Астанаға ЭКСПО-2017 көрмесіне 100 австриялық инвестор мен бизнесмен келді
Австрия ТМД елдеріндегі ірі инвестор болып табылады. Қазақстанда 50-ден артық австриялық кәсіпорынныӊ өкілдіктері бар, ал Ресей Федерациясы аумағында 400-ден астам австриялық кәсіпорын өз қызметін жүргізуде.
Астана. 14 маусым. Kazakhstan Today - 2017 жылдыӊ 13 маусымында Астанада жүз австриялық менеджер мен инвестор қатысқан ТМД бизнесмендерініӊ ірі аймақтық форумы болып өтті. Конференцияныӊ негізгі мақсаты ТМД аумағында экономика мен бизнестіӊ даму келешегі мен трендтерін талқылау болды және Қазақстан экономикасыныӊ өсу мүмкіндіктеріне ерекше назар аударылды, өйткені шара Астанада "Астана ЭКСПО-2017" халықаралық көрмесі аясында өтіп жатыр.
Австрия ТМД елдеріндегі ірі инвестор болып табылады. Қазақстанда 50-ден артық австриялық кәсіпорынныӊ өкілдіктері бар, ал Ресей Федерациясы аумағында 400-ден астам австриялық кәсіпорын өз қызметін жүргізуде.
- 2017 жылдыӊ бірінші тоқсанында ТМД-дағы Австрия экспортыныӊ жалпы көлемі 33%-ға өсті. Ал 2016 жылы осы елдерге экспорттау 2.8 млрд евроны құрады. Қазіргі таӊда Қазақстанныӊ Австрия экономикасыныӊ экспорттық мақсаттары бойынша 51-ші орында тұрғанын ерекше атап өткен жөн - 2016 жылы экспорт көлемі 225 миллион евроны құрады. Қазақстан Австрияныӊ Орталық Азиядағы еӊ үлкен сауда серіктесі болып табылатыны даусыз, - деп, Алматыдағы Австрия елшілігініӊ Сауда кеӊесшісі Михаэль Мюллер түсініктеме берді.
Конференция жұмысыныӊ барысында ТМД-ныӊ жетекші бизнесмендері, халықаралық және австриялық сарапшылар мен БАҚ өкілдері "Бір белдік, бір жол" Қытай инвестициялық жобасы шеӊберінде жаӊа Жібек жолында экономикалық өсу үшін алғышарттарды, ТМД елдерініӊ экономикасын қалай салыстыру (бизнес-рейтингтер құру арқылы) мәселелерін қоса алғанда, халықаралық қатынастар шеӊберінде өсудіӊ жаӊа мүмкіндіктері, экономикалық дамудыӊ негізгі факторлары қандай, сонымен қатар, ТМД жаӊа технологиялық революцияға дайын ба деген сияқты мәселелердіӊ талқыланғаны есте қаларлық.
Қорытындылай келе, австриялық технологиялардыӊ Астанадағы ЭКСПО-2017 көрмесініӊ басты павильонын құру үшін де қолданылғанын ерекше атап өткен жөн. Сфераныӊ бір бөлігі ERTEX SOLAR компаниясыныӊ 380 күн панельдерін қолдану арқылы жасалған, олар жарықтандыру және желдету жүйелерініӊ тиісті түрде жұмыс істеуін қамтамасыз етеді. Сонымен қатар, геометриялық кешенді қасбеттердіӊ есептеулері EVOLUTE веналық компаниямен жүргізілген, ал EXPO City Astana сумен жабдықтау жүйесін қамтамасыз ету үшін беріктігі жоғары шойыннан жасалған 1,5 километр құбырды TIROLER ROHRE компаниясы жеткізді.
ЭКСПО-2017 көрмесіндегі Австрияныӊ өз павильонына қатысты айтатын болсақ, ол күтпеген, креативті және ойын түрінде ұсынылған, сондай-ақ, бірнеше аймаққа бөлінген. Экспозиция әрқайсысы жаӊартылған энергия көздерімен байланысты инновациялардыӊ жиынтығымен келушілерді қарсы алады. Мысалға, Австрия туралы бейнені көру үшін павильон қонақтарына бірнеше велосипедті бірге айдау ұсынылады. Ал Австриялық павильонныӊ жаны күш машинасы деп аталатын машина болып табылады, онда әр түрлі құрылғылар мен тетіктердіӊ көмегімен келушілер ойын түрінде энергияны сезіне алады. Austrian Power Machine әр қонақтыӊ қабілеттері мен мүмкіндіктерін жеке-жеке ашады және, осылайша, Австрияныӊ бүкіл әлеуетін шығармашылық түрде ұсына отырып, өзініӊ ноу-хауымен, технологияларымен және өнерімен барлық келушілерге әсер қалдыру арқылы энергияға ұқыпты қарауды қалыптастыруға мүмкіндік туғызады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.