2020 жылдан бастап онлайн кассалық аппараттарға толықтай көшу жоспарлануда
2016 жылдың басынан бастап-10 Қызмет түрі бойынша; 2018 жылдан бастап онлайн БКМ қолдануға міндетті тұлғалардың тізбесі кәсіпкерлік субъектілерімен 17 Қызмет түрі бойынша толықтырылды; 2019 жылдың қаңтарынан бастап онлайн БКМ қолдануға көшудің соңғы кезеңі басталды.
Алматы. 14 қараша. Kazakhstan Today - 2020 жылдан бастап онлайн кассалық аппараттарға толықтай көшу жоспарлануда.
Бұл туралы Маңғыстау облысы Кірістер департаментінің мамандары "Өңірлік Коммуникациялар Қызметі" алаңында болған брифингте мәлімдеді.
2016 жылдың басынан бастап-10 Қызмет түрі бойынша ;
2018 жылдан бастап онлайн БКМ қолдануға міндетті тұлғалардың тізбесі кәсіпкерлік субъектілерімен 17 Қызмет түрі бойынша толықтырылды ;
2019 жылдың қаңтарынан бастап онлайн БКМ қолдануға көшудің соңғы кезеңі басталды.
01.04.2019 жылдан-323 қызмет түрі бойынша;
01.07.2019 жылдан бастап 86 қызмет түрі бойынша;
01.10.2019 жылдан бастап-224 қызмет түрі бойынша.
Қазіргі уақытта Маңғыстау облысы бойынша тіркелген кассалар саны 14 мыңды құрайды, оның ішінде онлайн БКМ 13 мыңы іс жүзінде жұмыс істеп тұрған кассалардың 93%-ы онлайн-режимде жұмыс істейді. 2020 жылдың 1 қаңтарынан бастап қызметті патент негізінде жүзеге асыратын субъектілер және бірыңғай жер салығын төлеушілер онлайн БКМ қолдануға жатады. Бұл шамамен 9 071 салық төлеуші. Олардың 178-і бүгінгі күні бақылау-касса машиналарын қолданады. Осылайша, бүгінгі күні 8 893 патенщик пен ШҚ БКМ 2020 жылдың 1 қаңтарынан бастап қолдануға міндетті.
Бақылау-кассалық машиналардың мемлекеттік тізіліміне 85 онлайн кассаның үлгісі енгізілді, оның ішінде 15 модель БКМ-ға қойылатын заңнаманың барлық талаптарына жауап беретін және отандық әзірлеушілердің өнімі болып табылатын мобильдік құрылғыларда жұмыс істейді. Сондай-ақ, салық төлеушілер үшін онлайн БКМ енгізу кезінде тіркеу рәсімі жеңілдетілгенін атап өткім келеді. Енді кәсіпкер мемлекеттік кіріс органдарына келу тәртібімен салықтық өтініш беру талап етілмейді. БКМ онлайн мәліметтері фискалдық деректер операторының сайты арқылы электронды түрде беріледі.
Осы қызметті көрсету нәтижесін фискалдық деректер операторының жеке кабинеті арқылы алуға болады. Сонымен қатар, бәсекелестік ортаны құру бойынша жұмыстар жүргізілуде. Егер бұрын бір ғана оператор - "Қазақтелеком" АҚ жұмыс істесе, бүгінде фискалдық деректер операторларының функциялары "Транстелеком" АҚ және "Кар-Тел" ЖШС берілді, осылайша кәсіпкерлік субъектілеріне онлайн БКМ деректерін беру үшін оператор таңдау ұсынылады.
Заңнамаға сәйкес БКМ тек ақшалай есеп айырысу кезінде қолданылады. Бұл қолма-қол ақша қаражаты немесе Төлем карталары, қалғандары қолма-қол ақшаны қолданбайтын БКМ қолданудан босатылады. Сондай-ақ жеке тұлғалар мен екінші деңгейдегі банктер босатылады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.