Ақмола облысының әкiмi Көкшетау қаласының бiрқатар объектiлерiнде болды
Мұнда кәдiңгi ағаш түрлерiнен дәстүрлi қазақ ыдыстарын және ұлттық стильдегi үй жабдықтарын жасайды. Барлығы 1200-ден астам бұйым түрлерi жасалған, олар авторлық құқықпен қорғалған.
Көкшетау. 10 қазан. Kazakhstan Today - Бүгiн Ақмола облысының әкiмi Ермек Маржықпаев жұмыс сапары шеңберiнде Көкшетау қаласының бiрқатар объектiлерiнде болды.
Өңiр басшысы Қазақстанда жиналған автомобильдер мен қосалқы бөлшектер сататын және қызмет көрсететiн "Hyundai Center Kokshetau" дилерлiк орталығына барды. Салонда 2019 жылы шығарылған Hyundai автомобилiнiң жаңа түрлерi қойылған. Орталық өкiлдерiнiң айтуынша кiшкентай қала үшiн олар рекордтық сату көрсеткiштерiне қол жеткiзген. Кредитке сатып алатын клиенттер үшiн компаниядан жеңiлдiктер қарастырылған. Сондай-ақ "Қазақстан даму банкi" АҚ-мен ынтымақтастық шеңберiнде отандық өндiрушiлердiң автомобильдерiн қаржыландыру мемлекеттiк бағдарламасы бойынша жеңiлдiкпен кредиттеу қолданылады.
Ермек Маржықпаев барған келесi объектi "БЛЭК" ЖШС-нiң жаңа ағаш өндеу фабрикасы болды. Қазақстандық брендке айналған компанияны дизайнер, суретшi-әрлеушi Юрий Никитенко құрған. Бүгiнгi таңда отбасылық кәсiпорынды ағайынды Олег және Роман Никитенколар басқарады. Мұнда кәдiңгi ағаш түрлерiнен дәстүрлi қазақ ыдыстарын және ұлттық стильдегi үй жабдықтарын жасайды. Барлығы 1200-ден астам бұйым түрлерi жасалған, олар авторлық құқықпен қорғалған.
Облыс әкiмiне кәсiпорынның өндiрiстiк кезеңi таныстырылды. Ағаштан жасалған әрбiр бұйым дайын түрiне жеткенше өңдеудiң 27 сатысынан өтедi. Алғашқы кезеңдерi станоктарда жасалады, ал негiзгi сатысы жоғары бiлiктi шеберлердiң қолымен жасалады.
Бүгiнгi таңға дейiн "БЛЭК" ЖШС жалға алынған кiшкентай орынжайда орналасқан. Бүгiн өзiнiң 30 жылдық мерейтойын кәсiпорын ауданы 3 500 квадрат метр үлкен ғимаратта қарсы алып отыр. Ермек Маржықпаев ұжымды мерейтойымен құттықтап, қызметкерлерiне алдағы уақытта еңбекте жаңа табыстар тiледi.
Өңiр басшысы "Болашақ" балабақшасының және Вавилов көшесiндегi жолдың күрделi жөндеуiн барып қарады. Мектепке дейiнгi мекеме өткен жылдың қазанында мемлекеттiк-жекешелiк әрiптестiк қағидаты бойынша жеке кәсiпкерге сенiмгерлiк басқаруға берiлген. Жеке инвестор 55 млн. теңгеге жөндеу жұмыстарын жүргiздi.
Вавилов көшесi бойынша автожолды жөндеудiң екi жылдық жобасы аяқталды, ол "Жайлау" мөлтек ауданынан "Көкшетау-Зерендi" трассасына шығуды қамтамасыз етедi. Учаскенiң ұзындығы - 1853 метр, енi - 9 метр. Су өткiзу имараттары, тротуарлар, әрбiр жеке меншiк үйге кiреберiс бордюрлер салынған, жарық орнатылған, мұнда ешқашан болмаған асфальт жабыны төселген. Жөндеу жұмыстарының жалпы құны 513 млн теңге құрады.
Ермек Маржықпаев қазан айының аяғына дейiн қаладағы барлық жол жұмыстарын аяқтауды тапсырды. Ал 14 қазаннан бастап Н.Назарбаев даңғылының екi белсендi қиылысында С.Жүнiсов және Абай көшелерi бойынша "жеңдер" iске қосылады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.