Б. Ибдірайым Иділет вице-министрі болып тағайындалды
Мемлекет басшысы Нұрсұлтан Назарбаевтың Өкімімен Бақытжан Жарылқасынұлы Ибдірайым Қазақстан Республикасы Иділет министрінің орынбасары болып тағайындалды. Ол Қорғаныс министрінің орынбасары қызметінен босатылды.
Алматы. 12 мамыр. Kazakhstan today. Мемлекет басшысы Нұрсұлтан Назарбаевтың Өкімімен Бақытжан Жарылқасынұлы Ибдірайым Қазақстан Республикасы Иділет министрінің орынбасары болып тағайындалды. Ол Қорғаныс министрінің орынбасары қызметінен босатылды. Бұл туралы Ақорданың баспасөз қызметі хабарлады.
Бақытжан Ибдірайым 1965 жылы 13 мамырда туған. С.М. Киров атындағы ҚазМУ-дың заң факультетін, аспирантураны және РҒА мемлекет және құқық институтының докторантурасын үздік бітірген. "Тұран" университетінің қаржы-экономикалық факультетін бітірген.
1984-1986 жылдары Қарулы Күштер қатарында қызмет етті. 1992-1993 жылдары Мемлекеттік арбитраждың экономикалық кеңесшісі және мемлекеттік арбитры қызметін атқарды. 1993-1995 жылдары Жоғары Арбитражды Сот судьясы, 1995-2002 жылдары Жоғарғы Сот судьясы, 2001-2002 жылдары Жоғары Сот Кеңестің мүшесі, Судьялар Одағының төрағасы, 2002-2006 жылдар Парламенттегі Президенті өкілдігінің басшысы. 2006 жылы Парламент Сенатының аппарат басшысы, 2006-2007 жылдары Ақмола технология және бизнес университетінің ректоры, 2007 жылы Жоғарғы сот жанындағы сот әкімшілік жөніндегі комитет төрағасы, 2007-2008 жылдары Парламенттегі Президент өкілдігінің басшысы. 2008-2011 жылдары Л.Н.Гумилев атындағы Еуразия ұлттық университетінің ректоры, 2012-2013 жылдары "Искери-стратегиялық зерттеулер орталығы" АҚ президенті.
2013 жылдың 2 қазанынан бүгінге дейін Қазақстан Республикасы Қорғаныс министрінің орынбасары болды.
Үйленген, 6 бала тәрбиелеп отыр.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.