Семейде 50 кг марихуана әкетіп бара жатқан бір топ адам тұтқындалды
Семейде 50 кг марихуана әкетіп бара жатқан бір топ адам тұтқындалды
Семей. 12 наурыз. "Қазақстан Бүгін" - Семейде 50 кг марихуана әкетіп бара жатқан бір топ адам тұтқындалды, деп хабарлайды "Қазақстан Бүгін" агенттігінің тілшісі Семей қалалық ішкі істер басқармасының есірткі саудасымен күрес бөлімінің бастығы Илібек Бағдатовқа сілтеме жасай отырып.
"Есірткі тасымалдаушылар Семейде Семей - Өскемен тас жолының қадағалау-өткізу пунктінде тұтқындалды. Ол төртеуі жеңіл көлікпен кетіп бара жатқан. Тексермекші болған кезде олар қарсылық көрсетіп, көліктерінен шықпай қойған. Күш қолдануға тура келіп, полицейлер көліктің бір жақ терезесін сындырып, көлікке енді", - деді И. Бағдатов.
Полиция қызметкерлері көліктен 50 кг марихуана тапқан. "Тергеудің алдын-ала мәліметтеріне сүйенсек, есірткіні олар Павлодардан Өскемен мен Риддерге жеткізбек болған. Ал бір бөлігін Семейге қалдырулары тиіс болған", - деді И. Бағдатов.
Оның ақпаратына сүйенсек, тұтқындалғандар Риддер мен Өскемен қалаларының тұрғындары, 25 пен 30 жастағы жігіттер. Есірткі тасымалдаушылардың екеуі бұрын осындай қылмыстары үшін сотталған екен.
Тұтқындалғандардың төртеуіне де қатысты 259 бап (Есірткі заттары немесе ақыл-естен айыратын заттарды заңсыз жасау, сатып алу, сақтау, тасымалдау, беріп жіберу немесе сату) бойынша қылмыстық іс қозғалды. Ол бап 10-нан 15 жылға дейін бас бостандығынан айыруды қарастырады.
И. Бағдатов, сондай-ақ, 11 наурызға қараған түні қаланың Затон атты бөлігіндегі пәтерлердің бірінде тағы бір ірі көлемдегі есірткі табылған. Ол жерден 1 кг героин тәркіленген. Үш адам тұтқындалып, тергеу амалдары жүргізіліп жатыр.
Жыл басынан бері Семейде осы секілді барлығы 28 қылмыс тіркелген.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.