Шығыс Қазақстан облысындағы бір кеден бекетінің басшысына екі кісіні өлтіру қылмысын ұйымдастырды деген айып тағылды
Шығыс Қазақстан облысындағы бір кеден бекетінің басшысына екі кісіні өлтіру қылмысын ұйымдастырды деген айып тағылды
Астана. 18 мамыр. "Қазақстан Бүгін" - Шығыс Қазақстан облысындағы бір кеден бекетінің басшысына екі кісіні өлтіру қылмысын ұйымдастырды деген айып тағылды. Бұл туралы ҚР ІІМ криминалдық полициясы комитеті төрағасының орынбасары Бекет Аймағамбетов бүгін өткен баспасөз мәслихатында мәлім етті, деп хабарлайды агенттік тілшісі.
"Шығыс Қазақстан облысының ІІД қызметкерлері Семей қаласында Қытайдан әкелінген тауарды алғаны үшін ірі ақшалай соманы қайтармау мақсатында атыс қаруын қолданып, екі кісі өлтірген осы қаланың үш тұрғынын ұстап, қылмыстары әшкереленді. Өлтірілген адамдардың денесі қоқыс үйіндісінен табылды. Қылмыс құралы тәркіленді. Шығыс Қазақстан облысындағы бір кеден бекетінің басшысына осы қылмысты ұйымдастырды деген айып тағылды",- деді ІІМ өкілі.
Бекет Аймағамбетовтың хабарлауынша, "2009 жылғы 8 мамырда Шымкент қаласында ұйымдасқан қылмысқа қарсы күрес бөлінісінің қызметкерлері қылмыстық топ беделдісі мен оның екі мүшесін ұстлды, олардан "Калашников" автоматы, "ТТ" тапаншасы және жауынгерлікке айналдырылған газ тапаншасы алынды. Оның негізгі кіріс көзі өңірдегі ірі коммерциялық құрылымға криминалдық қолдау көрсету болып табылады. 2005 жылы "заңдағы ұрыны" қылмыстық жауапкершіліктен босату жөнінде ақша жинап, белсенді шаралар қабылдаған".
Сондай-ақ, ІІМ ақпаратына сәйкес, 11 мамырда Қарағанды қаласында ірі партиядағы есірткі құралын сатқаны және атыс қаруын сақтағаны үшін белгілі әрі тұрақты ұйымдасқан қылмыстық топтардың бірінің жетекшісі ұсталды. Одан Макаров тапаншасы және салмағы 1 килограмнан астам "героин" тәркіленді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Елімізде ҰБТ-ға өтінімдерді қабылдау 6 мамырда басталады
Биыл Ұлттық бірыңғай тестілеу еліміздің әр аймағында әртүрлі уақытта басталады, деп хабарлайды ҚазАқпарат Ұлттық тестлеу орталығына сілтеме жасай отырып.
Төтенше жағдай режимі жарияланған 6 облыс талапкерлері үшін ҰБТ кейінірек басталады. Атап айтқанда, Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстары үшін ҰБТ-ға тіркелу 6 мамырдан 20 мамырға дейін, ал тестілеу 25 мамыр мен 12 шілде аралығында өтеді", - деген ақпарат таратты Ғылым және жоғары білім министрлігі.
Қалған өңірдің талапкерлері үшін ҰБТ-ға өтініштерді қабылдау мерзімі - 6 мамырдан 14 мамырға дейін. Ал ҰБТ 16 мамырда басталып, 5 шілдеге дейін жалғасады.
Сондай-ақ, министрлік 2024 жылы барлық талапкер Ұлттық бірыңғай тестілеуді екі рет тапсырып, үздік нәтижемен грант конкурсына қатыса алатындығын хабарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев кәсіпкерлердің құқықтарын қорғау жөніндегі жұмысты жандандыруды тапсырды
Сурет: akorda
Мемлекет басшысы жаңадан тағайындалған Қазақстан кәсіпкерлерінің құқықтарын қорғау жөніндегі уәкіл Қанат Нұровты қабылдады, деп хабарлайды Ақорданың баспасөз қызметінен.
Кездесу барысында Президент кәсіпкерлердің құқығын қорғау жұмыстарын жандандыру қажет екенін айтты.
Қасым-Жомарт Тоқаев бизнеске қатысты әкімшілік кедергілерді анықтауға және оларды жою шараларын әзірлеуге, сондай-ақ отандық кәсіпкерлікті дамыту үшін қолайлы орта қалыптастыруға бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматының Қала құрылысын бақылау басқармасының жаңа басшысы тағайындалды
Сурет: gov.kz
Алматы әкімі Ерболат Досаевтың өкімімен Данияр Қырықбаев Қала құрылысын бақылау басқармасының басшысы лауазымына тағайындалды, деп хабарлайды Алматы қаласы әкімдігінің баспасөз қызметінен.
Данияр Қырықбаев 1986 жылы 29 сәуірде дүниеге келген. Қазақ ұлттық университетінің түлегі. Әл-Фараби атындағы Қазақ ұлттық университетін және Ілияс Жансүгіров атындағы Жетісу мемлекеттік университетін бітірген. Жергілікті басқару магистрі.
Еңбек жолын 2007 жылы банк саласында бастаған. 2007-2009 жылдары "Жолаушылар тасымалы" АҚ - да жұмыс істеді, содан кейін - "Kazsatnet" АҚ Басқарма төрағасының кеңесшісі. Әр жылдары ҚР Бас прокуратурасында, ҚР Парламенті Сенатының аппаратында жұмыс істеді.
2016 жылдан 2019 жылға дейін Алматы қаласы бойынша соттар әкімшісінің басшысы болып жұмыс істеді. Екі жыл бойы "Азаматтарға арналған үкімет" мемлекеттік корпорациясы" КЕАҚ Алматы қаласы бойынша филиалының директоры болды.
2021 жылдан 2022 жылға дейін Алматы қаласы Тұрғын үй саясаты басқармасының басшысы болды.
Қазіргі тағайындауға дейін Алматы қаласы Коммуналдық инфрақұрылымды дамыту басқармасының басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.