Система Orphus

Алматы облысында 2023 жылға дейін 138 мың гектар суармалы жерді қалпына келтіру жоспарланған

20.07.2019, 18:22 8560

Нұр-Сұлтан. 20 шілде. Kazakhstan Today - Халқының 80%-і ауылдық жерлерде тұратын Алматы облысының экономикасы агроөнеркәсіптік кешеннің дамуына тікелей байланысты. Өңірдегі ауыл шаруашылығы жалпы өнімінің көлемі биылғы жылы 3,3% өсіммен 750 млрд. теңгеге жетеді деп жоспарланып отыр. Ал Жетісудағы ауыл шаруашылығына тартылған инвестиция негізгі капиталға тартылған инвестицияның 8,5 %-ін құрап отыр. "Бұл республикадағы 3,2%-тік көрсеткіштен жоғары болғанымен, аграрлық аймақ ретінде бұдан да ауқымды жұмыстар атқаруға тиіспіз", - деді облыс әкімі Амандық Баталов Президенттің Үкіметтің кеңейтілген отырысында берген тапсырмаларын орындау мәселесі талқыланған облыс активі жиынында, - деп хабарлайды Алматы облысы әкімінің баспасөз қызметі.

Алматы облысында Трансұлттық компаниялардың қатысуымен жүзеге асқан ірі жобалар бар. Мәселен 2018 жылы полуфабрикаттар өндіретін "Маревен Фуд" зауыты іске қосылған болатын. Алда картоп өңдейтін "Фарм Фритс" және ұсақ мал етін тереңнен өңдейтін "Бауманн" жобаларын іске асыру міндеті тұр.

Облыс басшысының айтуынша, биылғы жылы аймақта ауыл шаруашылығының өңделген өнімдерінің экспорты 3%-ке өсіп, 82,5 млн. АҚШ долларын құрайтын болады, 4 мың тонна ет экспорттау, соның ішінде 2 мың тонна ірі қара етін экспортқа шығару жоспарланған.

Мемлекет басшысы ауыл шаруашылығы жерлеріне аудит жүргізу, жер кадастрі жүйесін цифрландыру туралы тапсырма берген еді. Осыған байланысты айтсақ, облыста түгендеу жұмыстары 2015 жылдан басталып, барлығы 496мың гектар пайдаланылмай жатқан жерлер анықталды.Соның 363 мың гектары пайдалануға беріліп, 120,6мың гектары мемлекет меншігіне қайтарылды. Цифрландыру ісі қолға алынып, оған 500 млн. теңге бөлініп отыр.

- Өңірде жасалып жатқан ауыл шаруашылығы жерлеріне аудит жүргізу және цифрландыру ісін сапалы және өз уақытында аяқтауымыз керек. Сол сияқты су ресурстарына, сумен қамту инфрақұрылымдарына, ирригациялық жүйелерге түгендеу жасау оларды жөндеуге, қайта жаңғыртуға, құрылысын жүргізуге, суармалы жерлерді айналымға енгізуге нақты жоспарлар жасап, іске кірісуге мүмкіндік береді. Бізде бұл жұмыстар жүріп жатыр, құжаттандыруды аяқтадық. Қазіргі кезде Ескелді, Алакөл, Ақсу, Көксу аудандарында Ислам Даму Банкінің қаржысы есебінен қалпына келтіру жұмыстары жасалуда. 2023 жылға дейін 138 мың гектар суармалы жерді қалпына келтіруді жоспарлап отырмыз, соның 40 мыңы биылғы жылдың үлесінде болуы тиіс. Жер - өндірістің ең басты факторы. Бұл мәселеде тиімді жұмыс істемей ауылды дамыта алмаймыз, - деді А. Баталов.

Алматы облысы әкімінің баспасөз қызметі.

Алматы облысына тартылатын инвестиция жыл соңына дейін 624 млрд. теңгеден асады деп болжануда

Бірінші жартыжылдықта Алматы облысының экономикасына 223,5 млрд. теңге инвестиция тартылып, бұл көрсеткіштің өсімі 5,5 %-ті құрады, ал жыл соңына дейін 624 млрд. теңгеден асады деп болжануда. Сондай-ақ2025 жылға қарай инвестиция көлемін облыс 2,5 есе арттырып, 1,6 трлн. теңгеге жеткізуі тиіс. Мемлекет басшысының Үкіметтің кеңейтілген кеңесінде берген тапсырмаларын жергілікті жерлерде орындау туралы облыс активінің жиынын өткізген облыс әкімі Амандық Баталов осылай деді, - деп хабарлайды Алматы облысы әкімінің баспасөз қызметі.

Бүгінгі күні облыс қоржынында жалпы құны 5,6 трлн. теңге болатын 283 жоба бар, оның 83-і биылғы жылы іске қосылып, соның нәтижесінде 5,5 мың жұмыс орны құрылмақ.

- Жаңа инвесторларға өңірдің инвестициялық, туристік және IT мүмкіндіктері мен тартымдылығын, әлеуетін таныту үшін "ЖетісуИнвест" форумын өткізуіміз керек. Облысқа инвестициялар тұрақты тартылуы тиіс. Мен әкімдерге айтып отырмын. Президент әкімдердің жұмысы инвестиция тарту көрсеткішіне қарап бағаланатынын ескертті. Осыны аудан, қала басшыларының назарына қайталап саламын, - деді облыс басшысы А. Баталов.

Алматы облысы әкімінің баспасөз қызметі

Индустрияландырудың игілігі мол

2010-2018 жылдары Алматы облысында Индустриялық-инновациялық даму мемлекеттік бағдарламасы шеңберінде 58 жаңа кәсіпорын іске қосылып, тоғыз мыңнан астам жұмыс орны құрылған. Бағдарламаның арқасында экономикадағы өңдеу секторының үлесі 20% дейін өсіп, бұрын соңды өңірде болмаған жаңа - фармацевтика саласы жанданды. Алда шикізаттық емес сектордың экспортымен айналысу міндеті тұр. Бұл туралы кеше өңірдің актив жиынында облыс әкімі Амандық Баталов айтты, - деп хабарлайды Алматы облысы әкімінің баспасөз қызметі.

Амандық Баталов Үкіметтің кеңейтілген отырысында Президенттің "Қарапайым заттар экономикасының" әлеуетін толыққанды пайдалану туралы айтқанын еске салды. Басым жобаларға қолжетімді несие беру бағдарламасымен облыста бүгінгі күні небары бес ғана жоба банктердің мақұлдауын алса, тағы үшеуі қарастырылу үстінде. Облыс әкімі бұл көрсеткіштің Жетісу өңірі үшін тым аз екенін сынға алып, орынбасары Б.Манзоровқа, кәсіпкерлік басқармасы мен аудан, қала әкімдеріне "қарапайым заттар экономикасы" бойынша жұмысқа белсене кірісу керектігін қатаң ескертті.

Президент жүктеген міндеттердің бірі - жаңа жұмыс орындарын ашу. Өткен жылы облыста 26 мың жұмыс орнын құру жоспарланса, іс жүзінде 31 мыңнан астамы ашылды.

- "Еңбек" бағдарламасының тиімділігін көтеруіміз керек, сапалы, тұрақты жұмыс орындарын құруға жұмыс істеуге тиіспіз. Тұрғындардың кірісі артса, табысы өссе, халықтың әл-ауқатын одан әрі жақсартуға зор септігі тиеді. Сондықтан облыстық басқармалар басшыларына, аудан, қала әкімдеріне тұрақты жұмыс орындарының құрылуына бағытталған нәтижелі шараларды қолға алуды тапсырамын, - деді А. Баталов.

Алматы облысы әкімінің баспасөз қызметі

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны