АСТАНА. 21 - маусым. Kazakhstan Today. Қазақстанның бірқатар аймақтарының Ішкі істер департаментінің тергеу бөлімшелерінің басшылары тәртіптік жауапқа тартылды, деп хабарлайды Kazakhstan Today агенттігінің тілшісіне ҚР Ішкі істер министрлігінің тергеу комитетінен.
"Алдын ала тергеуді ұйымдастырудың тиісті заңдылығын бұзуға жол бергені үшін Алматының, Павлодар, Маңғыстау оболыстарының Ішкі істер департаменттері мен Көліктегі Батыс ІІД тергеу бөлімшелерінің басшылары тәртіптік жауапқа тартылды",- деп айтылған ІІМ вице-министрі Алик Шпекбаевтың төрағалығымен өткен тергеу жүргізудің тергеу және сот практикасы мәселелері жөніндегі кеңестің қорытындысы бойынша әзірленген комитеттің баспасөз баянында.
Баспасөз баянында көрсетілгендей, кеңесте "азаматтардың конституциялық құқығы мен бостандығын сақтау, тергеу бөлімшелерінің қызметкерлері арасындағы сыбайлас жемқорлыққа қарсы әрекет ету Ішкі істер министрлігінің ең басым міндеттерінің бірі болып табылатындығы" атап көрсетілген. "Осыған байланысты тергеу бөлімшелерінің бастықтарына заңдылықты сақтау, жеке құрам арасында қызметтік тәртіпті нығайту, сонымен қатар сыбайлас жемқорлыққа байланысты заң бұзушылық деректеріне жол бермеуге қатысты профилактиккалық шараларды ұйымдастыру тапсырылған",- деп айтылған құжатта.
Сонымен қатар, кездесуде "қылмыстық істерді тергеудің заңдылығына, сапасына және белгіленген мерзімде тергеуді қамтамасыз етуге қатысты мекемелік бақылауды күшейтуге аса назар аударылған". "Тергеуге дейінгі тексерулер мен қылмыстық істер материалдары бойынша заңды процессуалдық шешімдердің қабылдануын, сонымен қатар қосымша тергеуге қайтарылатын істердің санын төмендетуге ерекше бақылау қою тапсырылды",- деп айтылған мәтінде.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бірқатар аймақтардың Ішкі істер департаментінің тергеу бөлімшелерінің басшылары тәртіптік жауапқа тартылды - ІІМ
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.