2015 жылдан бастап Астана республикалық бюджеттің донорына айналады - И.Тасмағамбетов
"2015 жылдан бастап 7,5 млрд теңге көлемінде республикалық бюджетке қаржылай қаражатты алулар басталады, ал 2016 жылы бұл сома 17,3 млрд теңгені құрайды. Яғни, Астана республикалық бюджеттің төрт донор өңірінің қатарына енеді", - деді И. Тасмағамбетов.
Алматы. 20 ақпан. Kazakhstan today. 2015 жылға қарай Астана ҚР республикалық бюджеттің донор өңірлерінің қатарына енеді, деп хабарлады бүгін Астана әкімі Иманғали Тасмағамбетов халықпен есептік кездесуде.
"2015 жылдан бастап 7,5 млрд теңге көлемінде республикалық бюджетке қаржылай қаражатты алулар басталады, ал 2016 жылы бұл сома 17,3 млрд теңгені құрайды. Яғни, Астана республикалық бюджеттің төрт донор өңірінің қатарына енеді", - деді И. Тасмағамбетов.
Елорда бюджетіне салымдардың жалпы құрылымда жеке кірістердің айтарлықтай өсімі байқалған деп атап өтті әкім. Егер 2008 жылы салымдардағы жеке кірістер үлесі 25% құраса, 2013 жылы бұл көрсеткіш 45% дейін өсті, сонымен бірге трансферттер мен несиелер үлесі азайды.
Сондай-ақ, әкімнің мәліметінше, Астананың жалпы өңірлік өнімі (ЖӨӨ) 2013 жылы 2,7 трлн теңгені құрады, қаланың өнеркәсіптік кәсіпорындары өнім шығарып, 263 млрд теңгеден астам сомаға қызмет көрсетті, экономиканың нақты секторында шамамен 18 мың жаңа жұмыс орны құрылды, жұмыссыздық деңгейі 5,5%-ды құрады.
Бұдан өзге, әкім атап өткендей Астанада шағын және орта бизнес белсенді дамып жатыр.
"2017 жылға қарай шағын және орта бизнес субъектілерінің санын 60 мың бірлікке дейін арттыруға барлық мүмкіндік бар. Қазір алдымызға басқа міндет қойылған, 2020 жылға қарай ЖӨӨ құрылымында қызметтер сферасының үлесін 80%-ға дейін арттыру қажет", - деп толықтырды Астана әкімі.
Икімдіктің мәліметінше, Астанада кәсіпкерліктің 55 мың белсенді субъектісі бар, онда 190 мың адам немесе қаланың еңбекке қабілетті халқының 2/5 жұмыспен қамтылған. ШОБ субъектілерінің үлесіне қала бюджетіне салық түсімдерінің 67% келеді, олардың шығарған өнім көлемі өткен жылдың қортындысы бойынша 1,2 трлн теңгені құрады.
И.Тасмағамбетов елорда биліктері ШОБ-ке қолдау көрсететінін басып айтты. Осылайша, әкімдік қандай да бір бизнес түріне арналған ғимаратты жобалау және қайта жабдықтауға рұқсат беру уақытын екі аптаға дейін ықшамдады, бизнес жобаларды жүзеге асыруға жер телімдерін бөлуге байланысты рұқсаттар кешенін қысқартты.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.