АСТАНА. 17-тамыз. Kazakhstan Today. Астанада ҚР қаржы министрлігі мен РФ Федералдық қазынашылық мекемесі арасында техникалық ынтымақтастық туралы келісімге қол қойылды, деп хабарлайды Kazakhstan Today тілшісі.
Қазақстан жағынан құжатқа ҚР қаржы министрлігінің қазынашылық комитетінің төрағасы Дина Шаженова мен РФ Федералдық қазынашылық мекемесі жетекшісінің орынбасары Алексей Попов қол қойды. "Қазақстандағы сияқты Ресейдің қазынашылық мекемесінде де Илемдік банктің басқаруымен қазынашылық жүйесін жаңалау жұмыстары жүргізілуде. Осы жобаның аясында биыл біз қаржылық есеп жүйесін енгізуге кірісеміз. Ол бірнеше жылдан бері Қазақстанның қазынашылық комитетінде табысты жұмыс істеуде. Сол себепті біз үшін қазақстандық әріптестеріміздің тәжірибесі қызғылықты. Бұл жерде біз тек оңды тәжірибені ғана емес, сонымен бірге, проблемаларды, жүйенің осал тұстарын да білгіміз келеді",- деді А.Попов.
Оның айтуынша, ақпараттық жүйенің "осал тұсы" деп Ресейліктер "осы жүйенің түрлі блоктарының интеграциялану жағдайларын" айтып отыр. "Жүйенің әрбір блогы дегеніміз - бағдарламалық өнім, мәліметтерді жалғастыратын желі, сервер жабдықтары, ұйымдастырушылық және техникалық шаралар мен ақпаратың қауіпсіздігін қамтамасыз ету шаралары. Осы блоктар интеграцияланған кезде немесе нақты ахуалда олардың ықпалдастығы кезінде осал тұстары байқалады. Мәселен, бағдарламалық өнім мен мәліметтерді жер серігімен жалғастыру желісінің ықпалдастығы кезінде қиындықтар туындайды. Мұндай тауқыметпен тек Қазақстан ғана емес, осындай жүйені қолданатын кез-келген ел бетпе-бет келеді",- деді А.Попов.
Сонымен бірге, РФ Федералдық қазынашылық мекемесі жетекшісінің орынбасарының бағалауынша, бұл келісім екі мемлекеттің қазынашылық жүйелеріне "жылдам әрі дұрыс бағытта дамуға" көмектеседі. "Біз қазақстандық әріптестерімізді биылғы күзде Мәскеуге шақырып, осы сапар барысында қаралатын мәселелердің топтамасын айқындап алдық",- деді А.Попов.
Астанада ҚР қаржы министрлігі мен РФ Федералдық қазынашылық мекемесі арасында техникалық ынтымақтастық туралы келісімге қол қойылды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.