Алматыда 2013 жылы салық және өзге де міндетті төлемдерден 1,4 трлн теңге түсті
Республика бойынша Алматының бюджетке әкелетін қаржы көлемі 28 пайызды құрайды. Бұл шамамен 1,1 трлн теңге. 2013 жылы салық жинау жоспарының 102 пайызы орындалды. Салық және өзге де міндетті төлемдерден Алматы қаласының бюджетіне 1,4 трлн теңге түсті, бұл көрсеткіш 2012 жылғымен салыстырғанда 156 млрд теңгеге артық.
Алматы. 16 қаңтар. Kazakhstan today. 2013 жылы салық және өзге де міндетті төлемдерден Алматы қаласының бюджетіне 1,4 трлн теңге түсті, деп хабарлайды қала әкімдігінің баспасөз қызметі.
"Республика бойынша Алматының бюджетке әкелетін қаржы көлемі 28 пайызды құрайды. Бұл шамамен 1,1 трлн теңге. 2013 жылы салық жинау жоспарының 102 пайызы орындалды. Салық және өзге де міндетті төлемдерден Алматы қаласының бюджетіне 1,4 трлн теңге түсті, бұл көрсеткіш 2012 жылғымен салыстырғанда 156 млрд теңгеге артық. Жергілікті бюджетке түскен қаражат 261 млрд теңгені құраса, бұл өткен жылғыдан 29,4 млрд теңгеге артық", - делінген хабарламада.
Жалпы экономикалық көрсеткіштің өсімімен қатар Алматы қалалық салық органдары тарапынан тиісті шаралар атқарылды. Атап айтар болсақ, салық төлеушілер мен салық жинаушылар арасында әріптестік қатынас құрылып, айыппұл және өзге де ескерту шараларынсыз өз бетінше салық төлеушілер төлемдерді төлеп отырады.
Нәтижесінде қаланың 1 532 салық төлеушісі бұзған ережелері және өзге де шарттарға сай өз беттерімен бюджетке 40 млрд теңге төлем төлеген.
Айта кету керек, соңғы жылдарда салықтық тексерім санының азайып келе жатқаны байқалады. 2013 жылы салық тексерістері 2012 жылғыдан екі есеге азайған. 1430 кешенді және тақырыптық шаралар бойынша бюджетке қосымша 31,7 млрд теңге қаражат түсті.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.