2008 жылдың І тоқсанының қорытындысы бойынша азаматтық авиация кәсіпорындарында негізгі өндрістік көрсеткіштердің өсуі жалғасты
2008 жылдың І тоқсанының қорытындысы бойынша азаматтық авиация кәсіпорындарында негізгі өндрістік көрсеткіштердің өсуі жалғасты
Астана. 6-мамыр. "Қазақстан Бүгін" - 2008 жылдың І тоқсанының қорытындысы бойынша азаматтық авиация кәсіпорындарында негізгі өндрістік көрсеткіштерінің өсу үдерісі жалғасты. Бұл туралы ҚР Көлік және коммуникация министрлігінде азаматтық авиация саласы қызметінің 2008 жылдың алғашқы тоқсаны бойынша қорытындысы және осы саланың одан әрі дамуына арналған салалық мәжілісте жария етілген мәліметтерде айтылған, деп хабарлайды агенттік тілшісі.
Баспасөз қызметінің ақпаратына сәйкес, 2008 жылдың І тоқсанының қорытындысы бойынша азаматтық авиация кәсіпорындарында негізгі өндрістік көрсеткіштерінің өсу үдерісі жалғасқан.
Қазақстандық авиакомпаниялар 596 мың жолаушыға қызмет көрсетті. Бұл былтырғы жылдың дәл осы кезеңімен (449 мың жолаушы) салыстырғанда, 31 пайызға артық. Жүк тасымалы да 75 пайызға артып, 3,8 мың тоннаны құрады.
Қазіргі таңда 7 авиакомпания 43 ішкі әуе бағыттары бойынша, соның ішінде 5 жергілікті әуе желісі бойынша ұшуларды тұрақты түрде жүзеге асыруда. Облысаралық және ауданаралық әуе қатынасына деген сұраныс күн санап өсуде. Сондықтан, осы бағыттар бойынша жаңа әуе бағдарғыларын ашу қажеттілігі туып отыр.
Жергілікті әуе желілерін ашуға Атырау, Маңғыстау және Қарағанды облыстары қызығушылық танытуда.
ҚР Көлік және коммуникация министрлігі "Бомбардье" және "Эмбрайер" сияқты батыс компанияларымен аймақтық әуе кемелерін сатып алу жөнінде келіссөз жүргізіп жатыр. 2010 жылдан бастап жаңа ұшақтар Қазақстанға жіберіледі.
Тасымал көлемінің одан әрі өсуі әуе көлігі инфрақұрылымының, ең алдымен әуежайлардың дамуына байланысты.
2008 жылдың І тоқсанында Қазақстан әуежайларында 927 мың жолаушыға қызмет көрсетілді. Бұл былтырғы жылдың дәл осы мезгілімен салыстырғанда 22 пайызға жоғары. Жүк, багаж және поштаның көлемі 10 пайызға артып, 17 мың тоннаны құрады.
Алматы әуежайында екінші ұшу-қону алаңын салу жұмыстары аяқталып, ол 2008 жылдың ІІІ тоқсанында пайдалануға беріледі. Биыл бюджеттің есебінен Қызылорда қаласы әуежайының ұшу-қону алаңын қайта салу жұмыстары басталды. Биылғы жылы Ақтөбе қаласы әуежайының аэровокзалын қайта салу жұмыстары аяқталады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.