Алматыда түнгі клубтар мен полиция есірткіге қарсы күресті бірлесіп жүргізу жөнінде келісімге келді
Алматыда түнгі клубтар мен полиция есірткіге қарсы күресті бірлесіп жүргізу жөнінде келісімге келді
Алматы. 4 ақпан. "Қазақстан Бүгін" - Алматының ІІД басшылығы мен түнгі клубтар және басқа да көңіл көтеретін мекемелердің әкімшілігі полиция тарапынан жүргізілетін рейдтер мен түрлі тексеру шаралары кезінде ақпарат алмасу және өзара әрекет ету жөніндегі меморундумға қол қойды. Бұл туралы агентікке қалалық ішкі істер департаментінің баспасөз қызметі хабарлады.
Баспасөз қызметінің ақпараты бойынша, қаладағы түнгі клубтарында бірнеше рет есірткіні пайдаланғандар қолға түскендіктен, құқық қорғау органдары көңіл көтеретін мекемелердің қауіпсіздік қызметінің қызметкерлерімен бірлесіп іс-қимылдарды жүргізу жөнінде тәжірибе енгізуді жөн көрді. "Іс жүзінде, түнгі клубтарға келетіндер ешбір кедергісіз есірткіні сатып алып пайдалана алады ", - деп хабарлады полиция қызметкерлері.
"Бүгінгі күні заң бұзушылықтары анықталған алты түнгі клубтың қызметі тоқтатылды. Бұл мекемелерде есірткі заттары сақталып, пайдаланылғаны жөнінде деректер айқындалып, клуб иелеріне қатысты деректер сотқа жіберілді. Біздің пікірімізше, көңіл көтеретін мекемелер полиция қызметкерлерімен есірткіге қарсы күресте тізе қоса көмек көрсететініне сенеміз", - деді есірткіге қарсы күрес жөніндегі басқармасының бастығы, полиция подполковнигі Ерлан Кебекбаев.
Оның сөздері бойынша, есірткіні пайдаланғандар мен оны сататындарды анықтау тәсіліне қауіпсіздік қызметкерлерін оқыту жоспарлануда. Ол атап өткеніндей, көңіл көтеретін мекемелерінде орнатылған заманауи бейнеқұралдары есірткіге қарсы күресте , қауіпсіздік жүйесінде және түнгі клубтарға келетіндерді бақылау жұмысында үлкен көмек көрсетеді
Полицияның мәліметтері бойынша, бүгінде Алматыда жасы 16 мен 25 аралығында 8 мыңнан аса есірткіге тәуелді адамдар тіркелген.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.