Президент депутаттар назарын денсаулық сақтау және білім беру жүйелерін одан әрі дамыту қажеттігіне аударды
Қазақстан президенті Нұрсұлтан Назарбаев парламент депутаттарының назарын денсаулық сақтау және білім беру жүйелерін одан әрі дамыту қажеттігіне аударды, деп хабарлайды агенттік тілшісі.
"ҚАЗАҚСТАН БҮГІН". 2 қыркүйек. АСТАНА. Қазақстан президенті Нұрсұлтан Назарбаев парламент депутаттарының назарын денсаулық сақтау және білім беру жүйелерін одан әрі дамыту қажеттігіне аударды, деп хабарлайды агенттік тілшісі.
"Мен парламент депутаттары осы бағытта заңнамалық деңгейде сапалық ілгерілеушілікті қамтамасыз ете алады деп сенемін", - деп мәлімдеді Нұрсұлтан Назарбаев бүгін төртінші шақырылған парламенттің бірінші сессиясының ашылуында сөйлеген сөзінде.
"Қазақстандағы денсаулық сақтау стандарты ТМД елдеріндегі таңдаулы стандартқа айналуға тиіс. Ол үшін біз кәсіби білікті мамандардың жалақысын көтеруге, медицина мамандарының тапшылығы проблемасын түпкілікті шешуге, ауылдарда сапалы медициналық қызметтті қамтамасыз етуге тиіспіз", - деді мемлекет басшысы.
Ол "таяу жылдарда жаңадан 150 денсаулық сақтау нысаны мен ауылдарда 300 дәрігерлік амбулаторияларды салу қажеттігін" атап өтті. Бұған қоса "мүгедектер мен мүгедек балаларды сауықтырудаң халықаралық стандарттарға сай аймақтық орталықтарын құру қажет".
Н. Назарбаевтың пікірінше, "Қазақстандағы білім беру саласын әлемдік стандарттарға жақындата түсу қажет". "Ол озық әрі қол жетімді болуға тиіс", - деді президент.
"Таяудағы жылдарда біз 250 жаңа мектеп пен 50 кәсіптік -техникалық оқу орнын ашуымыз қажет", - деді Н. Назарбаев.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.