2009 жылғы қаңтардағы инфляция 0,3% құрады
2009 жылғы қаңтардағы инфляция 0,3% құрады
Алматы. 4 ақпан. "Қазақстан Бүгін" - 2009 жылғы қаңтардағы инфляция 0,3% (2008 жылғы қаңтарда - 1,1%) құрады, бұл осы ай үшін тарихи минимум болып табылады. Азық-түлік тауарларының бағасы 0,2% (1,6%-ға), ақылы қызметтер - 1,2% (0,6%-ға) өсті, ал азық-түлікке жатпайтын тауарлар 0,4% арзандады (өсуі 0,8%), деп хабарлайды агенттік тілшісі ҚР Статистика жөніндегі агенттігінің хабарламасына сілтеме жасап.
Азық-түлік тауарлары нарығында өткен айда ең көп жемістер мен көкіністер - 1,9%-ға, сүт өнімдері - 1,2%-ға, алкоголь ішімдіктері - 3,0%-ға, темекі бұйымдары - 4,2%-ға қымбаттады. Күнбағыс майының - 12,7%-ға, ұнның -1,7%-ға, күріштің - 0,5%-ға, нанның - 0,4%- ға бағасы төмендеді.
Азық-түлікке жатпайтын тауарлар тобында жуу және тазалау құралдары бағасының - 1,9%-ға, жеке гигиена тауарларының - 1,1%-ға, медицина препараттарының -0,9%-ға өсуі байқалды. Бензин және дизель отыны тиісінше 9,6%-ға және 9,1%-ға төмендеді.
Тұрғын үй-коммуналдық қызметтер құрылымында қоқысты жинау тарифтері 4,2%, кәріз - 1,2%-ға, орталық жылыту - 1,0%-ға, сумен жабдықтау - 0,7%-ға қымбаттады, электр энергиясы 1,2%-ға, бөлу тораптары бойынша тасымалданатын газ - 0,4%-ға арзандады. Пошта қызметтерінің бағалары мен тарифтері 46,9%-ға, телефон үшін абоненттік ақы - 14,0%-ға, медицина қызметтері - 1,5%-ға, көлік қызметтері - 0,8%-ға көтерілді.
2009 жылғы қаңтарда инфляция жылдық көрсеткішпен 8,7% (2008 жылғы желтоқсанда - 9,5%) құрады. Азық-түлік тауарлары 9,3% (10,8%), азық-түлікке жатпайтын тауарлар - 4,5% (5,7%), ақылы қызметтер - 12,1% (11,4%) қымбаттады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.