Алматылық тауар өндірушілері экспортты ілгерілету бойынша тегін қолдау көрсету қызметін алады
Мемлекеттік қолдау алу үшін өндіруші қазақстандық қамтудыӊ дайын өнімдерін шығаруы тиіс. Бұл туралы Алматы қаласы мен Алматы облысыныӊ экспортқа бағытталған кәсіпорындарымен ұлттық агенттік өткізген кеӊесініӊ барысында "KAZNEX INVEST" ҰК" АҚ басқарушы директоры Асқар Арынов мәлімдеді.
Алматы. 23 ақпан. Kazakhstan Today - Алматылық тауар өндірушілеріне сыртқы нарықтарда экспортты ілгерілету бойынша тегін қолдау көрсету, шетелдік іссапарларға шығатын шығындарды өтеу, экспортты ілгерілету мәселелері бойынша оқыту және басқа да қызметтер ұсынылып отыр,- деп хабарлайды Алматы қаласы Кәсіпкерлік және Индустриялық-инновациялық даму басқармасы.
Мемлекеттік қолдау алу үшін өндіруші қазақстандық қамтудыӊ дайын өнімдерін шығаруы тиіс. Бұл туралы Алматы қаласы мен Алматы облысыныӊ экспортқа бағытталған кәсіпорындарымен ұлттық агенттік өткізген кеӊесініӊ барысында "KAZNEX INVEST" ҰК" АҚ басқарушы директоры Асқар Арынов мәлімдеді. Оныӊ айтуынша, өӊір өнеркәсібініӊ еӊ мұқтаж салалары бұрынғыша тамақ, химия және машина жасау өнеркәсіптері болып қалып отыр.
"Алматы Қазақстандағы экспортқа бағытталған компаниялардыӊ саны жағынан көшбасшы болып табылады. Мысалы, біз Zibroo спорт киімдерін шығаратын алматылық өндірушіні барып көрдік. Өтім нарығыныӊ ерекшелігіне талдау жасалғаннан кейін біз компанияға "Спорт киімдері" Ресей көрмесіне қатысуға ұсыныс жасадық. Біз компанияныӊ барлық шыққан шығындарын 100% мөлшерінде өтейміз. Сондай-ақ, біздіӊ жоспарымызда бір апта уақыт ішінде өӊірдіӊ шамамен 40 кәсіпорнын барып көру, сонан соӊ сауда миссияларыныӊ жол картасын және салалық халықаралық көрмелердіӊ күнтізбесін құрастыру ниетіміз бар", - деді Асқар Арынов.
2009-2016 жылдары өӊірдіӊ өндірістік кәсіпорындарыныӊ 27,8 млн. АҚШ долларына экспорттық келісімшарттар жасасқанын атап өтеміз. 2010-2016 жылдар ішінде сауда миссияларына Алматы қаласы мен Алматы облысыныӊ 108 кәсіпорны қатысты, нәтижесінде 100 млн. АҚШ долларына экспорттық келісімшарттар жасалды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.