АСТАНА. 13 қараша . Kazakhstan Today. Бүгін парламентте қабылдаған 2007 жылға арналған республикалық бюджетте білім және денсаулық сақтау салаларына қарастырылған қаражат осыған дейінгі жоспарланған сомамен салыстырғанда 9,1 млрд. теңгеге ұлғайды. Kazakhstan Today агенттігі тілшісінің мәліметінше, мұндай шешімді параламент палаталарының біріккен комиссиясы қабылдаған.
"Қосымша қаражат көзінің арқасында білім және ғылым министрлігінің шығыстары 3,2 млрд. теңгеге және денсаулық сақтау министрлігінің шығыны 5,9 млрд теңгеге ұлғайды", деп мәлімдеді комиссия төрағасы Кенжеғали Сағадиев парламент палаталарының біріккен отырысында.
Оның мәліметіне қарағанда, білім министрлігі тарапынан жаңа құрылыс нысандарына және бұрынғы ғимараттарды жөндеуге шығыс көлемі 2,2 млрд. теңгеге және Алматы мен Алматы облысында оларды сейсмикамлық жағынан күшейту үшін 1 млрд. теңгеге көбейді. "Білім саласына бөлінетін жалпы қаражат, қосымша қаржыландыруды есептегенде , 16,7 млрд. теңгені құрайды, бұл 2006 жылмен салыстырғанда 2,8 млрд. немесе 16,6% көп",-деп атап өтті К.Сағадиев. 2007 жылы елде 91 жаңа білім ғимаратын салу жоспарда бар.
Денсаулық сақтау министрлігі саласы бойынша жаңа нысандардың құрылысына және жөндеу шараларына шығыс 3,6 млрд. теңгеге , Алматы және Алматы облысындағы денсаулық сақтау ғимарттарының сейсмикалық күштілігін арттыруға 1 млрд. теңгеге ұлғайды. Сонымен қатар бюджетте республикалық және аймақтық қан орталықтары жүйесін арнайы жабдықтармен қамтамасыз ету үшін 1,1 млрд. теңге , ал ОҚО ВИЧ кеселіне шалдыққан балаларды емдеу үшін 107,6 млн. теңге көлемінде қосымша қаражат қарастырылған.
Комиссия төрағасы ерекше атап өткендей, денсаулық сақтау министрлігінің бюджеттік бағдарламасында Шымкентте салынатын қан орталығының және облыстық балалар ауруханасының шығыны да ескерілген. Оның айтуынша, қан орталығына 1,4 млрд.теңге, ал аурухана құрылысына 1,1 млрд. теңге бөлу жоспарланған.
"Сонымен денсаулық сақтау саласындағы құрылыс нысандарына және жөндеу жұмыстарына бөлінетін жалпы қаржат , қосымша қаржыландыруды есепке алғанда, 15,2 млрд. теңгені құрайды, бұл 2006 жылға қарағанда 4,1 млрд. теңгеге немесе 27% көп",-деді К.Сағадиев. Комиссия төрағасының айтуынша, 2007 жылы денсаулық сақтау саласында 41 жаңа нысан бой көтереді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007 жылдың бюджетінде білім және денсаулық сақтау салаларына жұмсалатын қаржы 9,1 млрд. теңгеге ұлғайды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.