Сенат атом энергиясын пайдалану саласындағы азаматтық-құқықтық жауаптылық мәселелері бойынша заң жобасын қабылдады
Қазақстан Республикасының қолданыстағы заңнамасы ерекше ядролық тәуекелдер үшін жеткіліксіз және оларға бейімделмеген, ядролық оқыс оқиға салдарынан шығындарды өтеу тетігі жоқ, тек қана азаматтық-құқықтық жауаптылыққа негізделгендігін атап өту маңызды.
Алматы. 4 мамыр. Kazakhstan Today - Сенат атом энергиясын пайдалану саласындағы азаматтық-құқықтық жауаптылық мәселелері бойынша заң жобасын қабылдады.
2020 жылғы 30 сәуірде ҚР Парламенті Сенатының депутаттары "Қазақстан Республикасының кейбір заңнамалық актілеріне атом энергиясын пайдалану саласындағы азаматтық-құқықтық жауаптылық мәселелері бойынша өзгеріс пен толықтырулар енгізу туралы" заң жобасын, сондай-ақ оған ілеспе "Халықтың радиациялық қауіпсіздігі туралы" және "Атом энергиясын пайдалану туралы" Заңдарына енгізілетін түзетулерді қабылдады,-деп хабарлайды ҚР Энергетика министрлігінің Баспасөз қызметі.
Заң жобасында Қазақстан Республикасында ядролық қондырғылардың жұмыс істеуі процесінде туындайтын қоғамдық қатынастар, оның ішінде ядролық қондырғы операторларының ядролық залал келтіргені үшін азаматтық-құқықтық жауаптылығы саласындағы қоғамдық қатынастарды реттеу көзделген.
1997 жылғы Ядролық залал үшін азаматтық жауапкершілік туралы Вена конвенциясы Қазақстан Республикасының 2011 жылғы 10 ақпандағы Заңымен ратификацияланды.
Вена конвенциясының басты идеясы ядролық оқыс оқиға туындаған жағдайда, қондырғы операторы келтірілген залалды өтеуге міндетті болып табылатындығында. Бұл ретте, оператордың ядролық залалды өтеу сомасының ең төменгі мөлшерін мемлекет айқындайды.
Бүгінгі таңда Қазақстанда заңнамалық деңгейде 1997 жылғы Вена конвенциясының ережелерін қолдану шарттары регламенттелмеген, атап айтқанда, мемлекет тарапынан оператордың жауапкершілігінің шектері айқындалмаған және қаржылық қамтамасыз ету мен сақтандыру мәселелері реттелмеген.
Қазақстан Республикасының қолданыстағы заңнамасы ерекше ядролық тәуекелдер үшін жеткіліксіз және оларға бейімделмеген, ядролық оқыс оқиға салдарынан шығындарды өтеу тетігі жоқ, тек қана азаматтық-құқықтық жауаптылыққа негізделгендігін атап өту маңызды.
Қолданыстағы заңнамаға енгізілген түзетулер ядролық қондырғы операторларының үшінші тарап алдындағы азаматтық-құқықтық жауаптылығын күшейтуге бағытталған. Атап айтқанда, Заң жобасында ядролық оқыс оқиға нәтижесінде туындаған залалдан зардап шеккен адамдарға қаржылық қорғауды қамтамасыз ету, сондай-ақ ядролық қондырғы операторының ядролық залал келтіргені үшін азаматтық-құқықтық жауапкершілігін сақтандыру тетіктерін белгілеу нормалары белгіленеді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.