Система Orphus

Жаңа жүргізуші куәлігін электрондық үкімет арқылы алуға болады

01.07.2013, 18:25 14971

Астана. 1-шілде. Kazakhstan Today - Жаңа жүргізуші куәлігін электрондық үкімет арқылы алуға болады, деп хабарлайды Kazakhstan Today агенттігінің тілшісі.

Жүргізуші куәлігінің жарамдылық мерзімі аяқталуға жақын қалған жағдайда жаңа куәлік алу, сонымен қатар, құжатты жаңа үлгісіне ауыстыру электрондық үкіметтің www.egov.kz порталы арқылы болады. Бұл жағдайда көлік иелеріне жол полициясының тіркеу-емтихан бөлімдеріне бару қажеттілігі жоқ, деп хабарлады "ҰАТ" АҚ-тың баспасөз қызметі.

"Е-үкімет арқылы өтініш беру рәсімі қиын емес: азамат порталда тіркеліп, керекті бағаналарды толтырып, сканердан өтікізілген фотосуретті бекітіп, электронды цифрлы қолтаңбамен (ЭЦҚ) қол қояды. Фотосуреттің талап етілген параметрлерге сәйкес келуі өте маңызды, әйтпесе, өтініш берушінің жеке кабинетіне себебін түсіндірген бас тарту хабарламасы келеді", - делінген ақпаратта.

Онлайн өтініш жіберілгеннен кейін, жүргізуші құжаттарымен (басып шығарылған хабарлама, қызмет көрсетуді төлегенділігі жайлы чек, ескі жүргізуші куәлігі, жеке куәлік, психиатриялық және наркологиялық диспансер анықтамалары, №083 медициналық анықтама), жаңа жүргізуші куәлігін алу үшін, мамандандырылған ХҚКО өтуі қажет.

Онлайн өтінішті куәліктің жарамдылық мерзімі аяқталуға жақын қалған кезде ғана беруге болады. Жарамдылық мерзімі өтіп кеткен куәліктерді ауыстыру өтініштері порталда қабылданбайды. Ондай жағдайларда жүргізушілер жол полициясының тіркеу-емтихан бөлімдеріне немесе мамандандырылған ХҚКО-на барулары тиіс.

"Жүргізуші куәлігін алу" электрондық қызметі пилоттық режимде Алматы, Қарағанды және Ақтау қалаларында іске қосылды. Бүгінгі күнде, осы тәсілмен 70-тен аса қазақстандық өздерінің куәліктерін ауыстырды.

Толығырақ ақпаратты тәулік бойы жұмыс атқаратын call-орталық мамандарынан 1414 нөмірі арқылы білуге болады.

Ұялы немесе қала телефондары арқылы қоңырау шалу Қазақстан бойынша тегін.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны