29-шы Бүкіләлемдік Қысқы Универсиада ойындары Красноярск қаласында өтеді
Алматы. 7 ақпан. Kazakhstan Today - 2017 жылдыӊ 8 ақпанында сағат 18:50-де "Қазақстан" және "Kazsport" телеарналары 28-ші Бүкіләлемдік Қысқы Универсиада ойындарын тікелей эфирде көрсетеді,- деп хабарлайды "Қазақстан" РТРК" АҚ Стратегиялық маркетинг департаменті.
Универсиада ойындарыныӊ жабылу салтанаты 1,5 сағатқа созылып, "Алматы -Арена" кешенінде өтеді. Көрермендер қызықты оқиғаларға толы шоу- бағдарлама тамашалайтын болады. Сондай-ақ, аталмыш шараға Қазақстан эстрадасыныӊ жұлдыздары қатысады.
Жабылу салтанатындағы қызықты сәттердіӊ бірі - келесі Универсиада ойындарыныӊ эстафетасын қабылдап алатын Красноярск қаласыныӊ "визиттік картасы" болмақ. Осы елеулі оқиғаға байланысты, шараға Красноярск қаласыныӊ басшылығы мен шығармашылық тобынан тұратын делегация қатысады.
"Қазақстан" РТРК" АҚ - Алматыда өткен 28-ші Бүкіләлемдік Қысқы Универсиада ойындарыныӊ ресми ақпараттық серіктесі.
Телерадиокорпорацияныӊ құрамына кіретін "Kazsport" телеарнасы Универсиаданыӊ бас хабар таратушысы және Универсиада Алау эстафетасыныӊ ресми таратушысы. "Kazsport" телеарнасыныӊ Қысқы ойындардан хабар таратуы Қазақстанныӊ барлық облыс орталықтарында өткен Алау жағу салтанатынан басталған болатын.
Универсиаданыӊ жабылу салтанатын "Қазақстан" РТРК" АҚ құрамына кіретін ақпараттық ресурстардыӊ барлығы таратады. Оныӊ ішінде республикалық арналар мен радиолардан бөлек 14 аймақтық филиал бар. Корпорация сайтыныӊ арнайы https://kaztrk.kz/kz/Universiade2017 айдарынан ақпарат беріліп отырады.
Айта кетсек, Қазақстан құрамасы медальдар саны бойынша жалпы есепте екінші орынды сақтап қалды. Құрама қоржынында 11 алтын, 6 күміс, 11 қола жүлде бар. Универсиада чемпиондары: шаӊғышы Иван Люфт, Алина Райкова, фристайлшылар Бағлан Іӊкәрбек пен Жанбота Алдабергенова, шаӊғышы Галина Вишневская, аралас командалық спринтте үздік шыққан Анна Шевченко мен Олжас Климин, мәнерлеп сырғанаушы Денис Тен және фристайлшылар Юлия Галышева мен Дмитрий Рейхерд.
Жабылу салтанатыныӊ шарықтау шегі - FISU жалауын келесі форум астанасы - Красноярск қаласына беру сәті болмақ. Көрініс жастар ұйымшылдығы мен Қазақстан халқы бірлігініӊ жарқын символына айналады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.