Ақмола облысы республикада ауыл шаруашылығының жалпы өнімінің НКИ бойынша бірінші орында
Ермек Маржықпаев артта қалған аудандарда мал басын көбейту бойынша шаралар қабылдай отырып, малдың барлық түрлері мен ет өндірісінің өсуі бойынша жинақталған қарқындарды сақтауды тапсырды.
Алматы. 1 қазан. Kazakhstan Today - Ақмола облысы республикада ауыл шаруашылығының жалпы өнімінің НКИ бойынша бірінші орында.
Бұл туралы өңір басшысы Ермек Маржықпаевтың төрағалығымен өткен әкімдік отырысында облыстық экономика және бюджеттік жоспарлау басқармасының басшысы Қанат Дүзелбаев айтты, - деп хабарлады облыс әкімінің баспасөз қызметі.
"НКИ жоғары көрсеткіші өсімдік шаруашылығы, ІҚМ, құс және жылқы басының өсуі есебінен қалыптасты. 8 айдың қорытындысы бойынша Егіндікөл, Жақсы, Жарқайың, Есіл, Сандықтау, Бұланды, Астрахан және Қорғалжын аудандары ерекше көзге түсті. Жалпы облыс бойынша ІҚМ басының 3,8% - ға, оның ішінде сиыр - 3,6% - ға, қой мен ешкі - 1,8% - ға, жылқы-4,3% - ға, ет өндіру-6,4% - ға, сүт-1,6% - ға өсуі байқалды".
Айта кету керек, қазіргі уақытта астық жинау науқанын уақтылы және сапалы аяқтау өзекті міндет болып табылады. 09.2020 ж. жағдай бойынша 3,9 млн. га немесе 89% га шабылды егін жинау алаңынан 4,3 млн. тоннадан астам астық жиналды, орташа өнімділік - 10,9 ц/га.
Ермек Маржықпаев артта қалған аудандарда мал басын көбейту бойынша шаралар қабылдай отырып, малдың барлық түрлері мен ет өндірісінің өсуі бойынша жинақталған қарқындарды сақтауды тапсырды.
"Азық-түлік белдеуі аясында жобаларды іске қосу жұмыстарын жандандырып, күзгі егін жинау науқанын уақтылы аяқтау қажет"- деп атап өтті облыс әкімі.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.