Көкшетау қаласында жол-құрылыс және жөндеу жұмыстарының сапасы талқыланды
Іс-шара барысында жол-құрылыс және жөндеу жұмыстарының сапасы, автомобиль көлігі саласындағы сыбайлас жемқорлық тәуекелдерін анықтау және жою, сондай-ақ өңірдің автожолдарын салу, реконструкциялау және жөндеудің барлық кезеңдерінде қоғамдық бақылауды күшейту мәселелері талқыланды.
Алматы. 28 қыркүйек. Kazakhstan Today - Көкшетау қаласында "Antikor ortaly?y" сервистік ғимаратының алаңында Ақмола облысы бойынша Сыбайлас жемқорлыққа қарсы іс - қимыл департаментінің басшысы Мұрат Төлеубаев автомобиль жолдарын салу және реконструкциялау сапасына жария және ашық бақылауды қамтамасыз ету мақсатында "Сапалы жол-адалдық алаңы" жобасы шеңберінде өзара іс-қимыл бойынша кездесу өткізді.
Кеңеске облыстық Жолаушылар көлігі және автомобиль жолдары басқармасының, аумақтық Көліктік бақылау инспекциясының, облыстық Полиция департаментінің Жергілікті полиция қызметінің, Жол активтері сапасы ұлттық орталығының өңірлік филиалының және "Ақмола - адалдық алаңы" жобалық кеңсесінің басшылығы қатысты.
Іс-шара барысында жол-құрылыс және жөндеу жұмыстарының сапасы, автомобиль көлігі саласындағы сыбайлас жемқорлық тәуекелдерін анықтау және жою, сондай-ақ өңірдің автожолдарын салу, реконструкциялау және жөндеудің барлық кезеңдерінде қоғамдық бақылауды күшейту мәселелері талқыланды.
"Жол инфрақұрылымын дамытуға мемлекет жыл сайын көп қаражат бөледі. Алайда, жолдардың жетілмегендігі бүгінгі күннің өткір және өзекті тақырыптарының бірі болып қала береді. Өйткені, сапасыз жолдар - бұл ел экономикасына зиян ғана емес, сонымен бірге адамдардың қауіпсіздігіне қауіп төндіреді. Сондықтан, міндетті түрде азаматтық қоғамның қатысуымен жолдардың сапасын бақылауға жүйелі көзқарас қажет", - деп атап өтті Мұрат Төлеубаев өз сөзінде.
Кездесуге қатысушылар жол жүйесін жетілдіру және өңірдің автожолдарын ұзақ мерзімді пайдалану мақсатында жоба шеңберінде ынтымақтастыққа және мүдделі мемлекеттік органдар мен ұйымдар арасында тиісті келісімдер жасасуға дайын екендіктерін білдірді.
Естеріңізге сала кетейік, Сыбайлас жемқорлыққа қарсы іс - қимыл агенттігі мен "Жол активтері сапасының ұлттық орталығы" РМК өткен жылдың маусым айынан бастап "Сапалы жол-Адалдық алаңы" жобасын ұсынған болатын, оның аясында облыстық Сыбайлас жемқорлыққа қарсы ведомство Жол активтері сапасының ұлттық орталығының филиалымен және қоғам өкілдерімен бірлесіп өңірдегі автожолдардың сапасына мониторинг жүргізуде.
Жұмыс тобы Степногорск және Көкшетау қалаларына, сондай-ақ Зеренді, Сандықтау, Атбасар, Целиноград және Біржан сал аудандарына шығуды жүзеге асырды, онда республикалық және жергілікті маңызы бар 24 автожолдың құрылысы мен жөнделуіне сараптама жүргізілді. Мониторинг нәтижелері бойынша тапсырыс берушілер мен мердігерлердің атына анықталған ескертулерді жою бойынша шаралар қабылдау туралы хаттар жолданды.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.