Ауыл шаруашылығын қаржылай қолдау қоры 39 миллиард теӊгеге 10 мыӊ қарыз берді
2017 жылы Бағдарлама аясында ауылдық кәсіпкерлікті шағын неселеуге 16,5 млрд теӊге бөлініп, бүгінгі таӊда оныӊ 15,7 млрд теӊгесі берілген.Одан бөлек 24,5 млрд теӊге республикалық бюджеттен және Қордыӊ өз қаржысынан бөлінді.
Астана. 11 қазан. Kazakhstan Today - Ауыл шаруашылығын қаржылай қолдау қоры ауылды жердегі кәсіпкерлікті өз қаржысымен қатар 2017-2021 жылдарға арналған Нәтижелі жұмыспен қамту және жаппай кәсіпкерлікті дамыту бағдарламасы (бұдан әрі - Бағдарлама) бойынша тартылған қаржыдан несиелейді.
- Осы жылдыӊ 9 айында Қор тарапынан 39 миллиард теӊгеге 10 мыӊнан астам несие берілді, - дейді "Ауыл шаруашылығын қаржылай қолдау қоры" АҚ басқарма төрағасыЖандар Омаров. - Жалпы, жылдыӊ соӊына дейін ауылдық шағын несиелеуге 41 миллиард теӊге бөлу жоспарланған. Шарттар несие алушылар үшін өте тиімді: несиелеудіӊ мерзімі - 6,5 жылға дейін, үстеме - жылдық 6% аспайды, тиімді сыйақы үстемесі - 6,7% дейін. Несиелеу мерзімініӊ үштен бір бөлігіне дейін жеӊілдетілген мерзім бекітіледі.
2017 жылы Бағдарлама аясында ауылдық кәсіпкерлікті шағын неселеуге 16,5 млрд теӊге бөлініп, бүгінгі таӊда оныӊ 15,7 млрд теӊгесі берілген.Одан бөлек 24,5 млрд теӊге республикалық бюджеттен және Қордыӊ өз қаржысынан бөлінді. Жалпы, осы жылы ауыл тұрғындары мен ауылшаруашылық тауар өндірушілеріне бөлінген қаржы 41 миллиард теӊгені құрайды, бұл өткен жылмен салыстырғанда 6 миллиард теӊгеге артық.
Қазіргі таӊда ауылшаруашылық кооперативтер мен олардыӊ мүшелері белсенді қаржыландырылуда. Несиелер келесі бағыттар бойынша бөлінуде: "Ынтымақ" несиелік өнім аясында -ет, сүт, жеміс-көкөніс өнімін шығару және сату жөніндегі кооперативтердіӊ дамуына; "Береке" аясында - отбасылық мал бордақылау алаӊдарына; "Игілік" бойынша - мал мен құстыӊ басын сатып алу мен көбейтуге; "Ырыс" бйоынша- отбасылық сүтті-тауарлы фермаларға. Осы бағыттар бойынша кооперативтер мен олардыӊ мүшелеріне 20 млр теӊге бөлінді.
Нұртас Болатұлы - Шығыс Қазақстан Абай ауданындағы "Нұр-Наз Береке" кооперативініӊ басшысы. Кооператив осы жылдыӊ маусым айында құрылып, 38 адамды біріктірді. Негізгі қызмет - мал бордақылау. Бүгінгі таӊда кооперативтіӊ 30 мүшесі "Береке" бағдарлама бойынша жалпы құны 76,4 млн теӊгеге несие алып, 382 ІҚМ басын сатып алды. Енді шаруашылықтағы малдыӊ саны 430-ден асты.
- Кооперативке кірген ауылдағы шаруашылықтарда осыған дейін 50 мал басы болған. Уақыттыӊ қысқа ғана мерзімінді несиелерді рәсімдеп, мал басын 8 есе көбейттік, - дейді Нұртас Болатұлы. -Қор ұсынып жатқан шарттар еш жерде жоқ. Елбасыға, Үкіметке, Қор филиалына үлкен алғыс айтқым келеді, мемлекеттіӊ көмегімен біз тұрақты табыс көзіне ие болдық, отбасыларымызды асырап, ауылды көркейтудеміз. Жақын арада кооперативке мал сою бекетін сатып аламыз деген жоспар бар. Мал соятын кез де келіп қалды, Семейдегі "Северный" базарына апарып сатамыз, ол туралы келісімдер бар.
Қазіргі таӊда Қор "Нәтижелі жұмыспен қамту және жаппай кәсіпкерлік" бағдарламасымен бөлінген қаражаттыӊ 95 пайызын игерді. Қалған 4 пайызға өтінімдер тіркелуде.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.