"Батыс Еуропа - Батыс Қытай" құрылысына арналған қарыз туралы келісімге түзетулер мақұлданды
BNews.kz ақпараттық агенттігінің хабарлауынша, мәжіліс депутаттары Батыс Еуропа - Батыс Қытай халықаралық транзит дәлізіне арналған қарыз туралы келісімге енгізілген түзетулерге қатысты Қазақстан Республикасы мен Халықаралық Қайта Құру және Даму банкi арасындағы келiсiм-хатты ратификациялау туралы бірінші заң жобасын қарап, мақұлдады.
Астана. 24-сәуір. Kazakhstan Today - Мәжілісмендер "Батыс Еуропа - Батыс Қытай" жолдарының құрылысына арналған қарыз туралы келісімге түзетулерді мақұлдады, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, мәжіліс депутаттары Батыс Еуропа - Батыс Қытай халықаралық транзит дәлізіне арналған қарыз туралы келісімге енгізілген түзетулерге қатысты Қазақстан Республикасы мен Халықаралық Қайта Құру және Даму банкi арасындағы келiсiм-хатты ратификациялау туралы бірінші заң жобасын қарап, мақұлдады.
Жоба іске асырылған жағдайда елдің көліктік әлеуеті дамып, халықаралық дәліздің қазақстандық бөлігі бойынша қозғалыс қарқыны едәуір артады және транзиттік жүктердің айналымына жол ашылады. Бұл Қазақстанның барлық деңгейдегі бюджеттерінің кіріс бөлігін арттыруға мүмкіндік береді.
Қарыз туралы келісім шеңберінде Батыс Еуропа - Батыс Қытай автожол дәлізінің құрамына Алматы облысының шегіндегі Алматы-Қорғас учаскесінде жұмыстарды, оның ішінде жанама айналма жолдарды, көпірлерді, көлік жолайрықтары мен қосалқы құрылыстарды қайта құру және салу жөніндегі жұмыстарды орындау көзделген.
Халықаралық Қайта құру және даму банкі келісімге сәйкес Қазықстан Республикасына 1 068 млн АҚШ доллары сомасында қарыз береді. Қарызды өтеу мерзімі - бес жыл, жеңілдікті кезеңді қоса алғанда 19 жыл.
Қазақстан Республикасы Үкіметінің берлесіп қаржыландыруы 188,5 млн АҚШ долларынан аспайды. Республикалық бюджет қаражаты құрылыс жұмыстарын бірлесіп қаржыландыруға, сондай-ақ салықтарды төлеуге жұмсалмақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.