Қазақстанның Алматыдан басқа барлық өңірінде жан басына шаққандағы орташа табыс өсті
2020 жылдың екінші тоқсаны бойынша мәліметке сәйкес, жан басына шаққандағы кіріс көрсеткіші, табыс 4,5%-ға төмендеген Алматы қаласын қоспағанда, Қазақстан барлық аймағында өсті.
Алматы. 2 қазан. Kazakhstan Today - Қазақстанның Алматыдан басқа барлық өңірінде жан басына шаққандағы орташа табыс өсті.
2020 жылдың екінші тоқсаны бойынша мәліметке сәйкес, жан басына шаққандағы кіріс көрсеткіші, табыс 4,5%-ға төмендеген Алматы қаласын қоспағанда, Қазақстан барлық аймағында өсті. Алайда, онда, Нұр-Сұлтан қаласымен бірге нақтылы мәндегі табыс деңгейі ең жоғарылардың бірі болып қала беруде - Алматыда 224,3 мың және елордада 241,3 мың."Еңбек ресурстарын дамыту орталығы" АҚ (бұдан әрі - WDC) жүргізген талдау нәтижесі бойынша жан басына шаққандағы кірістің ең жоғары және ең төменгі өсімі бар аймақтар анықталды. Сонымен, көрсеткіштер ең алдымен Ақмола (16,1%), Қызылорда (14,2%) және Түркістан (12,8%) облыстарында өсті.
Сонымен бірге, табыстың өсуіне қарамастан, Қызылорда мен Түркістан облыстарының жан басына шаққандағы орташа табысы өңірде республикадан төмен, сонымен қатар Жамбыл облысы мен Шымкент қаласында да солай. Өз кезегінде, республикалық деңгейден асатын көрсеткіштер Нұр-Сұлтан мен Алматы қалаларынан бөлек, Қарағанды, Маңғыстау және Шығыс Қазақстан облыстарында байқалады.
Жалпы, халықтың орташа жан басына шаққандағы ақшалай табысы 2020 жылдың екінші тоқсанында өткен жылдың сәйкес кезеңімен салыстырғанда 7,6%-ға өсті және ҚР Ұлттық экономика министрлігі Статистика комитетінің мәліметі бойынша 182,5 мың теңгені құрады.2018 және 2019 жылдардағы тоқсандық көрсеткіштерді салыстырсақ, бұл жылдардағы 2-тоқсанда да оң қарқын 10,3%-ды құрады.
"Статистика комитетінің мәліметіне сүйене отырып, біз халық табысы құрылымында әлеуметтік трансферттер үлесінің артқанын атап өтеміз. Мәселен, соңғы тоқсанда кірістердің 56,5%-ы жалдау бойынша жұмыстан түскен табысты, 31,3% әлеуметтік трансферттерден, 8,1% өзін жұмыспен қамтығаннан немесе кәсіпкерлік қызметтен, ал 4,1% басқа кірістерден болды. 2019 жылдың екінші тоқсанындағы кірістер құрылымымен салыстырғанда әлеуметтік трансферттерден түсетін кірістер 7,9% өсті", - деді WDC болжам департаментінің директоры Дмитрий Шумеков.
Сарапшы әлеуметтік трансферттер үлесінің өсуі 2020 жылы зейнетақы мен жәрдемақы мөлшерінің екі есеге ұлғаюымен, сондай-ақ төтенше жағдай кезеңінде жұмысқа қойылған шектеулерге байланысты кірісін жоғалтқан азаматтарға ең төменгі жалақы мөлшерінде әлеуметтік төлемдердің енгізілуімен байланысты деп санайды."2020 жылдың бірінші тоқсанында жұмысқа жалдаудан түсетін пайданың төмендеуі байқалды, 2020 жылдың екінші тоқсанында төмендеу үдерісі сақталды. Үшінші тоқсанда өзін жұмыспен қамту және кәсіпкерлік кірісі төмендеді. Халықтың кірісінің төмендеуі коронавирус пандемиясының әсерінен және карантиндік шаралардың енгізілуінен болуы мүмкін", - деп қорытындылады Дмитрий Шумеков.
2020 жылдың 2-тоқсанындағы Қазақстан Республикасы халқы табысына толық талдаумен келесі сілтеме арқылы танысуға болады: https://iac.enbek.kz/kk/node/968.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.