Ауыл шаруашылығы министрлігі шетелдік қатысушылармен ауыл шаруашылығын қайта өӊдеу бойынша инвестициялық жобаларды қарастыруда
Астана. 08 Мамыр. Kazakhstan Today - Ауыл шаруашылығы өнімдерін қайта өӊдеу бойынша жобаларды мемлекеттік қолдау "Агробизнес - 2020" бағдарламасыныӊ және индустриялдық-инновациялық даму бағдарламасыныӊ екінші бесжылдығыныӊ басыӊқы міндеттерініӊ бірі, деп хабарлайды Kazakhstan Today агенттігініӊ тілшісі.
"Нұр Отан" XVI съезініӊ барысында Мемлекет басшысы азық-түлік өндірісінде серпінді инвестициялық жобалардыӊ жүзеге асыру үшін шетелдік компанияларды тартуды тапсырды.
Қазіргі таӊда Ауыл шаруашылығы министрлігі 15 жоба бойынша инвестициялық ұсыныстарды қарастыруды.
Атап айтқанда, австриялық және неміс серіктестерініӊ қатысуымен етті мал шаруашылығында кластерді құру бойынша 4 жобаны жүзеге асыру ұсынылып отыр.
Мәселен, "Евразия Агро Холдинг" ЖШС өндіріс қалдықтарын қайта өӊдеу бағытымен бірге, жылына 17 мыӊ тонна етті өндіретін қуаттылықпен етті қайта өӊдеу кешенін салуды жоспарлап отыр.
Сондай-ақ, құс өнімініӊ импортын 50%-ға дейін қысқартуға мүмкіндік беретін голландиялық, австриялық және украиналық компаниялармен 90 мыӊ тонна қуаттылығымен 3 құс фабрикасыныӊ салынуы қарастырылып отыр.
Өсімдік майы мен сүт өнімдерін өндіру бойынша жобалар қарастырылуда.
Мысалға, майлы дақылдарды қайта өӊдеу бойынша жобаларды жүзеге асыру майлыдәндер өндірушілердіӊ мәселелерін шешпек. Өсімдік шаруашылығын диверсификациялау нәтижесінде 2014 жылы майлы дақылдар алаӊы алғаш рет 2 млн. га деӊгейінен асып түсті. Бұл шикізатты өткізу мәселесін және шикізат өніміне бағаныӊ тұрақсыздануынан фермерлердіӊ тәуелділігін болдырмау, ұзақ мерзімді және ұдайы сұранысты қамтамасыз етуге мүмкіндік береді. Бұдан басқа, қайта өӊдеу саласыныӊ дамуы салықты ұлғайту, өндірілген өнімніӊ жоғары қосымша құнын және инвестициялармен қосымша жұмыс орындарын қамтамасыз етеді.
Танымал шетелдік компаниялардыӊ қатысуы тәжірибе енгізумен қатар заманауи технологиялардыӊ таратылуына, қазақстандық өнімніӊ экспортын кеӊейтуге мүмкіндік беретін халықаралық өтім нарығын қалыптастыру өз септігін тигізбек.
Жобалардыӊ жалпы құны шамамен 200 млрд. теӊгеден аспақ.
Мұндай жобалардыӊ негізгі мемлекеттік қолдауы инвестициялық субсидиялау (құрылысқа кеткен шығындарды ішінара өтеу), құрал-жабдық лизингісі мен банк займдары бойынша пайыздық үстем ақыны субсидиялау тәрізді жаӊа құралдар арқылы жүзеге асырылады.
Серпінді жобалардыӊ тізіміне қажет болған жағдайда түзетулер енгізіледі.
ҚР АШМ баспасөз қызметі
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.