Қазақстан мектептеріндегі спорт залдардың көпшілігі қойылатын талаптарға сәйкес келмейді - Бас прокуратура
Астана. 4 наурыз. Kazakhstan Today - Қазақстан мектептеріндегі спорт залдардың көпшілігі қойылатын талаптарға сәйкес келмейді. Бұл туралы ҚР Бас прокуратурасының ресми өкілі Нұрдәулет Сүйіндіков бүгін өткен баспасөз мәслихатында мәлім етті, деп хабарлайды Kazakhstan Today.
Баспасөз қызметінің ақпаратына сәйкес, Бас прокуратура тарапынан балалардың мектеп қабырғасында дене шынықтыру тәрбиесін алу құқықтарының сақталуы жағдайына талдау жүргізілді.
"Талдау дене шынықтыруды өткізудің 3 сағаттық апталық минимумы барлық жерлерде орындалмайтындығын, мүмкіндігі шектелген балалардың арнайы медициналық топтарда спортпен шұғылдануға құқықтары сақталмайтындығын, спорттық залдардың көпшілігінің қойылатын талаптарға сәйкес келмейтіндігін, ал кейбір мектептерде олардың мүлдем жоқтығын, спорттық жабдықтардың жетіспеушілігін, сондай-ақ бірқатар мектептерде кәсіби педагогикалық білімі жоқ адамдардың дене шынықтыру сабақтарын өткізуге тартылатындығын көрсетті",- деді Н.Сүйіндіков.
Оның айтуынша, "мысалы, Жамбыл облысының Талас ауданында 29 мектептің 16-да спорт залдары мүлдем жоқ. Бір қызығы бұл мәселе тек ауылдық мекендерде өзекті емес. Қызылорда қаласының 4 мектебінде спортзалдары апат жағдайында, 6-да спортз алдың болуы тіпті мектеп құрылысының жобасында да көзделмеген.
Бас прокуратураның мәліметінше, мемлекеттік білім беру стандартында мектепте жүзу және шаңғы тебу дайындығы бойынша білім берудің міндеттілігі бекітілген. Алайда, республикамыздың көптеген мектептерінде бассейндердің және шаңғы базаларының жоқ болуына байланысты стандарттың бұл талабы іс жүзінде орындалмай келеді".
"Спорт залдарының жабдықталу жағдайы да көңілге қонымсыз. Мектептерде қолданылатын спорттық құралдар ондаған жыл бұрын алынып, тозған және әрі қарай пайдалануға жатпайды. Мәселен, Қарағанды облысы Қаражал қаласының №6 мектебiнде тек доп пен шаңғы ғана бар, олардың өзі істен шыққан.
Кәмелетке толмағандарды дене шынықтыруға тәрбиелеудегі кең тараған мәселелердің бірі жүйке және дене өсiп-жетiлуiндегi әртүрлі ауытқулары бар балалармен жұмыстың тиісті деңгейде ұйымдастырылмауы болып табылады. Мұндай балалар көбінесе жәй ғана сабақтан босатылады, бұл ретте олар үшін ағзаға жағымды әсер ететін дене шынықтырумен айналысудың маңыздылығы ескерілмейді. Ал заңнамаға сай оларға арналған арнайы емдiк дене шынықтыру топтары ұйымдастырылуы тиіс",- деді ресми өкіл.
"Талдау қорытындысымен еліміздің Бiлiм және ғылым министрлiгiне оқушылардың дене шынықтыру тәрбиесіне құқықтарын қамтамасыз ету саласындағы бар кемшіліктерді жоюға бағытталған кешенді шаралар қабылдау ұсынылды",- деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.