Мемлекет бүгінгі ұрпақтың зейнетақы жүйесі туралы ойлануы керек
Бүгін BNews.kz порталындағы онлайн-конференция кезінде ҚР Қаржы министрі Болат Жәмішев Қазақстандағы зейнетақы жасын ұлғайту туралы өзекті мәселені қозғады.
Астана. 19-қазан. Kazakhstan Today - Мемлекет бүгінгі ұрпақтың зейнетақы жүйесі туралы ойлануы керек, деп хабарлайды Kazakhstan Today агенттігінің тілшісі.
Бүгін BNews.kz порталындағы онлайн-конференция кезінде ҚР Қаржы министрі Болат Жәмішев Қазақстандағы зейнетақы жасын ұлғайту туралы өзекті мәселені қозғады.
"Зейнетақы жасын ұлғайту немесе ұлғайтпау туралы сөз қозғағанда мына мәселелерді есепке алу керек: біріншіден, қазір зейнетақы жасына жеткен адамдар да бар, олар үшін зейнетақы көлемі маңыздырақ. Бұл да зейнетақы жүйесінің бел шеше кірісуді қажет етіп отырған проблемасының бірі. Сондай-ақ, халықтың тағы басқа бір бөлігі бар: зейнет жасына жетуге санаулы уақыты қалғандар. Осы адамдар енгізілген жаңа жүйеге уақыттың жетіспеушілігінен кіріге алмай қалады. Зейнетақы жасының ұлғаюына қарсылық білдірудің бір себебі де осы. Сонымен қатар, тағы бір топ бар - қазіргі уақытта дүниеге келгендер, кәмелет жасына толғандар, жұмысқа жаңадан орналасқандар. Олар қазір зейнетақы жайында ойланбайды да. Бірақ мемлекет ойлауы тиіс. Мемлекет дүниеге бүгін келгендер, еңбек жолын енді бастағандар үшін қандай зейнетақы жүйесі әрекет етеді деген сұраққа жауап беруі тиіс. Мемлекет, сондай-ақ, зейнетақы жасы, зейнетақы жүйесі қандай болады деген сауалдарға да жауап беруі керек. Мұны да талқылау керек", - деді министр.
"Мен еңбекақы, зейнетақы мен әлеуметтік төлемдерге мемлекеттік бюджет шығынының 60%-ы жұмсалатынын айттым. Бұл өте көп және 30-40 жылдан кейін бізде өндіріс, мұнай шығару азайған шақта мұндай жүйенің болуы өте қауіпті шешім болмақ. Ирине, мемлекет алдағы уақытта тек қарқынды дамиды, өмір сүру жасы да ұлғаятын болады және зейнетақы көлемі де өседі. Сондықтан осының барлығы қаржылай қамтамасыз етілуі тиіс екенін түсіну керекпіз", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.