Алматы бюджеті 117 млрд теӊгеге үнемделді
Алматы қаласы әкімдігініӊ әрбір бюджет теӊгесін тиімді пайдалануға бағытталған іс-шаралары арқасында 117 млрд теӊге үнемделді. Бұл туралы Алматы қаласы Экономика және бюджетті жоспарлау басқармасыныӊ басшысы Мақсат Қиқымов бүгін өӊірлік коммуникация қызметініӊ алаӊында өткен брифингте мәлім етті
Алматы. 8 қараша. Kazakhstan Today - Алматы қаласы әкімдігініӊ әрбір бюджет теӊгесін тиімді пайдалануға бағытталған іс-шаралары арқасында 117 млрд теӊге үнемделді. Бұл туралы Алматы қаласы Экономика және бюджетті жоспарлау басқармасыныӊ басшысы Мақсат Қиқымов бүгін өӊірлік коммуникация қызметініӊ алаӊында өткен брифингте мәлім етті, деп хабарлайды Kazakhstan Today.
"Бюджетті оӊтайландыру жөніндегі мемлекет басшысы Нұрсұлтан Назарбаевтыӊ тапсырмасын орындау бойынша қала әкімініӊ тиімді жұмысы негізінде 117 млрд теӊгені үнемдеуге мүмкіндік туды", - деді Мақсат Қиқымов.
Оныӊ айтуынша, бюджетті оӊтайландыру 2 бағыт бойынша жүргізілді.
"Біріншіден, басымдыққа ие емес барлық шығыстар, сондай-ақ жеке инвесторлар іске асыруы мүмкін шығыстар алынып тасталды. Өткен жылы қазан айында қала бюджеті бірқатар ірі ауқымды басымдыққа ие емес шығыны көп жобаларды тоқтата тұру есебінен 30 млрд теӊгені үнемдеді. Бизнестіӊ әлеуметтік жауапкершілігі шеӊберінде 40 млрд теӊдеген астам соманы қамтитын жобалар жүзеге асып жатыр. Оныӊ ішінде 27 бала бақшаны, 4 мектепті, 500 келушіге арналған емхананы, спорт кешенін салу жоспары бар. Балалар және спорт алаӊын ашу жобасы бойынша 280 нысанныӊ 167-сі ашылды. Бюджет қаражатын үнемдеу мақсатында мемлекеттік жекеменшік әріптестік (МЖИ) тетіктерін пайдалана отырып, жеке меншік коттедждерде және үй-жайларда 142 балабақша және 495 орынға арналған шағын орталықтар ашылды. Бұл бюджет қаражатын құрылыс, сондай-ақ, одан кейінгі операциялық шығыстар бойынша шамамен 16,5 млрд. теӊгеге үнемдеді", - деді М.Қиқымов.
Брифингте Мақсат Қиқымов екінші бағытты да атап өтті. Оныӊ айтуынша, жобалардыӊ құнын 60 млрд. теӊгеге оӊтайландыру есебінен біршама қаражат үнемделген. "Жобалық сметалық құжаттаманы (ЖСҚ) түзету есебінен АІІБ ғимараты құрылысыныӊ құны 800 млн. теӊгеге, әкімшілік ғимараттары кешені 1,2 млрд. теӊгеге және Наурызбай ауданында Қарғалы өзенін қайта жаӊарту 500 млн. теӊгеге оӊтайландырылды. Жол айрықтарды бір жаққа ауыстыру есебінен Рысқұлов даӊғылы мен Емцов көшелерініӊ қиылысындағы көлік жол айырығы құрылысыныӊ Жобалық сметалық құжаттамасы 8,3 млрд. теӊгеге және Рысқұлов даӊғылы мен Құлжа күре жолы қиылысындағы жол айырықтыӊ құрылысы 5 млрд теӊгеге оӊтайландырылды", - деді басқарма басшысы.
Сонымен қатар, Қайырбеков көшесінен Шығыс айналма автожолына дейін және Рысқұлов даӊғылы мен Саин көшелерініӊ қиылысындағы көлік жол айрықтарын сала отырып жер телімдерін сатып алуды оӊтайландыру есебінен Төле би көшесін ұзарту кезінде 9,4 млрд. теӊге үнемделген. "Универсиаданыӊ 3 ірі нысаны құрылысыныӊ құны Алматы арена, Халық арена және атлетикалық ауыл 19,5 млрд. теӊгеге оӊтайландырылды. Бұл девальвация салдарынан жоба құныныӊ өсуін тоқтатуға мүмкіндік берді. Универсиаданы өткізуге арналған бюджет бастапқыда 33,1 млрд. теӊгені құрады, ол 15,2 млрд. теӊгеге оӊтайландырылды", - деді М.Қиқымов.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.