ҚР ҚМ Искери-техникалық мектебініӊ тәрбиеленушілері мотожарыс бойынша Қазақстандық чемпионатта жеӊімпаз атанды
Астана. 18 Мамыр. Kazakhstan Today - ҚР ҚМ Искери-техникалық мектебі құрылғанына 15 жыл толуына орай мотожарыс бойынша чемпионат өткізді. Астанадағы мотополигонда өткен шараға әскери мектеп спорт секциясыныӊ 68 тәрбиеленушісі қатысты. Жарыста бірнеше жас санатында 21 жасқа дейінгілер сайысқа түсті. Еӊ жас қатысушыныӊ жасы шамамен 6-7 жасты құрады. Осыған қарамастан балалар өздерін мотоциклдіӊ рөлінде сенімді отыратынын көрсетті, деп хабарлайды Kazakhstan Today агенттігініӊ тілшісі.
Мотоциклистерге 1 700 метр қашықтық және жеті түрлі секіртпелер ұсынылды. Жас шамаларына қарай сынақ нәтижелерініӊ жүйесі белгілі болды. Мотожарыста барлығынан үздік шыққан ҚР ҚМ ИТМ спорт клубыныӊ тәрбиеленушілері Артем Беляков, Владислав Сиверов, Дмитрий Гавриленко, Вячеслав Яновский болды. Спортшылар Александр Чуканов пен Александр Пискыч арбалы мотожарыстыӊ жеӊімпаздары атанды. Осы санатта көрермен көзайымы жүлдесіне Виктория Антипова және Алена Брухтыӊ экипажы иеленді. Бұл туралы ҚР Қорғаныс министрлігі хабарлады.
Мото жарыстыӊ барлық жүлдегерлеріне медалдар және құрмет грамоталары табыс етілді. Спортшылар өздерініӊ чемпионаттағы жетістіктерін Ұлы Отан соғысындағы Жеӊістіӊ 70 жылдығына арнады.
Искери-техникалық мектеп жастар арасындағы спортты дәріптеуге және салауатты өмір салтын насихаттауға ерекше көӊіл бөліп отыр. Өткен жылдан бері оқу орны авиациялық, техникалық және әскери-қолданбалы спорт түрлерін дамытуда ауқымды шаралар өткізуде.
Жоспарлы жұмыстыӊ нәтижесінде жалпы саны 23 спорт секциясында 2 000 бала ақысыз негізде спортпен айналысып келеді.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.