей табиғи саябаққа айналдырады. Құрылыс жұмыстарын 2024 жылдың қараша айына дейін аяқтау жоспарда бар.
Алматы - біздің ортақ үйіміз" науқаны туралы барлық ақпарат https://www.almaty.kz/ сайтында, Алматы әкімдігінің әлеуметтік желілерінде орналастырылған. Сондай-ақ, веб-сайтқа қала бойынша баннерлерде, плакаттарда арнайы орналастырылған QR-код арқылы да кіруге болады.
Әлеуметтік медиа науқанының белсенді қатысушыларына арналған хэштегтер:
#АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.