Ауылдағы инвестициялық жобаларды іске асыру шеңберінде қаржыландырылатын дақылдар тізбесі ұлғайтылды
Соя, рапс, мақта, қант қызылшасы және тағы да сол сияқты өсімдіктер, яғни техникалық және май санатына жататын дақылдар өндіру жобалары қаржыландырылады.
Алматы. 28 сәуір. Kazakhstan Today - "ҚазАгроҚаржы" АҚ тамшылатып суару технологиясын енгізу бағытында ауылда инвестициялық жобаларды іске асыру шеңберінде қаржыландырылатын дақылдар тізбесін ұлғайтатынын жариялады, деп хабарлайды Kazakhstan Today компанияның баспасөз қызметіне сілтеме жасап.
Баспасөз қызметінің ақпаратына сәйкес, "ҚазАгроҚаржы" АҚ тамшылатып суару технологиясын енгізу бағытында ауылда инвестициялық жобаларды іске асыру шеңберінде қаржыландырылатын дақылдар тізбесін ұлғайтатынын жариялады. Бұл жерде соя, рапс, мақта, қант қызылшасы және тағы да сол сияқты өсімдіктер, яғни техникалық және май санатына жататын дақылдар өндіру жайында сөз болып отыр.
Айта кету керек, "ҚазАгроҚаржы" АҚ 2009 жылдан бері республиканың Агроөнеркәсіптік кешенінде алты перспективалық бағыттағы жобаларды қаржыландыруда, олар: қазіргі заман ірі-тауарлық сүт фермаларын, құс фабрикаларын, жылыжай шаруашылықтарын, көкөніс қоймаларын құру және дамыту, сонымен қатар ауыл шаруашылығы техникаларын құрастыру өндірісін ұйымдастыру. Олардың қатарында тағы да бір маңызды бағыттардың бірі - тамшылатып суару технологиясын енгізу де бар. Бұл ретте бұрын бұл бағыттағы инвестжобалар санатына тек жеміс-көкөніс өнімдері өндірісінде тамшылатып суару жүйелерін қолданумен жобалар ғана жататын.
Дақылдар тізбесін ұлғайту туралы шешімді "ҚазАгро" Ұлттық басқарушы холдинг" АҚ директорлар кеңесі қабылдады, ол техникалық және май дақылдарын өсіретін шаруашылықтардың жолданымдары бойынша жүргізілген зерттеулердің нәтижесі болып табылады.
Сарапшылардың айтуынша, бүгінгі таңда маңызды техникалық дақылдар өндіру көлемінің азайғаны байқалады. Мысалы, бүгінгі таңда шикізатқа деген қажеттіліктің тек 7 пайызын ғана қамтамасыз ете отырып, қант қызылшасының өндірісі төмендеді. Көбінесе экспортқа бағдарланған өнім болып табылатын мақтаға қатысты экспорттың қысқаруға беталысы байқалады. Бұл өнімді өндіру көлемінің азаюы, өз алдына, болашақта мақтаны қайта өңдеу өндірістерін құру және ұлғайту бойынша жобалар жоспарлайтын инвесторлар үшін жағымсыз жайт болуы мүмкін. Тағы да бір мысал - барлық май дақылдары алаңдарының құрылымында 6 пайыздан азырақ асатын көлемін соя дақылы алады.
Техникалық және май дақылдарын дамыту, сонымен қатар олардың шығымдылығын арттыру және экспорттық әлуетін өсіру мәселелерін шешу жолы тамшылатып суару технологиясын қолдануда.
"ҚазАгроҚаржы" АҚ тамшылатып суару технологиясын қолданумен жеміс-көкөніс, техникалық және май дақылдар өндірісін дамыту бойынша жобаларды екі құрал арқылы - заем және лизинг арқылы жылдық 6 пайыздық өсіммен 10 жылға дейін мерзімге және 2 жылға дейін жеңілдікті кезеңмен қаржыландырады. Бұл ретте өтінім берген шаруашылық өз жобасының кемінде 15 пайызын ортақ қаржыландыруға тиіс.
Инвестициялық жобаларды іске асыруға өтінімдер қарау кезінде "ҚазАгроҚаржы" өнім өндіруден басқа, оны әрі қарай қайта өңдейтін, қызметі бұйығы бизнес-кезеңге бағытталған шаруашылықтарды да, және өз өнімдерін экспортқа шығаруға бағдарланған шаруашылықтарды да қаржыландырмақшы.
"ҚазАгроҚаржы" АҚ - ҚР үкіметінің қаулысымен 1999 жылы құрылған компания. Негізгі мақсаты - ауыл шаруашылық тауар өндірушілердің қаржы қаражаттарына, сонымен қатар лизинг негізінде ауыл шаруашылық техникалары мен технологиялық жабдықтарына деген қол жетімділігін қамтамасыз ету арқылы республиканың аграрлық секторын дамытуға қолдау жасау. "ҚазАгро" Ұлттық басқарушы холдинг" АҚ құрамына енеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.