Универсиада спорт нысандарыныӊ ашылуы Алматыныӊ 1000 жылдығын мерекелеуге орайластырылады
Астана. 15 қаӊтар. Kazakhstan Today - Бүгін Алматы әкімі Бауыржан Байбек 2017 қысқы Универсиада ойындары өтетін спорт нысандарын аралады. Бұл ғимараттар болашақта қала тұрғындарыныӊ игілігіне пайдаланылады әрі Алматыныӊ 1000 жылдығын мерекелеу қарсаӊында есіктерін айқара ашатын болады", - деп хабарлайды Алматы қаласы әкімініӊ баспасөз қызметінен, деп хабарлайды Kazakhstan Today агенттігініӊ тілшісі.
"Универсиада" басшылығыныӊ мәліметі бойынша барлық спорт нысандары 2016 жылдыӊ 30 тамызында пайдалануға беріледі. Қазір теӊге бағамыныӊ өзгеруіне қарамастан құрылыс жұмыстары қарқынды түрде жүргізіліп жатыр және белгіленген мерзімде аяқталады. Мысалы, үстіміздегі жылдыӊ 22 наурызында Медеу ауданындағы 3000 орындық Мұз аренасыныӊ жаттығу айдыны дайын болады, ал 6 шілдеде негізгі арена мен әкімшілік ғимараттыӊ құрылысы аяқталып, нысанныӊ айналасы абаттандырылады. Бұлардан өзге, 12 мыӊ орындық Мұз сарайыныӊ әкімшілік ғимаратыныӊ, осындағы бассейн мен жаттығу мұз айдыныныӊ құрылыс-монтаж жұмыстары толық аяқталып, нысанныӊ негізгі блогы 2016 жылдыӊ 9 мамырында пайдалануға беріледі, ал нысанныӊ айналасын абаттандыру жұмыстары 6 шілдеде аяқталады. Атлеттер ауылындағы 5 мыӊ орындық 4 тұрғын үй 22 наурызда берілсе, тағы 4 тұрғын үй 9 мамырда іске қосылады. Ал 6 шілдеде соӊғы 2 тұрғын үйдіӊ құрылысы аяқталады. Бұлардыӊ айналасын көгалдандыру мен абаттандыру жұмыстары 1 тамызда жүзеге асады. Барлық нысандардыӊ құрылыс-монтаж жұмыстары тамыздыӊ соӊында аяқталып, биылғы жылдыӊ 30 тамызында пайдалануға беріледі. Құрылыстыӊ әр кезеӊі Алматы әкімі Б. Байбектіӊ жеке бақылауына алынған, деп хабарлайды inform.kz тілшісі.
Естеріӊізге сала кетейік, таяуда ғана 12 мыӊ орындық Мұз сарайыныӊ кіші аренасыныӊ, жаӊа бассейнніӊ, Универсиада спорт нысандары мен Атлеттер ауылыныӊ бизнес-мүмкіндіктерініӊ тұсаукесері өткен болатын. Бұл шараға қала әкімі Бауыржан Байбек, спортшылар, бизнесмендер, журналистер, блогерлер және басқа да мүдделі тұлғалар қатысты.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.