Парламент "ҚР кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы" заңды қабылдады
Парламент "ҚР кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы" заңды қабылдады
Астана. 22 маусым. "Қазақстан Бүгін" - Сенат депутаттары бүгін өткен жалпы отырыста "Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы" заң жобасы бойынша қос палатаның арасындағы келіспеушілікті еңсеру жөніндегі келісім комиссиясының түзетулерімен келісті, деп хабарлайды "Қазақстан Бүгін" агенттігі.
Бұдан бұрын да хабарлағанымыздай, Сенаттың Аграрлық мәселелер және қоршаған ортаны қорғау комитетінің қорытындысына сәйкес, "Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы" заң жобасының мақсаты Қазақстан Республикасының ветеринария саласындағы заңнамасын ветеринарлық сапа тұрғысынан және азық-түлік өнімдерінің, ветеринарлық дәрі-дәрмек пен емдік құралдардың қауіпсіздігін қамтамасыз ету жөніндегі халықаралық талаптармен сәйкестендіру болып табылады.
Бұл мақсаттарды жүзеге асыру үшін Икімшілік құқық бұзушылық кодексі мен Жер кодексіне, сондай-ақ "Қазақстан Республикасының мемлекеттік шекарасы туралы", "Ветеринария туралы", "Мемлекеттік кәсіпорын туралы" және "Жеке кәсіпкерлік туралы" заңдарға өзгерістер мен толықтырулар енгізілді.
Заң жобасын талқылау және оны екінші оқылымда қарау барысында, сондай-ақ Сенат комитеттерінен түскен ескертпелер мен толықтыруларды ескере отырып, Мәжіліс мақұлдаған заң жобасына өзгерістер мен толықтырулар енгізу қажеттігі туындады.
Заң жобасы "Азық-түлік өнімдерінің қауіпсіздігі туралы" заңына өзгерістермен толықтырылды. Сондай-ақ "ветеринарлық бақылау орны", "ет өңдеу кәсіпорны" және "сою алаңы" секілді ұғымдар да қосылды.
Одан басқа үкімет пен басқа мемлекеттік органдардың өкілеттігін белгілейтін баптармен және редакциялық және нақтылау сипатындағы бірқатар өзгерістермен толықтырылды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.