2008 жылы Павлодар облысында астық тұқымдастар себілетін алқап 30 мың гектарға ұлғайтылады
2008 жылы Павлодар облысында астық тұқымдастар себілетін алқап 30 мың гектарға ұлғайтылады
Павлодар. 15-ақпан. "Қазақстан Бүгін" - 2008 жылы Павлодар облысында астық тұқымдастар себілетін алқап тағы да ұлғайтылады. Бұл туралы көктемгі тұқым себу науқанына дайындық жұмыстары бойынша өткізілген кеңейтілген алқа отырысында өңірлік ауыл шаруашылық департаментінің бастығы Нұржан Ишімбетов хабарлады.
"Жыл өткен сайын тұқымды көбірек себуге мүмкіндігіміз артып келеді. Биыл тұқым себілетін алқапты кем дегенде 30 мың гектарға арттыруды жоспарлап отырмыз", - деді ауыл шаруашылық департаментінің басшысы. Ол сондай-ақ, алдарына азық-түлік қауіпсіздігін қамтамасыз ету міндеті қойылғандықтан мемлекет бұл секторға ерекше көңіл аударып отырғанын жеткізді.
Н. Ишімбетов хабарлағандай, бұл үшін көлемді ақшалай субсидиялар бөлініп, тағы да басқа қолдау көрсетілуде.
Департамент басшысының айтуынша, өткен жылы облыста 65 мың тонна астық тұқымға себілген және 393 әртүрлі ауыл шаруашылық техникасы сатып алынған. Биыл шаруаларға лизинг арқылы 2 млрд теңгеut машина мен құралдар алу жоспарланып отыр.
"Біз өткен жылы жақсы түсім жинадық. Және бізге қолайлы ауа райы көп көмек көрсетті", - деп атап көрсетті Н. Ишімбетов. Оның айтуынша, қазір кейбір мамандар ауа-райының 5-жылдық циклдық өзгерісін ескере отырып, алдағы жаз құрғақ болуы мүмкін деп болжап отыр. Осыған байланысты шаруа қожалықтары ылғалды сақтау мен топырақты өңдеуге байланысты жаңа технологияларды енгізудің белсенділігін арттырулары қажет.
Н. Ишімбетов хабарлағандай, осы мақсатта осы саладағы жетекші мамандарды тарта отырып облыстың барлық аудандарында алдағы күндері семинарлар өткізу жоспарланып отыр. Бұл кездесулерде шаруалар, сонымен бірге, мемлекеттік несиелеу және ауыл шаруашылығы тауарларын өндірушілерді қолдау бағдарламасы бойынша толық мағлұмат ала алады, техника және элиталық тұқымдарды жеткізушілердің өкілдерімен кездесе алады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.