Система Orphus

"Батыс" өңірлік қолбасшылығының әскери қызметшілері тағы да зарарсыздандыру жұмыстарына тартылды

01.06.2020, 19:43 6184

Алматы. 1 маусым. Kazakhstan Today - "Батыс" өңірлік қолбасшылығының әскери қызметшілері тағы да зарарсыздандыру жұмыстарына тартылды.

Атырау және Ақтау гарнизонының 100-ге жуық әскери қызметшілері Атырау және Ақтау қалаларында адамдар көп шоғырланатын жерлерді зарарсыздандыруға шықты.

Дезинфекцияның екінші толқыны 28 мамырда басталып, 10 маусымға дейін жалғасады. Бұл іс-шараларға Атырау қаласында 40 әскери қызметші және Ақтау қаласында 60 әскери қызметші жұмылдырылды. Дезинфекция тұрғын үйлердің және оған іргелес аумақтардың, ойын алаңдарының, алаңдар мен саябақтардың, мемлекеттік мекемелердің, базарлардың, теміржол вокзалдарының және әуежайдың учаскелерінде жүргізіледі.

Іс-шараларды өткізу үшін жеке құрам арнайы қорғаныс киімдерімен, ранецтік шашқыштармен және ыстық тұман генераторларымен жабдықталған. Жұмыстың бастапқы кезеңінде тұрғын үйлер, аулалар, іргелес аумақтар мен ойын алаңдары залалсыздандырылады.

"Бүгін Ақтау қаласында 4 және 5 шағын аудандардың аумағы, Атырау қаласында Нұрсая шағын ауданы, автовокзал және теміржол вокзалы өңделді. Өңдеу жұмыстары барысында бұрынғыдай акма-хлор ертіндісін қолданамыз. Оның қоршаған ортаға еш зиян әсері жоқ", - дейді "Батыс" өңірлік қолбасшылығының РХБ әскерлерінің бастығы майор Алмас Несіпқалиев,.

Бұған дейін Атырау, Ақтау және Ақтөбе қалаларында төтенше жағдай режимі кезінде шамамен 2 миллион шаршы метр жер өңделген болатын.

Қалаларда бұрын енгізілген барлық шектеулер қатаң бақылауда. Жеке құрам мен еліміздің азаматтары денсаулығының қауіпсіздігін қамтамасыз ету мақсатында профилактикалық және санитарлық-эпидемияға қарсы іс-шаралар жүргізілуде. Әр нысанды өңдеу шаралары мұқият ұйымдастырылған.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны