Қауіпсіздік кеңесінің отырысында Әлихан Смайылов есеп берді
ҚР Премьер-министрінің бірінші орынбасары- Қаржы министрі Әлихан Смайылов статистикалық мәліметтермен бөлісіп, есеп берді.
Нұр-Сұлтан. 14 сәуір. Kazakhstan Today - 2019 жылғы 10 сәуірде Елбасы Нұрсұлтан Назарбаевтың төрағалығымен әлеуметтік-экономикалық даму бойынша Қауіпсіздік кеңесінің отырысы өтті. Күн тәртібінде бірнеше мәселе қаралды, соның бірі Қазақстанның 2019 жылдың 1 тоқсанындағы экономикалық даму көрсеткіштері.
ҚР Премьер-министрінің бірінші орынбасары- Қаржы министрі Әлихан Смайылов статистикалық мәліметтермен бөлісіп, есеп берді.
Биылғы жылдың 1-ші тоқсанында экономикалық белсенділіктің оң қарқыны сақталуда. Оған төмендегі сандар дәлел:
Жалпы ішкі өнім 3,8%-ке өсті;
Жылдық инфляция 4,8% деңгейге дейін төмендеді;
Негізгі капиталға салынған инвестициялар 7%-ке өсті;
Еңбек нарығында жұмыссыздық деңгейі 4,8%-ке дейін төмендеді.
Өнеркәсіп өндірісі 3,2%-ке өсті.
Химия өнеркәсібі, құрылыс материалдарын өндіру, машина жасау өнеркәсібі 10%-ке артты. Автокөлік шығару 33%-ке өсті.
Құрылыс жұмыстарың көлемі 8,9%-ке және транспорт - 4,4%-ке өсті.
Ауыл шаруашылығының өсуі 3,6%-ті құрады.
Сыртқы сауда айналымы 2 айда 7,5%-ке өсті, соның ішінде экспорт - 11,1%-ке, ал импорт - 0,3%-ке өсті.
Ішкі сауда көлемі 7,2%-ке ұлғайды.
Ағымдағы жылдың 2 айында екінші деңгейдегі банктердің жаңадан берілген несиелерінің көлемі 1,9 трлн. теңгені құрады. Бұл 2018 жылдың сәйкес кезеңімен салыстырғанда 11%-ке көп.
Еңбек нарығындағы жұмыссыздық деңгейі 4,8% -ға төмендеді.
Ағымдағы жылдың қаңтар-ақпанындағы халықтың орта есеппен жан басына шаққандағы ақшалай табыстары нақты көріністе 2018 жылдың қаңтар-ақпанымен салыстырғанда 9,4% -ға өсті, деп хабарлайды Қаржы министрлігінің баспасөз қызметі.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.