Система Orphus

АӨК дамыту жөніндегі жаңа салалық бағдарламаның таныстырылымы өтті

25.10.2012, 17:15 5834

Павлодар. 25-қазан. Kazakhstan Today - Бүгін Павлодар облысында ҚР Ауыл шаруашылығы вице-министрі М. Толыбаевтың қатысуымен өткен аймақтық жиналыста Қазақстан Республикасының 2013-2020 жылдарға арналған Агроөнеркәсіптік кешенді дамыту бойынша Бағдарлама жобасы талқыланды, деп хабарлайды Kazakhstan Today агенттігінің тілшісі.

25 қазан күні Павлодар облысында ҚР Ауыл шаруашылығы вице-министрі М. Толыбаевтың қатысуымен аймақтық жиналыс өтті. Отырыста Қазақстан Республикасының 2013-2020 жылдарға арналған Агроөнеркәсіптік кешенді (АӨК) дамыту бойынша Бағдарлама жобасы талқыланды (Агробизнес-2020).

Вице-министр жаңа бағдарламамен қарастырылған мемлекеттік қолдау механизмдері ДСҰ-ға келешекте кіру қарсаңында АӨК субъектілерінің бәсекеге қабілеттіктерін жоғарылату үшін оңтайлы жағдай жасап отырғандығын атап өтті.

Агробизнес-2020 негізгі индикаторлары: Қаржылық сауықтыру, АӨК субъектіріне тауарлар, жұмыстар мен көрсетілетін қызметтердің қолжетімділігін жоғарылату, АӨК субъектілерін қамсыздандырудың мемлекеттік жүйесін дамыту, АӨК мемлекеттік реттеу жүйесінің тиімділігін жоғарылату.

Бағдарламамен ауылшаруашылығы тауарларын өндірушілерді қолдауға 6 қаржылық құралдар қарастырылған: қарыздардың кепiлдендірілуі мен сақтандырылуы, инвестициалық субсидиялар, несие мен лизинг бойынша сыйақы мөлшерлерін субсидиялау, қаржылық сауықтыру, екінші деңгейлі банктерді қорландыру.Бұдан басқа бағдарлама шеңберінде фитосанитарлық, ветеринарлық және азық-түлік қауіпсіздігі бойынша шаралар кешені әзірленбек.

Жалпы 2013-2020 жылдарға арналған АӨК дамыту бойынша Бағдарламасын іске асыру үшін 2 986,96 млрд. теңге қаржы қажет, атап айтқанда тауарлармен қызметтердің экономикалық қолжетімділігін жоғарылатуға бағытталған шараларға 75%, АӨК мемлекеттік қамсыздандыруды дамытуға 14%, қаржылық сауықтыруға - 10% жұмсалмақ.

Бағдарламаны жүзеге асыру барысында ауыл шаруашылық өнімдерін өндіруді 1,5 есе ұлғайту; ауыл шаруашылығында бір жұмыскердің еңбек өнімділігін 3 есе көбейту; агроөнеркәсіп кешенінің өнімдерінің экспорттық түсімдерін 20%-ға дейін ұлғайту, сондай-ақ республиканың азық-түлік қауіпсіздігін ішкі нарық есебінен 80% деңгейінде қамтамасыз ету жоспарланып отыр.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны