22.05.2024, 17:27 64461
Ақмола облысында бизнес үшін электр энергиясына тариф төмендетілді
Сурет: gov.kz
Достарға айту
АӨЭК-Энергосбыт" ЖШС ҚР ҰЭМ Табиғи монополияларды реттеу комитетінің Ақмола облысы бойынша департаментіне заңды тұлғалар үшін электр энергиясына тарифті ҚҚС-сыз 1 кВт/сағатына 42,523 теңгеден 40,560 теңгеге дейін яғни 4,6%-ға төмендегені туралы хабарлама берді, деп хабарлайды ҚР Энергетика министрлігінің баспасөз қызметінен.
Төмендетілген тариф 2024 жылғы 1 маусымнан бастап қолданысқа енгізіледі.
Тарифті төмендету ҚР ҰЭМ ТМРК аумақтық департаменттері реттелмейтін энергиямен жабдықтаушы ұйымдарды электр энергиясымен жабдықтау жөніндегі қызметтерге лицензиялардың қолданылуын жақында тоқтатқаннан кейін мүмкін болды.
Бұл жұмыс Үкімет Мемлекет басшысының делдал ұйымдарды, оның ішінде тұтынушыларды электрмен жабдықтау тізбегіндегі өнімсіз делдалдарды жою жөніндегі тапсырмасы аясында жүргізілгенін естеріңізге сала кетейік.
Тарифті төмендетудің алғышарты тұтынушылардың (қаланың заңды тұлғалары мен бюджеттік ұйымдарының) реттелмейтін энергиямен жабдықтаушы ұйымдардан электр энергиясын кепілді жеткізушіге ("АӨЭК -Энергосбыт" ЖШС) ауысуы болды, бұл кепілді жеткізушінің көрсетілетін қызметтерінің көлемін ұлғайту жағына, тиісінше тарифті төмендетуге әсер етті.
Электр энергиясы қызметтерін үздіксіз алу үшін бұрын реттелмейтін жеткізушілерді пайдаланған Ақмола облысының заңды тұлғаларының "АӨЭК-Энергосбыт" ЖШС-мен жедел түрде тиісті шарттар жасасу мүмкіндігі бар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
14.06.2024, 17:56 35121
Тоқаевқа Алматы облысында Алатаудың жаңа қаласын дамыту туралы баяндалды
Достарға айту
Мемлекет басшысы Алматы облысының әкімі Марат Сұлтанғазиевті қабылдады, деп хабарлайды Ақорданың баспасөз қызметінен.
Мемлекет басшысына облыстың биылғы қаңтар-мамыр айларындағы негізгі әлеуметтік-экономикалық даму көрсеткіштері туралы баяндалды.
Жалпы өңірлік өнім көлемі 5 триллион теңгеге жеткен облыс еліміз бойынша бесінші орында тұр. Қаңтар-мамыр айларындағы қысқа мерзімдік экономикалық көрсеткіш 107,9 пайызды құрады. Өнеркәсіптің жалпы көлемі жөнінен өңдеу өнеркәсібі (88,5%) жетекші орынға ие.
Марат Сұлтанғазиевтің айтуынша, ауыл шаруашылығы, байланыс қызметі, көлік, құрылыс салаларында және сауда-саттық секторында да айтарлықтай өсім қарқыны байқалады.
Қасым-Жомарт Тоқаевқа облыс аумағында 7 индустриялық аймақ құрылып жатқаны жөнінде баяндалды. Өңірдің 2030 жылға дейінгі инвестициялық портфеліне жалпы құны 3,7 триллион теңге болатын 207 жоба енген. Биыл сомасы 446,7 миллиард теңге болатын 58 жоба жүзеге асырылып, 5,3 мың жаңа жұмыс орны ашылмақ.
Сонымен қатар Мемлекет басшысына шағын және орта бизнестің дамуы жөнінде мәлімет берілді. Әкімнің айтуынша, 2024 жылдың басындағы дерекке сәйкес өңірде 136,7 мың шағын және орта бизнес субъектісі жұмыс істейді. Бұл былтырғы көрсеткіштен 6,3 пайызға көп.
Бұдан бөлек, "Ауыл аманаты" бағдарламасы аясында 53 ауыл шаруашылығы кооперативі құрылған. Оның 46-сына тиісті қаржылай қолдау көрсетілген.
Марат Сұлтанғазиев өңірдегі әлеуметтік мәселелер, соның ішінде үш ауысымды мектептердің проблемасы жоспарлы түрде шешіліп жатқанын айтты. Былтыр 13,8 мың орындық 13 мектептің құрылысы аяқталды. 2024-2025 жылдары "Жайлы мектеп" ұлттық жобасы аясында тағы да 53 мектеп салу жоспарланып отыр.
Бұған қоса, Президентке Алматы облысында жүргізілген "Таза Қазақстан" экологиялық акциясының алғашқы бес аптасының қорытындысы таныстырылды. Облыс тұрғындары қоғамдық орындарды абаттандыру және жаппай ағаш отырғызу ісіне белсенді атсалысқан. Аталған шара аясында 19 506 тонна қоқыс жиналып, 6600 гектардан астам аумақ тазартылған.
Мемлекет басшысы "Таза Қазақстан" бастамасы экологиялық мәдениетті қалыптастыратын маңызды қадам екенін атап өтіп, облыс әкіміне аталған жұмысты тұрақты түрде жүргізуді тапсырды.
Кездесу барысында облыс орталығы Қонаевты, жаңадан құрылған Алатау қаласын және тұтас агломерацияны дамыту перспективасы талқыланды. Мемлекет басшысына қала құрылысына қатысты құжаттаманы әзірлеу және бекіту жұмыстарының аралық нәтижесі таныстырылды.
Кездесу соңында Қасым-Жомарт Тоқаев облыстың стратегиялық даму жоспарын орындауға бағытталған жұмыстарды жалғастыруды, сондай-ақ Alatau City жобасын жүзеге асыру үшін әлеуетті инвесторлармен қарым-қатынасты жандандыруды тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.06.2024, 17:54 35336
Астана қаласында Климаттың өзгеруі жөніндегі негіздемелік конвенциясының (СОР29) 29-шы отырысына дайындық жөніндегі бірлескен кеңес өтті
Достарға айту
Астана қаласында Климаттың өзгеруі жөніндегі негіздемелік конвенциясының (СОР29) 29-шы отырысына дайындық жөніндегі бірлескен кеңес өтті, деп хабарлайды ҚР Энергетика министрлігінің баспасөз қызметінен.
2024 жылғы 12 маусымда, Экология және табиғи ресурстар Энергетика, Сыртқы істер министрліктерінің, сондай-ақ "Атамекен" ҰКП тұрақты даму жөніндегі кеңесінің және ESG қатысуымен БҰҰ-ның Климаттың өзгеруі жөніндегі негіздемелік конвенциясының (СОР29) 29-шы отырысына дайындық жөніндегі мүдделі мемлекеттік органдардың, ұлттық компаниялардың, бизнес-қоғамдастықтың қатысуымен бірлескен кеңесі өтті, ол 2024 жылдың қараша айында Баку қаласында өтеді.
Энергетика вице-министрі Б.Ілияс Энергетика министрлігінің төмен көміртекті энергетиканы дамыту, метан шығарындыларын азайту, әділ энергетикалық ауысу шеңберінде жүргізіп жатқан ағымдағы жұмысы туралы айтты.
Вице-министр Қазақстан үшін энергетикалық секторды дамытудың маңызды бағыты төмен көміртекті тректі дамыту, 2060 жылға дейін көміртекті бейтараптыққа қол жеткізу және кезең-кезеңімен энергетикалық ауысу болып табылатынын атап өтті.
Өз кезегінде, Қазақстан қоршаған ортаға парниктік газдардың антропогендік шығарындыларын азайтуға бағытталған жаһандық бастамалардың тарапы болып табылады. Осылайша Қазақстанның метан бойынша жаһандық міндеттемеге қосылуы еліміздің дәйекті энергетикалық ауысу бағытына бейілділігін растайды және елге "жасыл" инвестицияларды тарту үшін мүмкіндіктер ашады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.06.2024, 16:55 36331
Парламент сот жүйесі туралы Конституциялық заңға енгізілетін түзетулерді бірінші оқылымда мақұлдады
Достарға айту
Парламент сот жүйесі туралы Конституциялық заңға енгізілетін түзетулерді бірінші оқылымда мақұлдады, деп хабарлайды ҚР Парламенті Мәжілісінің баспасөз қызметінен.
Парламент палаталарының бірлескен отырысында депутаттар "Қазақстан Республикасының сот жүйесі мен судьяларының мәртебесі туралы" Конституциялық заңға өзгерістер мен толықтырулар енгізу туралы" Конституциялық заң жобасын бірінші оқылымда мақұлдады.
Заң жобасын парламентарийлер Мемлекет басшысының сот төрелігін жүзеге асырудың сапасын қамтамасыз ету және судьялардың кәсіби деңгейін арттыру қажеттігі жөніндегі тапсырмаларын іске асыру үшін әзірленді. Оның мақсаты - сот жүйесін одан әрі дамыту.
Атап айтқанда, сот жюриімен сот ісін қарау кезінде заңдылықтың өрескел бұзылуының әрбір фактісі бойынша судьяға қатысты тәртіптік іс материалдарын тексерудің жаңа тетігі енгізіледі, бұл судьялар тарапынан заң бұзушылықтарды болдырмауға оң әсерін тигізетін болады.
Түзетулер аясында Сот төрелігінің сапасы жөніндегі комиссияның ұйымдастырылуы мен қызметінің тәртібі өзгереді. Сондай-ақ судьялардың тәуелсіздігін қамтамасыз ету бойынша құқықтары мен әлеуметтік кепілдіктері күшейтіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.06.2024, 16:26 36651
ІІМ тұрмыстық зорлық-зомбылық туралы Заң туралы айтылды
Достарға айту
Жаңа заң жазалауды ғана емес, алдын алуды көздейді": ІІМ тұрмыстық зорлық-зомбылық туралы заңды түсіндірді, деп хабарлады Polisia.kz.
Тұрмыстық зорлық-зомбылық тақырыбы қашанда қоғам назарында. Бұл мәселенің түйінін тарқату үшін құқық қорғау және басқа да мемлекеттік органдар, үкіметтік емес ұйымдар бірлесе жұмыс істеп жатыр. Нәтиже де жоқ емес. Жыл сайын отбасындағы әлімжеттік жағдайлары ақырын болса да азайып келеді.
Тұрмыстық зорлық-зомбылық фактілері бойынша полицияға түскен шақыртулар:
2020 жылы - 179 096
2021 жылы - 155 177
2022 жылы - 115 526
2023 жылы - 99 026
2024 жылдың 4 айында - 28 189
Тұрмыстық саладағы қылмыстық құқық бұзушылықтар саны (денсаулыққа ауыр зиян келтіру және кісі өлтіру):
2020 жылы - 1071
2021 жылы - 1022
2022 жылы - 935
2023 жылы - 923
Бұрын жәбірленушілердің көп жағдайда арыз жазудан бас тартуына байланысты үй тирандарына қатысты шара қолдану қиынға соғатын. Өткен жылы ІІМ-нің бастамасымен заңға түзетулер енгізіліп, полиция зорлық-зомбылық фактісін тіркеудің анықтау сипатына көшті. Яғни, агрессорды жәбірленушінің арызынсыз-ақ жауапқа тарту мүмкіндігі пайда болды. Ал енді биыл қабылданған заңда қандай өзгерістер бар екенін тәртіп сақшылары тарқатып айтып берді.
Кісі өлтіру бабында баланы өлтірген жағдайда өмір бойына бас бостандығынан айыру деген жаза қосылды. Денсаулыққа ауыр зиян келтіру мен орташа ауырлықта зиян келтірудің жазаларынан біз бостандықты шектеу жазасын алып тастадық. Алдағы уақытта олар тек қана бас бостандығынан айырылатын болады. Ұрып-соғу мен денсаулыққа жеңіл зиян келтіру баптары осы жаңа заңмен қылмыстық жауапкершілікке тартылатын болады. Сондай-ақ тағы да айта кетейін, қинау деген бап бар. Сол қинау бабы бойынша да Бас бостандығын шектеу жазасы алынып тасталды. Жаза тек бас бостандығынан айыру. Тағы да Қылмыстық кодекске бұрын болмаған жауапкершілік енгізілді. Ол 16 жасқа толмаған жасөспірімдерге қатысты жыныстық қолсұғушылық жасаған тұлғалар қылмыстық жауапкершілікке тартылатын болады", - ІІМ әкімшілік полиция комитетінің ерекше тапсырмалар жөніндегі аға инспекторы Ақмарал Серікбаева.
Заң "әйелдердің құқықтары мен балалардың қауіпсіздігін қамтамасыз ету" деп аталғанымен, ол бәріне ортақ болады. Яғни барлық азаматтың құқығы бірдей қорғалады.
Көптеген жағдайлар кездеседі. Ер адамдардың әйелдерге күш көрсетуі ғана емес, кейде әйелдердің өзі агрессия көрсетіп жататын кездер болады. Бағынбаушылық білдіріп, қызметкердің талаптарын орындамай… Жалпы полицияға ер адамдар да, қыз-келіншектер де, жасөспірімдер де хабарласып жатады", - деді Астана қаласы ПД патрульдік полиция полкінің қызмет инспекторы Шыңғыс Ахимов.
Жәбірленуші тарап қоңырау шалуы мүмкін немесе көршілер шудың арқасында хабарласуы мүмкін. Кім қатты агрессия білдіріп жатады, сол кісіні біз заң аясында жақын арадағы полиция басқармасына міндетті түрде жеткіземіз. Одан ары қарай басқа да құқық бұзушылықтар орын алмау мақсатында", - деді Астана қаласы ПД патрульдік полиция полкінің қызмет инспекторы Мейіржан Ұлтанбай.
Отбасылық-тұрмыстық қатынастар саласына отбасының барлық мүшелері жатады. Тіптен бұрын бірге тұрған азаматтар, бұрын ерлі-зайыпты болған ажырасқандар немесе ортақ баласы барлар, бір үйде бірге тұратындар, сондай-ақ жақын туыстардың барлығы жатады. Бұл жерде жәбірленуші отбасының кез келген мүшесі бола алады. Сондықтан жәбірленуші кім болса да, оған кез келген көмек көрсетіледі", - деді Ақмарал Серікбаева.
Жалпы заңның негізгі мақсаты - қылмыстық қудалау емес, керісінше тұрмыстық саладағы қайғылы жағдайлардың алдын алу, адамдардың өздерінің әрбір әрекетіне деген жауапкершілігін арттыру.
Мұндай санаттағы істер әрдайым біздің бақылауымызда. Ұрып-соғу мен денсаулыққа жеңіл зиян келтірудің қылмыстандырылуына байланысты бастапқыда арыздар көп болуы мүмкін. Бірақ одан кейін арыздар азаяды деп ойлаймын. Біз бұған дейін де денсаулыққа ауыр зиян келтіру, кісі өлтіру істерін тергеп келдік. Осы жаңа заң жәбірленушілердің құрбан болуының алдын алуға бағытталған", - деді Астана қаласы ПД тергеу басқармасының аса маңызды істер жөніндегі аға тергеушісі Алима Жамалиева. Заңда тағы бірқатар маңызды мәселелер қарастырылған.
Енді кәмелетке толмағандарды кез келген көлік түрінен мәжбүрлі түрде шығарғандар, балаларын қауіпті жағдайда қалдырған ата-аналар және кез келген азаматқа қатысты буллингке жол бергендер әкімшілік жауапкершілікке тартылатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.06.2024, 10:11 44691
Утиль алымы мәселелері бойынша петицияны қарау жөніндегі Жұмыс тобының отырысы өтті
Достарға айту
ҚР Өнеркәсіп және құрылыс министрлігінің алаңында утиль алымына қатысты петицияны қарау жөніндегі Жұмыс тобының отырысы өтті, деп хабарлайды Қазақстан Республикасы Өнеркәсіп және құрылыс министрлігінің баспасөз қызметінен.
Жұмыс тобының құрамына ҚР Парламентінің депутаттары, Өнеркәсіп және құрылыс, Экология және табиғи ресурстар, Ауыл шаруашылығы министрліктерінің вице-министрлері, Ішкі істер, Мәдениет және ақпарат, Ұлттық экономика, Цифрлық даму, инновациялар және аэроғарыш өнеркәсібі министрліктерінің, Жасыл Даму" АҚ, "Қазақстанның автокөлік одағы" ЗТБ, "Қазақстанның өнеркәсіптік инвесторлар одағы" ЗТБ, "Қазақстанның тәуелсіз бизнес одағы" ЗТБ, өкілдері, сонымен қатар петиция бастамашылары қатарынан "Республикалық қайталама металлургия өнеркәсіпшілер одағы" ассоциациялары, дербес автомобиль одағы және "Әділдік үшін" ҚҚ өкілдері кірді.
Отырыс басталған кезде вице-министр петицияға 50 мың адам қол қойғанын және оны қарау және оны тиімді талқылау және барлық тараптардың мүдделеріне сай келетін шешімдерді әзірлеу үшін сындарлы түрде қарау маңызды екенін атап өтті.
Петиция бастамашысы өз сөзінде утиль алымының экономика салаларына, атап айтқанда автомобиль өнеркәсібіне, құрылыс, жол және арнайы техника өндірісіне тигізетін әсері туралы айтты.
Отырыс барысындағы пікірталас аясында оның утиль алымы процедурасы арқылы жиналған қаражатты бөлудегі ашықтық тақырыбын, сондай-ақ қазақстандық автомобиль өнеркәсібінің даму болашағы мен оның қазіргі жағдайын қозғады.
Атап айтқанда, өндіруші компаниялардың өкілдері утиль алымы алынып тасталса, жұмыс орындары қысқартылатынына алаңдаушылық білдірді. Олар қазіргі уақытта тұрақты және бәсекеге қабілетті жалақымен, әлеуметтік пакетпен және біліктілігін арттыру мүмкіндігімен қамтамасыз етілген автомобиль өнеркәсібі мен онымен байланысты салаларда өте көп жұмысшы қызмет ететінін еске салды.
Жиналыстың соңында Олжас Сапарбеков оның қатысушылары ең алдымен утиль алымының ағымдағы өзгерістері мен перспективаларын талқылағанын атап өтті. Одан бөлек, Жұмыс тобы мүшелерінің алдағы уақытта өңірлердегі зауыттарға сапарлары кестесі бекітілді. Жұмыс тобының мүшелері Көкшетау қаласындағы "КАИК" ЖШС, "Kazrost Engineering LTD" және "КАМАЗ-Инжиниринг" АҚ, Алматыдағы "Hyundai Trans Auto" ЖШС және "Hyundai Trans Kazakhstan" ЖШС, Семейдегі "SemAZ" ЖШС және ""Daewoo Bus Kazakhstan" ЖШС, сондай-ақ Қостанайдағы "СарыаркаАвтоПром" ЖШС, "Машиностроительный завод МТЗ-Казахстан" ЖШС мен "Агромашхолдинг KZ" АҚ барады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.06.2024, 10:05 45146
Атырау мұнай өңдеу зауытына 6 миллион айыппұл салынды
Достарға айту
Атырау мұнай өңдеу зауытына (МӨЗ) атмосфералық ауаның сапасын бақылау станцияларында жол берілген бұзушылықтар үшін 6 миллион теңгеге жуық айыппұл салынды, деп хабарлайды Қазақстан Республикасы Сауда және интеграция министрлігінің Техникалық реттеу және метрология комитетінің баспасөз қызметінен.
Техникалық реттеу және метрология комитетінің Атырау облысы бойынша департаменті жүргізген тексеріс барысында, өңірлік экология департаментінің өтініші негізінде, тексерілмеген өлшеу құралдарын пайдаланғаны үшін ("өлшем бірлігін қамтамасыз ету туралы" ҚРЗ 19-бабының 1-тармағы), АМӨЗ ӘҚБтК 419-бабының 1-бөлігі бойынша әкімшілік жауапкершілікке тартылып, 1600 АЕК мөлшерінде айыппұл салынды.
Атмосфералық ауадағы мұнай өнімдерінің зиянды газдарының нақты мөлшерін анықтауға және олар асып кеткен жағдайда адам өмірі мен денсаулығына және қоршаған ортаға зиян келтіру қаупін болдырмауға мүмкіндік беретін стационарлық газ анализаторларының үздіксіз жұмысы аталған кәсіпорын пайдаланатын өлшеу құралдарының жарамдылығына байланысты көрсетілген құқық бұзушылықтарға жол берілмейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
13.06.2024, 12:44 66476
Астана автобустарында орнатылан жаңа камералар билетсіз жолаушыларды анықтайды
Достарға айту
"City Transportation Systems" ЖШС "Астана қаласының қоғамдық көлігіндегі бейнеаналитика жүйесі" инновациялық жобасын іске қосады, деп хабарлайды елорда әкімдігінің ресми сайты.
Жобаның мақсаты - жолаушыларға қызмет көрсету сапасын жақсарту, билетсіздер санын азайту және қоғамдық көліктердегі қауіпсіздікті арттыру.
Жобаның пилоттық кезеңі аясында 2 мамырда №24 маршруттың бір автобусында нақты уақыт режимінде деректерді талдауға мүмкіндік беретін камералар, роутерлер және борттық компьютер орнатылған. Әр есікке қарама-қарсы орналасқан камералар кірген жолаушылардың санын есептеп, төлем туралы мәліметтерді салыстырады. Бұл билетсіз жолаушылар санын, маршруттың уақыты мен учаскелерін дәл анықтауға мүмкіндік береді. Сондай-ақ нақты уақыттағы ақпарат CTS көліктік бақылау департаментіне түседі.
Бейнебақылау пилоттық жобасы іске қосылған сәттен бастап бір автобуста жүйемен 2 мыңнан астам билетсіз жол жүру жағдайы анықталды. Бұл пилоттық жоба болғандықтан, жолаушыларға айыппұл салынбаған.
CTS-те жобаның толық іске қосылуы мен іске асырылу барысы туралы қосымша хабарланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
13.06.2024, 12:40 66676
Үкімет қол жеткізілген Қазақстан-Корея келісімдерін іс жүзінде жүзеге асыруға дайын
Достарға айту
Астанада Корея Республикасының Президенті Юн Сок Ёль мемлекеттік сапары аясында Қазақстан Премьер-Министрі Олжас Бектеновпен кездесу өткізді, деп хабарлайды Үкіметтің баспасөз қызметінен.
Мемлекет басшысы Қасым-Жомарт Тоқаев пен Корея Президенті Юн Сок Ёльдің келіссөздері барысында қол жеткізілген уағдаластықтарды одан әрі іске асыру мәселелері талқыланды. Сауда-экономикалық ынтымақтастықты кеңейтуге, өнеркәсіп, энергетика, авиация және басқа да салалардағы өзара іс-қимылды күшейтуге назар аударылды.
"Қазақстан сауда-экономикалық әріптестікті дамытуда үлкен перспективаларды көріп отыр. Екіжақты ынтымақтастықтың серпінді дамуын қамтамасыз ету мақсатында Үкімет жоғары деңгейде қол жеткізілген барлық уағдаластықтарды жүзеге асыруға бірден кірісуге дайын", - деп атап өтті Олжас Бектенов.
Қазақстан энергетика, сирек кездесетін жер металдарын игеру және қайта өңдеу, инфрақұрылым, автомобильдер мен олардың компоненттерін өндіру, су ресурстарын тиімді пайдалану, қаржы және басқа да перспективалы салаларда бірлескен жобаларды іске асыруға мүдделі.
Өңдеу секторын дамыту - Мемлекет басшысының экономиканы әртараптандыру жөніндегі тапсырмасын орындау мақсатындағы Қазақстан Үкіметі жұмысының басым бағыттарының бірі. Бүгінгі таңда корей компанияларының қазақстандық машина жасауды дамытуға инвестиция салуының жоғары көрсеткішіне қол жеткізілді. Елімізде автомобиль кластерлері құрылуда, құрамдас бөлшектер өндірісін ретке келтіру жоспарлануда. Мысалы, Алматыда Hyundai маркалы автомобильдерді шағын тораптық құрастыру, Қостанай облысында KIA бренді автомобильдерінің өндірісі, Семей қаласында Daewoo Bus Global автобустарының бірлескен өндірісі жолға қойылған. Жақын арада кореялық компаниялар Қазақстанда автомобильдерге арналған орындықтар мен мультимедиа шығара бастайды.
Таяуда қол қойылған келісімдерді ескере отырып, кореялық компаниялардың қатысуын одан әрі кеңейту және ірі корпорациялардың өндірісін локализациялау үшін жаңа перспективалар ашылуда. Қазақстанның Оңтүстік Корея технологияларын қолдана отырып, электрокарларға арналған аккумуляторларды өндіруге қызығушылығы бар. Олжас Бектенов автомобиль өнеркәсібіндегі ынтымақтастықты одан әрі нығайтуға және кореялық тарап еліміздің автомобиль өнеркәсібі үшін қазақстандық кадрлар даярлау ісіне көмектесуге мүдделі екенін атап өтті.
Сонымен қатар Қазақстан мен Корея басым салаларда технологиялармен алмасуды және жобаларды бірлесіп іске асыруды жандандыруда. Қалдықтарды сұрыптау, қайта өңдеу және жою саласында қоқыс өңдеу зауытын салу жобасы перспективалы болып отыр. Металлургия саласында ферроқорытпалар өндірісін жолға қою керек. Геология саласында сирек кездесетін жер металдарын бірлесіп өндіру және қайта өңдеу қажет, сондай-ақ кейіннен өзара тиімді шарттарда Кореяға жеткізілетін жоғары өңделген өнімдерді Қазақстанда шығару саласында ынтымақтастық орнату көзделген.
Сутегі энергетикасы да ынтымақтастықтың перспективалы бағыттарының біріне айналуы мүмкін. Өз кезегінде, лифт жабдықтарын өндіруді локализациялау құрылыс нысандарының қауіпсіздігін арттырады. Авиацияда мәдени-гуманитарлық байланыстар мен іскерлік байланыстарды нығайту мақсатында жаңа жолаушылар әуе бағыттарын ашу мәселесі пысықталады. Бұл өткен жылы Қазақстанға келген корейлік туристер санының екі есе артуына байланысты қажет болып отыр.
Анықтама: Қазақстанда Корея Республикасымен ынтымақтастық жөніндегі арнайы құрылған жұмыс тобы қызмет істейді. Алматы облысында Lotte жаңа кондитерлік фабрикасының құрылысы, Қарағанды облысында Samsung тұрмыстық техникасының өндірісі, Алматы қаласында Hi Air Korea мұнай-газ жабдығы өндірісі және басқалары секілді бірқатар келешегі бар жобалар пысықталып жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
13.06.2024, 12:40Үкімет қол жеткізілген Қазақстан-Корея келісімдерін іс жүзінде жүзеге асыруға дайын 13.06.2024, 12:44 65721Астана автобустарында орнатылан жаңа камералар билетсіз жолаушыларды анықтайды10.06.2024, 18:03 52751Мемлекет басшысы ҰҚШҰ Бас хатшысы Иманғали Тасмағамбетовті қабылдады10.06.2024, 17:48 52231Тоқаев португалдықтарды ұлттық мерекемен құттықтады11.06.2024, 17:53 45106Өңірлерде 2 мың шақырым су құбыры салынады және қайта жаңғыртылады деп жоспарлануда
07.06.2024, 12:43 118461Корея Республикасының Президенті Юн Сок Ёль Қазақстанға мемлекеттік сапармен келеді07.06.2024, 12:50 118366100-ге жуық құрылыс нысанын бұзуға қатысты талап арызды алматылық сот қарайды23.05.2024, 12:53 118351Елімізде адам папилломасы вирусына қарсы вакцина сатып алуға 9,7 млрд теңгеден астам қаржы бөлінді23.05.2024, 12:26 114206АШМ 2,5 млн га алқапта табын шегіртке зиянкестері таралады деп болжап отыр23.05.2024, 16:48 113106Білім беру мекемелеріндегі бейнебақылау камералары, дабыл батырмалары мен турникеттер орнату жөніндегі жұмыстардың орындалуы үкіметтің назарында