Қарағанды өңірінің шахталарындағы жиі болатын өндірістік жарақат алу мен апаттардың негізгі себептері еңбек жағдайларының төмендігінен болуда
Қарағанды өңірінің шахталарындағы жиі болатын өндірістік жарақат алу мен апаттардың негізгі себептері еңбек жағдайларының төмендігінен болуда
Астана. 3-сәуір. "Қазақстан Бүгін" - Қарағанды өңірінің шахталарындағы жиі болатын өндірістік жарақат алу мен апаттардың негізгі себептері еңбек жағдайларының төмендігінен болуда. Бұл туралы бүгін өткен брифингте ҚР Бас прокуратурасының ресми өкілі Сапарбек Нұрпейісов мәлім етті, деп хабарлайды агенттік тілшісі.
"Қарағанды өңірінің шахталарындағы жиі болатын өнідірістік жарақат алу мен авариялардың негізгі себептері бұрынғыдай қауіпсіздік пен гигиенаға сай келмейтін еңбек жағдайларының төмендігінен, тау-кен жұмыстарын жүргізу кезіндегі техника қауіпсіздігін қамтамасыз ету бойынша шаралардың болмауынан, сондай-ақ әбден ескірген жабдықтарды қолданудан болатындығы анықталды. Алайда аталған заң бұзушылықтар кәсіпорын басшыларының көмір өндіру көлемін және жұмыс қарқынын арттыра беруіне ешбір кедергі болмаған",- деді ресми өкіл.
С.Нұрпейісовтың айтуынша, заң талаптарына қарамастан көмір департаментерінің барлық 8 шахталарындағы жер астындағы жабдықтар амортизациялық жағынан 100 пайыз тозған және олар алмастыруға жатады.
Исіресе "Костенко атындағы" шахтада қолданылып жатқан 1948-65-ші жылы шыққан көтергіш машиналар туралы ерекше айта кеткен жөн. Ал олардың нормативтік қызмет көрсету мерзімі - 20 жыл. Бірақ шахта әкімшілігі жүздеген адамның өміріне қауіп келтіріп отырған бұл жәйт жөнінде үндемеуге тырысады. Ал техникалық қауіпсіздік ережелерінде дәл осы көтергіш машиналардың пайдалану жағдайына талаптар ерекше қойылады.
Сондай-ақ шахталардың қауіпсіздік жағдайына елеулі әсер ететін желдеткіш жүйелері де тозған болып шықты. Мәселен, "Қазақстан" шахтасында негізгі желдеткіш құрылғылары орнына қосалқы желдету желдеткiштерi қолданылады. Оның үстіне тиісті қолдану мерзімі тек 3 жыл болса да олар 4 жылдан астам жұмыс істеп тұр. Сайып келгенде бұл жағдай шахтаның бүкіл желдету жүйесінің дұрыс жұмыс істемеуіне алып келіп, аппаты жағдай туғызады.
"Костенко атындағы", "Күзембаев атындағы" шахталарындағы бас желдету желдеткіштері 1964-67 жылдары шыққан, олардың қосалқы бөлшектері қазір тіпті шығарылмайды. Мұның өнеркәсiптiк қауiпсiздiктiң нормаларының сақталмауына елеулі ықпал ететіні сөзсіз.
Көмiр департаментiнiң барлық шахталарында 1994-96 жылдары шыққан ВМ-6М, ВМЦ-8 желдеткіштері осы уақытқа дейiн пайдаланып жүр, ал олардың төлқұжаттарында жұмыс істеу мерзiмi 4 жыл деп көрсетілген.
Мұндай тозығы жетіп, күні өткен жабдықтарды пайдалану шахтаны желдету жұмысының сенімділігіне нұқсан келтіретіндігі сөзсіз.
Енді газдан тазартуға арналған жабдықтар туралы.
Газдан тазарту үшiн "Шахтинск" шахтасында НВ-50 және ЖВН-50 түрінде 22 вакуум-сорабы қолданылса, олардың ішіндегі 8-і өз ресурсын әбден сарыққан.
Мұндай жағдай көмiр департаментiнiң барлық шахталарында орын алған. Ал 1997 жылдан бері "Арселлор Миттал Темiртау" акционерлiк қоғамында көмiр өндiру көлемi 2 есе артып отыр. Құрал-жабдықтар болса бәз-баяғы қалпында.
Еңбек кодексiнiң талаптары іс жүзiнде барлық шахталарда бұзылған: қызметшілер жеке қорғану құралдарымен қамтамасыз етiлмеген.
Мәселен, "Саран" шахтасы басшылары өткен 2007 жылы қызметшілердің қорғану құралдарына бөлінген бір миллионға жуық теңге қаржыны игермеген. Ал "Шахтинскде" 2004-06 жылдарда сатып алынған ШСС-Т маркалы 760 құтқару құрылғысының 35-сі қолдануға жарамсыз болып шықты.
Төтенше жағдайда мұндай құралдарды қолдану адамдардың өліміне әкеліп соқтыратыны анық.
Бұдан басқа, департаменттiң лауазымды адамдары қызметшілердің демалыс және еңбегі үшін көтермелеу жөніндегі конституциялық құқықтарын ұдайы шектеп отырған.
Мәселен, "Абай" шахтасының басшылары жер астындағы учаскелерінің қызметшілерін арнайы бұйрықсыз және жазбаша келісімсіз демалыс күндерi жұмыс істеткізген. Және бұл үшін ақы да төленбеген.
Кейбір шахталарда кеншілерді жер астында 20 сағат бойы жұмыс істетіп әбден тұралатып бірақ шығаратын болған. Ал жұмыс уақытынан тыс жұмыс берудің заң жүзіндегі нормасы бір сағаттан аспауы керек.
Мұндай заң бұзушылықтар департаменттiң барлық шахталарында анықталды.
Бұл заң бұзушылықтың барлығы "Арселлор Миталл Теміртау" акционерлік қоғамы әкімшілігінің өндірісте қайғылы оқиғалардың алдын алу және шахтерлердің әлеуметтік қорғауды жақсарту үшін бұрынғысынша ешбір шара қолданбай отырғанын көрсетеді.
"Сонымен бірге қалыптасып отырған бұл жағдай өнеркәсіптік қауіпсіздік және еңбекті қорғау заңдылықтарының сақталуына бақылау жасайтын өкілетті мемлекеттік органдардың қызметінің де ойдағыдай болмай отырғанының айқын белгісі",- деді ресми өкіл.
Оның айтуынша, өнеркәсiптiк қауiпсiздiк туралы республиканың заң актілеріне өзгерiстер мен толықтырулар енгiзу туралы бірқатар ұсыныстар дайындалып жатыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Ағымдағы жылы елімізде 1,5 млн га жерге егін егілді
ҚР Үкіметінің отырысы барысында ҚР ауыл шаруашылығы министрі Айдарбек Сапаров көктемгі егіс жұмыстарының барысы туралы баяндады, деп хабарлайды Үкіметтің баспасөз қызметінен.
Министрдің айтуынша, көктемгі дала жұмыстарын уақытылы әрі сапалы жүргізу мәселелері ерекше бақылауға алынған. Облыс әкімдіктерінің деректері бойынша биыл жалпы егіс алаңы 23,8 млн гектарды құрайды.
Мемлекет басшысының ауыл шаруашылығы дақылдарын әртараптандыру жөніндегі тапсырмасына сәйкес, бидайдың егістік алаңдары өткен жылмен салыстырғанда 426 мың гектарға қысқарып, 13,3 млн гектарды құрайды", - деді А. Сапаров.
Сонымен қатар, оның айтуынша, майлы дақылдар алаңын 373 мың гектарға және азықтық дақылдарды 66 мың гектарға ұлғайту жоспарлануда.
Тапсырма шеңберінде, суды көп қажет ететін дақылдарды қысқарту бойынша жұмыстар жүргізілуде, мақта алаңдарын 16 мың гектарға, күрішті 12 мың гектарға қысқарту көзделген.
Бүгінгі таңда еліміздің кейбір өңірлерінде егіс жұмыстары жүргізілуде, 1,5 млн га егілді. Ал жаппай егіс науқаны осы жылдың мамыр айының екінші онкүндігінде басталады", - деді А. Сапаров.
Оның айтуынша, көктемгі егіс жұмыстары кезінде ауа райының қолайлы болуы маңызды мәселе болып табылады. "Қазгидромет" болжамдық деректеріне сәйкес, республиканың басым бөлігінде ылғал қоры оңтайлы. Сондай-ақ фермерлер ылғалды сақтау жұмыстарын жүргізуде.
Биылғы 29 сәуірде, аталған мәселелер Министрлік жанында өткен дөңгелек үстелде салалық одақтардың, ғылымның, Қазгидрометтің және облыс әкімдіктерінің қатысуымен талқыланды. Дөңгелек үстел қорытындысы бойынша шаруаларға ауа райын ескере отырып, егудің оңтайлы мерзімдері бойынша ұсыныстар жеткізілді. Сонымен қатар министрдің айтуынша, әкімдіктердің деректері бойынша, бүгінгі күні қажетті 2,4 млн тонна тұқымның 99%-і бар. Қалған көлем Азық-түлік корпорациясының резерві есебінен қамтамасыз етіледі.
Бүгінгі таңда тұқымдарды ауамен қыздыру және дәрілеу жұмыстары жүргізіліп жатыр.
Дала жұмыстарын сәтті жүргізудің негізгі факторларының бірі - минералды тыңайтқыштарды қолдану. Бұл бағытта, министрдің айтуынша, Мемлекет басшысының тапсырмаларына сәйкес, осы жылға арналған жоспар 1,5 млн тоннаны құрайды, оның ішінде 900 мың тоннасы отандық зауыттардың өніміне тиесілі.
Жалпы, бүгінгі таңда шаруаларға 453 мың тонна тыңайтқыш тиеп-жөнелтілді, бұл 2024 жылға арналған жоспардың 30%-ын құрайды. Аталған бағыттағы жұмыс тек Қызылорда облысында ғана толық аяқталды. Қалған әкімдіктерге жұмысты жеделдету қажет.
Сонымен қатар тыңайтқыш өндірушілермен бөліп төлеу мәселесі пысықталды. Әкімдіктер зауыттармен барлық мәселелерді тікелей пысықтап, шаруалармен тиісті жұмыстар жүргізуі керек.
Сондай-ақ Айдарбек Сапаров Өнеркәсіп министрлігіне ішкі нарықты қажетті көлемде тыңайтқыштармен қамтамасыз ету жөнінде шаралар қабылдауды және осыдан кейін ғана экспортқа жөнелтуді тапсыруды сұрады.
Егінді сақтау үшін егістіктерді химиялық өңдеуді уақытылы жүргізу қажет. Осы мақсаттар үшін мемлекет пестицидтердің құнын 50% мөлшерінде субсидиялау түрінде қолдау көрсетеді, бұл қолайлы фитосанитариялық жағдайды сақтауға мүмкіндік береді.
Сонымен қатар министр бұқаралық ақпарат құралдарында жиі кездесетін - ерекше қауіпті класқа жатпайтын түрлі зиянкестердің таралу ошақтарының пайда болу мәселесіне тоқталып өтті. Бұған мысал ретінде рапс жапырақ қоңызының ошағын айтуға болады. Мұндай зиянкестер бойынша күресті ауыл шаруашылығы өндірушілерінің өздері жүргізуі тиіс, бұл ретте препараттар субсидиялауға жатады. Осындай жағдайларда жергілікті атқарушы органдар түсіндіру жұмыстарын кеңінен жүргізуі қажет.
Бұдан басқа, шегірткелермен күресуге де ерекше назар аудару керек.
2023 жылғы маусымда шегірткелердің таралу аумағының үлкен болуына байланысты, биыл 2,5 млн га алаңда химиялық өңдеу жұмыстарын жүргізу жоспарлануда", - деді А. Сапаров.
Оның айтуынша, ең көбі Ақтөбе облысында - 784 мың гектар, Қостанай облысында - 775 мың гектар және Түркістан облысында - 272 мың гектар алаңда таралады деп күтілуде.
Министрдің айтуынша, өңдеуді жүргізуге арналған барлық қажетті ресурстар бар. Биыл үйірлі шегірткелермен күресуге республикалық бюджеттен 8,1 млрд теңге бөлінді. Қазіргі уақытта шегірткелермен күресу үшін пестицидтер қоры уақытылы сатып алынды. Сонымен қатар шекара маңындағы аумақтардағы шегірткелер бойынша жағдай үнемі қадағаланып отырады.
Өткен жылғы жағдайды болдырмау мақсатында, әкімдіктер шегірткелерге қарсы күрес мәселелеріне өте мұқият және жауапкершілікпен қарауы керек", - деді А. Сапаров.
Министр егіс науқанын жүргізу үшін ауыл шаруашылығы құрылымдарында 150 мың трактор, шамамен 5 мың бірлік жоғары өнімді егіс кешені, 76 мың сепкіш, 219 мың топырақ өңдеу құралы бар екенін атап өтті.
Бүгінгі таңда өңірлердің ақпараты бойынша техниканың дайындығы шамамен 98%-ды құрайды, жаппай егіс жұмыстарының басталуына қарай бұл техника 100% дайын болуы керек", - деді ауыл шаруашылығы министрі.
Оның айтуынша, шаруаларды жеңілдетілген дизель отынымен қамтамасыз ету мақсатында бағасы литріне 250 теңгемен 376 мың тонна бөлінді, бұл нарықтық бағадан 15%-ға арзан.
Алайда, жергілікті жерлерде тиеп-жөнелту жұмысы өте баяу жүргізілуде, бүгінгі таңда 194 мың тонна жөнелтілді. Осыған байланысты, облыс әкімдіктері қысқа мерзімде жанар-жағармайды кестеге сәйкес жөнелтуді қамтамасыз етуі қажет.
Тағы бір маңызды мәселе - егіс жұмыстарын қаржыландыру. Премьер-Министрдің тапсырмаларына сәйкес, бюджетте көзделген қалған қаражатты аудару есебінен де, қосымша қаражат бөлу есебінен де көктемгі дала жұмыстарын қаржыландыру мәселелері шешілді.
Жалпы, биыл көктемгі дала жұмыстарын жеңілдетілген қаржыландыру 580 млрд теңгені құрайды, оның 400 млрд теңгесі қаржы институттарын тікелей субсидиялау тетігі бойынша жылдық таза 5%-бен шаруаларға несие ретінде берілетін қаражат", - деді Айдарбек Сапаров.
Министр Қаржы министрлігіне жоғарыда аталған субсидияларға Үкімет резервінен 60 млрд теңге көлемінде қаражат бөлу мәселесін жеделдетуді тапсыруды сұрады.
Көктемгі науқанды өткізудің барлық мәселелері ерекше бақылауда. Үкімет басшысының тапсырмасы бойынша, жаппай егіс науқаны кезеңінде жергілікті жерлерде жұмыстарды үйлестіру үшін министрліктің қызметкерлері өңірлерге барады. Тиісті график жасалды", - деді А. Сапаров.
Сонымен қатар барлық проблемалық мәселелер барлық мүдделі тараптарды тарта отырып, Министрліктің жедел штабының отырыстарында қаралады және шешіледі.
Қабылданған шаралар егіс науқанын сапалы әрі оңтайлы агротехникалық мерзімде жүргізуге мүмкіндік береді", - деп түйіндеді А. Сапаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкент және Қызылорда әуежайларында жаңа жолаушылар терминалдарының құрылысы аяқталуға жақын
Сурет: gov.kz
Шымкент және Қызылорда әуежайларында жаңа жолаушылар терминалдарының құрылысы аяқталуға жақын, деп хабарлайды ҚР Көлік министрлігінің баспасөз қызметінен.
Көлік министрі Марат Қарабаев ел өңірлеріне жұмыс сапары аясында Шымкент және Қызылорда әуежайларында жаңа жолаушылар терминалдарының құрылыс барысымен танысты. Құрылыс-монтаждау жұмыстары аяқталуға жақын. Құрылыс жұмыстарының соңғы кезеңі аяқталғаннан кейін жаңа терминалдар халық игілігіне пайдалануға беріледі.
Жаңа жолаушылар терминалдары жеке инвестициялар есебінен салынып жатыр.
Мәселен, Шымкент қаласы әуежайы жаңа терминалының қызмет көрсету аумағы 40 мың шаршы метрді құрайды. Ал өткізу қабілеті жылына 800 мыңнан 6 миллион жолаушыға дейін ұлғаймақ. Мұнда багажды тіркеу мен өңдеудің автоматтандырылған жүйесі, телескопиялық траптар және т.б. қызмет түрлері қарастырылған.
Қызылорда әуежайы жаңа терминалының жалпы ауданы 7,5 мың шаршы метрді құрайды. Терминал қолданысқа тапсырылған соң өткізу қабілеті жылына 300 мыңнан 2 миллион жолаушыға дейін артады. Жаңа жолаушылар терминалы сапа мен қауіпсіздіктің халықаралық стандарттарына сәйкес. Бұл халықаралық рейстердің ашылуына ықпал етпек.
Сонымен қатар, ҚР көлік министрі Марат Қарабаев Шымкент қаласындағы индустриялық аймақ аумағында орналасқан сауда-логистикалық орталығына барды. Бұл нысан "А+" классындағы кез-келген жүкті сақтауға мүмкіндік беретін заманауи қойма.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан зардап шеккен шағын және орта бизнес қандай өтемақы ала алатындығы белгілі болды
Сурет: gov.kz
Су тасқынынан зардап шеккен шағын және орта бизнес қандай өтемақы ала алатындығы белгілі болды, деп хабарлайды ҚР Экономика министрлігінің баспасөз қызметінен.
Ұлттық экономика министрлігі Қаржы министрлігімен, "Атамекен" ҰКП-мен және зардап шеккен өңірлердің әкімдіктерімен бірлесіп 2024 жылғы су тасқынының салдарынан шағын және орта бизнес субъектілеріне (бұдан әрі - ШОБ) келтірілген мүліктік шығындарды өтеу қағидаларын әзірледі.
Төлемдерін сақтандыру ұйымдары жүзеге асыратын сақтандырылған мүлікті қоспағанда, шағын және орта бизнес субъектілерінің жоғалған немесе бүлінген мүлкі үшін өтемақы беріледі.
Келесі шығындар өтелуге жатады:
Жылжымайтын мүлік (ғимараттар, құрылыстар, жабдықтар) - ұсынылған ақаулық ведомосі, жобалау-сметалық және сметалық құжаттама бойынша.
Тауарлық-материалдық құндылықтар, негізгі құралдар (жылжымайтын мүлікті қоспағанда) - айналымның не кәсіпкерлік субъектісі табысының орташа айлық сомасына байланысты Мемлекеттік кірістер органдарының мәліметтері негізінде.
Жылжымалы мүлік - қалпына келтіру жөндеу сметасына сәйкес, мүлікті бағалау туралы есеп бойынша.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.